Латын әліпбиіне көшу-қазақ тілін жаңғыртуға жағдай жасау
Жазу — барлық халыққа ортақ,
мәдениеттерді жалғастырушы,
байланыстырушы құндылықтар бірі.
Халықтың ғасырлар бойы игерген барлық
жетістіктері жазу мұрасы арқылы танылады.
Латын әліпбиіне көшудің мақсаты – «балаларымыздың ағылшын
тілі мен интернет тілін жетік меңгеруіне, ең бастысы – қазақ тілін жаңғыртуға
жағдай туғызу екенін» естен шығармауымыз керек.
Қазіргі қазақ жазуында қолданылып жүрген әліпбиді латын әріптерімен
ауыстыру мәселесіне алаңдаушылық тудырыратыны рас. Бірақ
бұл болашаққа батыл қадам жасап, елімізді төрткүл дүниеге танытып келе жатқан
Елбасының тағы бір маңызды бастамаларының бірі
болып саналады. Ата-бабадан мирас болып келе жатқан тіліміздің
болашағы үшін жасалған ғылыми маңызды шара деп білеміз. Тәуелсіз елдің негізгі
белгілерінің бірі ретінде жазудың маңызы өте зор. Сондықтан да болар Елбасы
Нұрсұлтан Назарбаевтың «біз орыс тіліне қарсы емеспіз, біз оның қазақтар
арасына қалай енгізілгеніне келіспейміз» деген сөзі көңілге көп ой салады.
Себебі бұл сөз тілінің болашағын ойлаған тіл мамандары мен тілге жанашыр зиялы
қауымның көкейіндегі ойды дөп басқандай. Латын әліпбиіне көшу, сайып келгенде,
ана тіліміздің болашағын ойлап, қолданыс аясын одан әрі кеңейте түсуге
мүмкіндік жасап, тіліміздің ішкі табиғи әліпбиіміз арқылы жазудың айтуға жасап
келе жатқан қиянатын болдырмай, қазақы айтылым (орфоэпия) мен жазылым
(орфография) талаптарын жүйеге түсіру деп түсіну керек.
Латын әліпбиіне көшу –
қазақ халқының алға жылжуына, жаңа заман талабына сай өсіп-өркендеуіне,
болашақта еліміздің жан-жақты дамуына үлкен үлес қосып, жемісі мен жеңісін
әкелері сөзсіз. Біз латын әліпбиіне көше отырып, өркениетті
елдердің қатарына қосылып, тіліміздегі дыбыстық жүйелерді нақ анықтап, қазақ
тілінің жазылуы мен дыбысталу кезінде сөздер қолданысындағы артық кірме
сөздерден арыламыз. Сондықтан латын әліпбиіне көшу біз үшін, болашақ үшін
әлдеқайда маңыздырақ.
№ 18 МГ қазақ тілі мен әдебиеті пәнінің
мұғалімі:
Досбаева Алуа Сайлаубекқызы
