Конспект урока по казахскому языку и литературе на тему "Театр"

Қостанай облысы, Жітіқара қаласы

«Жітіқара политехникалық колледжі» КМҚК

Қазақ тілі мен әдебиет пәнінің оқытушысы

Смаилова Н.С.

Сабақ тақырыбы: Театр туралы. Сан есім.

Сабақ мақсаты:

Білімділік: оқушылардың білім деңгейін көтеру, ұжымдық түрде  білім алуға баулу. Мәтінді мәнерлеп оқып, жаңа сөздермен таныса отырып, мазмұнын ашу және мәтін ішінен әртүрлі жаттығулар арқылы сан есімді ажырата білуге үйрету.

Дамытушылық: тақырып бойынша айтылым әрекетін дамыту, сұрақ  қоя білу, қойған  сұраққа толық  жауап  беру қабілеттерін  дамыту. Сөздік  қорын  байыту, ойлау,  сөйлеу  шеберлігін  арттыру.

Тәрбиелік: мәдениетке, театр өнеріне сүйіспеншілік туғызу.

Сабақ түрі: дамыта оқыту

Сабақ типі: аралас сабақ

Сабақ әдісі: сұрақ-жауап, түсіндіру, әңгіме, өз бетінше жұмыс, көрнекілік.

Сабақ көрнекілігі: театр суреті, таратпа парақтар, т.б.

Пайдаланған әдебиет:

Казахский язык для всех А.Ш.Бектурова, Ш.К.Бектуров

Қазақ тілінің қолданбалы грамматикасы Ш.К.Бектуров

Сабақ барысы:

І. Бағдарлау-мотивациялық кезең.

- Сәлемдесу;

- Білім алушыларды түгелдеу;

- Білім алушылар назарын сабаққа аудару;

- Сынып тазалығы.

ІІ. Үй тапсырмасын сұрау.

«Базарда» диалогын жатқа айту

ІІІ. Жаңа сабақ.

Ой шақыру

Қазақстандағы қандай театрларды білесіңдер?

Театр өнері  сізді қызықтыра ма?

Қазақстанда алғашқы театр қашан ашылды?

- Енді бүгінгі өтетін мәтіннің жаңа сөздерімен танысайық.

Жаңа сөздер

ойын-сауық - развлечение

шығарма – произведение

шара – мероприятие

өнер – искусство

негізделу – основываться

тарлан – мастер, знаменитый

өшпес – неизгладимый

көрініс – проивление

Театр

Театр ойын-сауық орны. Мұнда ойын-сауықтан басқа драмалық шығармалар, мәдени шаралар да өтеді. Театр ең алғаш Грецияда ашылған.

Қазақ театр өнері ежелден келе жатқан салт-дәстүрлерімізге негізделген. Үйлену салты, шілдехана тойымен байланысты өтетін ойын-сауықтар, ақындар айтысы, т.б. дәстүрлеріміз театр өнерінің алғашқы көріністері болған.

Кейін халқымыздың талантты өнерпаздары шағын труппалар құрып, ел аралап, жәрмеңкелерге өнер көрсеткен. 1917 жылы Ойқұдық жайлауында (қазіргі Семей облысы, Абай ауданында) М.Әуезовтың «Еңлік-Кебек» трагедиясы тұнғыш рет қойылды.

Кейіннен 1925 жылдың аяғында Қызылорда қаласында тұнғыш музыка театры ашылды. Театр шымылдығы 1926 жылы ақпанның 13-інде М.Әуезовтың «Еңлік-Кебек» трагедиясымен ашылды.

Театр алғаш рет құрылған жылы онда Иса Байзақов, Әміре Қашаубаев, Қалибек Қуанышбаев, Елебек Өмірзақов, Серке Қожамқұлов, Жұмат Шанин, Шара Жиенқұлова және тағы басқа өнер тарландары қызмет етті. Олар театр тарихына өшпес із қалдырды. 1934 жылы қазақ драма театрының құрылуына негіз болды. Бұрынғы қазақ музыкалық театрының орнында қазір Н.Бекежанов атындағы облыстық театрының ғимараты тұр.

Тапсырма

Мәтінді оқыңыз. Орыс тіліне аударыңыз.

Тапсырма

Мына сөйлемдерге жалғау жалғап, сөйлемді аяқтаңыз.

Қазақ театр өнері ежел.... келе жатқан салт-дәстүрлері...... негізделген. Кейін халқымыз..... талантты өнерпаз..... шағын труппа..... құрып, ел аралап, жәрмеңке....... өнер көрсеткен. 1934 жылы қазақ драма театры..... құрылуына негіз болды.

Тапсырма

Мына сөйлемдерді толықтырыңыз.

Театр ойын-сауық орны, мұнда ...............өтеді. Халқымыздың талантты өнерпаздары .......................... өнер көрсеткен. 1917 жылы ................. тұнғыш рет қойылды. 1925 жылдың аяғында .................... ашылды. Олар ............... қалдырды. Бұрынғы қазақ музыкалық театрының орнында ......... тұр.

Тапсырма Мәтін ішіндегі сан есімдер кестедегі сан есімдер тобының қайсысына жатады

Сан есім

 

Реттік             Есептік           Жинақтық                 Топтау            Болжамдық               Бөлшектік

Рефлексия

«Театрға шақыру» диалогы

- Сәлеметсіз бе? «Біржан мен Сара» операсына билет бар ма? 

- Билет бар, бірақ слңғы қатарларға ғана қалды. 

- Жарайды , маған үш билет беріңізші. Бір билет қанша тұрады? 

- Бір билет 300 теңге тұрады. Сізден 900 теңге. Міне, билеттеріңіз. 

- Рахмет, сау болыңыз. 

- Сау болыңыз. 

ІҮ.Бекіту.

Сіз соңғы рет театрға қашан бардыңыз?

Ол қай қаладағы театр? 

Онда сіз қандай қойылым көрдіңіз? 

Театр өнері қандай өнер деп ойлайсың?

Ү. Үй жұмысы. 425 бет 34-жаттығу орындау. Қазақ театры туралы әңгімелеу

ҮІ. Бағалау. Білім алушылар жұмыстарын тексеріп, баға қою, қойылған бағаларды айту.