Информатика пәнінен сабақ жоспары. Мәтіндік редактор интерфейсі

Сабақтың тақырыбы	Мәтіндік редактор интерфейсі
Сілтеме	1.Мұғалімдерге арналған нұсқаулық. Марта Бронсон (2002ж) өзін-өзі реттеу, Диалог Александер (2008ж) , Выготский 1978ж 2. Информатика оқулығы. Power Point таныстырылымы. Флипчарттар
Бағдарламалық-дидактикалық қамсыздандыру	ОЖ Windows ‘7. Суретті файлдар. Оқулық. Жұмыс дәптері
Жалпы мақсаты	Мәтіндік редактормен таныстыру, онымен жұмыс істеуге үйрету. Редактордың мүмкіндіктерін өздері анықтауларына жағдай жасау
Оқыту нәтижесі	Компьютерде мәтін теруді үйренеді. Өзін-өзі реттей алады. Топпен жұмыс істей алады. Бірін-бірі бағалауды үйренеді.
Күтілетін нәтиже	1.Мәтіндік редактор не екенін; 2.Оның интерфейсімен танысады; 3.Мәтіндік редакторды не үшін қолданылатынын; 4.Word реадкторының терезесі неден тұратынын; 5. Мәтін теруді және оларды редакциялауды үйренеді
Ақпарат көздері	5-сынып оқулығы. Авторлары: Вьюшкова Е.А., Параскун Б.Қ.Әбенов
Сабақтың әдіс-тәсілдері	Практикум элементтерімен демонстрация, СТО. Зерттеу, жүйелеу, түсіндіру,сұрақ-жауап, диалог, жұптық жұмыс
Тапсырмалар
Кезеңдері	Мұғалім іс-әрекеті	Оқушы іс-әрекеті	Бағалау	Ресурстар
Ұйымдастыру (2 мин.)	Амандасу. Сурет қиындысы  арқылы  оқушыларды жұптастыру	Оқушылар суреттерді таңдау арқылы екі-екіден жұптасады.		Қиылған суреттер
Бағалау  критерийлерін құру.	Оқушылармен бірлесе отырып, критерийлер құру, топ мүшелірінің рольдерін нақтылайды.	Мұғаліммен бірлесе отырып, критерийлер құру		Топ ережесі
Үй тапсырмасын тексеру (5мин.) 1.Қызығушылы ғын ояту.	Үйге берілген тесттің қорытындысын тексеру(151 бет) Үй тапсырмасын пысықтау мақсатында  бір-бірімізге сұрақтар қояйық.	Тақтадағы жааптары арқылы тесттерін тексеріп, алған баллдарын бағалау парағына енгізеді. Бір-біріне сұрақ қойып, жауап береді.	Критериалды бағалау.              1-критерий: Тест-6 балл, әрбір сұрақ 1 балл	Тест, интерактивті тақта
Жаңа сабақ 1.Ой қозғау (10 мин.) Теориясы:«Білу» (тақырып мазмұны бойынша кім?не? қандай? қалай?нені? қашан?не істеді? сияқты сұрақтарға жауап беретін толық ақпарат іріктеліну керек	Тақтадан мына өлең жолдарын көрсетеді: Бір Аллаға сиынып, Кел, балалар, оқылық. Оқығанды көңілге Ықыласпен тоқылық! Мұғалім сұрақ қояды: Бұл не? Кім айтты? Не көріп тұрсыңдар? Оны компьютерге қалай енгізер едіңдер? Кандай батырмаларды қолданамыз?	Тақтадағы өлең жолдарын оқиды, мұғалімнің сұрақтарына өз мүмкіндіктерінше жауап береді. -Өлең, Ы.Алтынсарин жазған; Символдар, сөздер, жолдардан тұрады; Арнайы бағдарлама қажет; үлкен әріп жазу, үтір, қазақша әріптер, леп белгісі		интерактивті тақта
Теориясы: «Түсіну» (неге? неліктен? себебі? не үшін?сұрақтары оқушының жоғарыда берген жауаптарына оларды тереңдету  үшін қойылады) /2 мин/	Видео материал, презентация көрсету арқылы жаңа сабақты түсіндіреді.	7 сынып оқушыларының мәтіндік редактор бойынша оқушыларға берген кеңестерін тыңдайды. Жаңа тақырып бойынша мәлімет жинақтайды.		интерактивті тақта
Практикасы: “Қолдану” (Жеке жұмыс)	Тақтадағы сөзжұмбақты шешу үшін берілген логикалық (Piza) тапсырмаларын ұсынады, Ортада пайда болған сөзді түсіндіреді.	Оқушылар логикалық тапсырманы орындап, сөзжұмбақты шешеді, компьютерде  тапсырманы жазады, дискрипторлар бойынша тапсырмалар орындау арқылы балл жинайды.	2-критерий: дискриптор бойынша бағалайды.
Сергіту сәті.	«Сергіту» биі «Шыршаны» билету.	Би қимылдары арқылы бойларын сергіту		Интерактивті тақта
«Мағынаны  таны» Теориясы: “Талдау” (Салыстыр, Айырмашылығы неде? Ұқсастығы неде? Тақырыптың басты идеясын жаз, деген болу керек) Венн диаграммасы арқылы қамтуға болады	Графикалық редактор мен мәтіндік редактордың айырмашылығын Венн диаграммасы түрінде көрсету ұсынылады.	Екі редактордың ұқсастығы мен ерекшелігін салыстырады.	Өзара бағалау	Интерактивті тақта
Теориясы: «Жинақтау» (Қорытынды  шығар,анықтама бер,  мазмұнды жүйеле, кестені,  тірек сызбаны, сөзжұмбақты толтыр немесе өзің құрастыр тағы  с.с. басқа түрдегі тапсырмалар оқушының жоғарыдағы «тақырыптың басты идеясына» жазған жауабына қойылады)	Сабақты қорытындылау мақсатында, оқушыларды арасында диалог қалыптастырады, тапсырма ұсынады, жинақтайды.	Ойларын жинақтап, сызбаны толтырады жеке, жұппен	Әрбір тұжырым 1 балл	Таратылған парақшалардағы тапсырма
«Бағалау»:
Үйге тапсырма.	Үй тапсырмасын тақтаға жазу. Нұсқау беру.	Оқушылар  үй тапсырмасын жазып алады.		Оқушылар күнделігі
Кері байланыс.	Бәрі түсінікті, сабақ қызықты болды Әлі де жұмыс жасау керек. Сабақтың кейбір жерін өзгертер едім. Ештеме түсінбедім, Өте қызықсыз болды.	Оқушылар кері стикерге өз ойларын жазып, сәйкес суретке жапсырады.	Оқушылардың формативті бағалауы.	Үлестірме парақшалар (стикерлер)

«Мәтіндік редактор интерфейсі» тақырыбында өткізілген сабақ бойынша рефлексия

Сабақты жоспарлағанда уақытты үнемдеу жолдарын қарастырған болатынмын. Ойлағанымдай уақытым тапшылау болды. Жинақтауда оқушылардың ойлары толық тыңдалмай қалды. Жалпы, сабақ барысында критериалды бағалауды және оқушылардың практикалық жұмысын көрсеткім келді. Оқушылардың барлығы жаңа тақырып болса да, менің талабыма ілесіп жұмыс істеп отырды. Лидер оқушы, зерттеудегі А оқушы, тапсырма беріле бастағаннан-ақ қобалжып, өзі басқа оқушылардан қалып қойғанына ызаланып, жылады. Мен бұл жерде ситауциядан шыға алмай, оқушының әрі қарай жұмыс істеуіне әсер ете алмадым. Оқушы ештеме істемей отырып алды. Бірақ, сабақтың соңында ол оқушымен жеке сөйлескенімде, ол өзінің логикалық тапсырманы шеше алмай, Ерлан деген оқушыдан да төмен болып қалғанына ашуланған екен.

Кері байланыста оқушылар сабақтың ұнағанын, көп мәлімет алғанын жазған екен.

Талдау кезінде І деңгей мұғалімі Г.Гумаровна «сабақтың 7 модульмен өте сауатты құрылғанын атап айтты, ең маңыздысы оқушылар жұмыс істеді. Оқушының жұмысынан біз мұғалімді көре аламыз. Барлығы орынды, әрбір іс-әрекет жоспарланған. Сабақты да видеоматериал арқылы басқа оқушылардың түсіндіруімен жеткізді. Әрине өзі де толықтырып кетті. Жинақтау бөліміңді кішкене қараған болар едім. Оқушылардың бағалауы критерий арқылы болғандақтан нақты болды. Сабағын ағылшын тілімен сабақтастырып, қазақ тілі пәнімен де байланыстырып жатыр», деп атап өтті.

Сулейменова Нурсауле апай: негізі оқушылардың әлеуметтік жағдайын да ескерген жөн. Қазіргі таңда кейбіреулерінің үйінде компьютер болмауы да мүмкін, сондықтан барлық оқушылар мұғалімнің айтқанымен ілесіп жұмыс жасап отырды, бұл мұғалімнің жетістігі. Сабақ жоғары деңгейде өтті. Маған ұнады.

ІІ деңгей мұғалімі Жайнагүл апай: Сабағың өте тартымды өтті, маған ұнағаны – бағалау формасы, оқушылардың әбден төселгені көрініп тұр.

             Оқушылар топқа бөлінді                                  Жеке жұмыс жасады

Компьютерде практикалық жұмыс жасады             ЖАДА

         

Критериалды бағалау қолданылды             А оқушының көңілі түсті

Алға ауданы Бестамақ орта мектебі