Дәүләт бюджетындагы белем бирү учреждениясе
« Сәламәтлекләре буенча мөмкинлекләре чикләнгән укучылар
өчен Югары Чаллы интернат- мәктәбе »
Могҗизалар кыры
(Габдулла Тукай иҗатына багышлана)
Җиһаз: Кичә үткәреләсе
зал түрендә Г.Тукай портреты, Тукай турында әдипләрнең әйткән сүзләреннән
плакатлар, Г.Тукай әсәрләренә укучылар ясаган иллюстрацияләр, уен өчен барабан, магнитлы такта.
Кичә
башланганчы залда З.Яруллинның “Тукай” маршы яңгырый. Залга алып баручы чыга.
Алып баручы:
Хәерле көн, хөрмәтле укытучылар, укучылар!
Алкын кыш үтеп, яз җиткәч, халкыбыз бөек Тукайның туган
көнен билгеләп үтә. Һәр ел саен мәктәпләрдә, сөекле шагыйребез иҗатына
багышлап, әдәби кичәләр уздырыла.
Г.Тукай бары тик 27 ел яшәгән, нибары сигез ел иҗат иткән.
Шулай булса да ул зур, бәя биреп бетермәслек рухи байлык калдырган. Аның иҗаты
илебездәге төрки халыклар арасында искиткеч популяр.
Бүген
без Г.Тукай тормыш юлына багышланган “Могҗизалар кыры” уены үткәрәбез.Уен 3
турдан тора. 1 тур уенчылары чакырыла.( уенчылар сорауларга җавап бирү
тәртибендә сайланып алына)
Алып баручы:
Беренче тур өчен сорау: Г.Тукай укыган Уральскидагы мәдрәсәнең исеме ничек? (Җавап.
Мотыйгия)
Һәр
турдан соң музыкаль тәнәфес үткәрелә.
Анда Тукай әсәрләренә иҗат ителгән җырлар тыңланыла.
Алып баручы: 2 тур
өчен сорау: Г.Тукайга Кушлавычта куелган һәйкәлнең авторы кем? (Җавап.
Скульптор И.Новоселов, 1955 ел)
III тур
өчен сорау: Тукай яратып йөргән
кызның исеме ничек? (Җавап. Зәйтүнә)
Тамашачылар белән уен. Тукайның кушаматы ничек булган? (Җавап:
Апуш)
Уенның
финал өлешенә I-III турларда җиңгән
укучылар керә.
Алып баручы: Финал
өчен сорау. Г.Тукай язышып, аралашып торган газетаның исеме? (Җавап.
Әльислах)
Финалда
җиңгән укучыга супер уен тәкъдим ителә.
Алып баручы: Супер
уен өчен сорау. «Тукай маршы»ның авторы кем? (Җавап:
З. Яруллин)
Уенда
катнашкан һәм җиңеп чыккан укучыларга истәлекле бүләкләр тапшырыла. Кичәгә
укытучы тарафыннан башка сораулар да әзерләнергә мөмкин.
Уен Г.Тукайның «Туган тел» җыры белән тәмамлана.
Оставьте свой комментарий
Авторизуйтесь, чтобы задавать вопросы.