Использование онлайн сервиса Goanimate

Бағдарламаның атауы:      GoAnimate

Бағдарламаның ерекшелігі: GoAnimate - анимациялық видеолар мен онлайн-презентациялар жасауға арналған бағдарлама. Бағдарламаның өзгелерден ерекшелігі - пайдалануға ыңғайлы әрі мультфильм кейіпкерлерінің бейнесімен қызықты бейнежазба жасауға мүмкіндік береді. Оның тегін және ақылы нұсқалары бар. Тегін демо-нұсқасы арқылы да көптеген видеолар жасауға болады. Дайын бейнежазбаларды әлеуметтік желілерде бөлісу де қолжетімді.

Бағдарламамен жұмыс істеу барысы: www.goanimate.com сайтына кіріп, жеке аккаунт ашып тіркелу қажет (1-сурет, 2-сурет). Тіркелудің бірнеше нұсқасы бар. Олар mail, gmail, түрлі әлеуметтік желілер  (facebook,vk, т.б)  желілері арқылы.  

         Тіркелгеннен кейін жұмыстың 3 сюжеттік құрылымның біреуін таңдайсыз (3-сурет).

1-құрылым. Іскери, ресми қарым-қатынасқа арналған 2D бейнежазба жасау (түрлі-түсті бейнелер, әртүрлі тақырыптағы суреттер, кейіпкерлер, т.б);

2-құрылым. Ақ және қара түсті құрылымды бейнежазба жасау (қаламмен салынған суреттегідей бейне, түрлі кейіпкерлер, т.б);

3-құрылым. Бейнежазба және инфографиялық жұмыстар (кесте, диаграмма, статистикалық мәліметтермен жұмыс, т.б).

                                                         3-сурет

         Жұмыс түрі таңдалғаннан кейін жасалатын бейнежазбаның мазмұнына сәйкес арнайы құрылым мен басты кейіпкер ретінде ұсынылған бейнелер таңдалады. Терезеде видео әзірлеуге қажетті құрал-саймандар тақтасы шығады. Яғни, видеоның шаблонын, ол жердегі басты кейіпкерлерді таңдау секілді жұмыстар жасау керек. Төменгі бөлігінде орналасқан аудио және видеоқатарлар жұмыс жасауды жеңілдетеді. 

      Ойластырылған мазмұн негізінде оқиғалар, орындар және кейіпкерлер таңдалып бейнежазба жазылады. Дайын видеоны алдын ала бір қарап, жүктеп алуға болады.

Сабақта қалай қолдануға болады?

•    Түрлі анимациялық видеолар арқылы  қазақ тілін тиімді жолмен үйретуге болады.

•    Жасалған бейнежазбалар арқылы мектеп оқушыларының қазақ тілі мен әдебиеті пәндеріне қызығушылықтарын арттыруға болады.

GoAnimate бізге несімен ұнайды?

•    Видеомонтажсыз өтімді видео;

•     Көрнекі әрі шебер дизайн;

•     Тез әрі оңай жасалатын бейнежазба.