Инша - "Тыуған телем - башҡорт телем"

Халыҡта  “Иң татлы  тел – туған тел, әсәм   һөйләп торған  тел”  тигән  мәҡәл бар. Баланы  телгә  иң ғәзиз  кешеһе - әсәһе  башлап өйрәтә.

Минең туған телем – башҡорт теле. Минең телем  мең-мең  йылдар   аша, һис бер тарих  һынауҙарына  бирешмәй   ата-бабаларыбыҙҙың   йәшәү  тарихын, йыр-моңон, ижадын  түкмәй-сәсмәй  беҙҙең  көндәргә   еткәрә.

“Бабайҙарҙан, əсəйемдəн алған - 

Ғүмер буйы тапҡан милкемде, 

Улым, ҡыҙым, һеҙгə ҡалдырамын 

Бөйөк мираҫ - туған телемде.” – тип  башҡорт  шағиры  Р.Мифтахов   юҡҡа ғына  әйтмәгән.

Туган тел - ул минең бер өлөшөм.Сөнки унһыҙ мин башкорт улы була алмаҫ инем. Күпмелер, әҙәби телдән айырмалы булһа ла, үҙ телем йомшаҡ та, яғымлы ла. Мин үҙ телемдә “Инәй-әтәй” –тип иң яҡындарыма ҡыуанып өндәшәм. Уларҙың өҙөлөп: “ Улым, үҫкәнем”- тейеүҙәре ҡанат ҡуя күңелгә.Туган телемдә мин дуҫтарым менән аралашам. Башкорт телендә тапшырыуҙар, төрлө программалар, кинолар ҡарайым. Бик матур “Сулпылар”, ”Тамыр”тапшырыуҙарын хатта ҡустым да ҡарарға ярата. Бәләкәйерәк саҡта  “Аҡбуҙат”  журналын   уҡыһам, хәҙер  “Аманат” журналын, “Йәншишмә” гәзитен  яратып уҡыйым. Әлеге   ваҡытта  мин 6-сы класта  уҡып йөрөйөм. Мәктәптә  башҡорт  телен   беренсе кластан   яратып  өйрәнәм. Класташтарым, дуҫтарым  менән  саф башҡорт  телендә  аралашыуға   мин  бик шатмын.Туган телемдәге моң, көйҙәргә, бейеүҙәргә мин бик ғашыйк. Үзем дә йырларга яратам.Танылған, күренекле башкорт шәхестәре тураһында күберәк белергә тырышам. Туган телемдә яҙылган бай тарихлы әҙәбиәт менән танышам. Белемемде тағы ла үҫтерәһем, туған телемде яҡшы беләһем килә.

Туган телем минең өсөн бик ғәзиз. Ул - иң туган, иң матур, иң татлы тел!