Мақала тақырыбы "Саналы да өнегелі, отансүйгіш азамат тәрбиелеу парызым

 Мейірманова Б.Н.

«№100ЖББОМ», Қарағанды қаласы

Саналы да өнегелі, отансүйгіш азамат тәрбиелеу парызым

Біздің  туған жеріміз – Қазақстан Республикасы. Бұл – бай тарихпен, көне мәдениетпен және ерекше табиғатпен ұлы мемлекет.   Менiң Қазақстан - ең ыстық қалаулы сонымен аяулы, маңызды, асыл. Бабаларымыздарға көп ғасырлар бойы оның жауларынан қорғап қалуы, тарихын, салтын сақтап қалуы   бiзге мұра етіп тапсыру үшiн керек болды. Қаншама жасалған еңбек, төгілген тер мен қандар, қуаныш және бейнеттер неше өткен ұрпақтар үлесiне тидi. Жоңғарлармен соғыс, патшалықтың қиын кезеңі, Ұлы Отан соғысы – қазақ халқы көптеген қиыншылықтарды бастан өткізді.
        Ата бабаларымыз көп жылдар бойы тәуелсіз ел болуды армандады. Наурызбай, Бөгенбай, Қабанбай батырларымыз, Сәкен Сейфуллин, Ілияс Жансүгіров, Бейімбет Майлин және тағы басқа ақын-жазушыларымыз тәуелсіздік үшін күресіп, көбі репресияға ұшырады. 1991 жылы 16 желтоқсан күні Қазақстан елі тәуелсіздік алды. Президент Нұрсұлтан Әбішұлы Назарбаев сайланды. Әрине мемлекет құрылған кезде тіл де, рәміздеріде қалыптасады. Қазақстан Республикасының мемлекеттік тілі – Қазақ тілі. Туымыздың көк түсі бейбітшілікті, ашық аспанды білдіреді. Ортасында алтын арайлы күні мен қыраны бар. Ою-өрнегі шетінде орналасқан. Елтаңба шеттерінде екі алтын пырақ, ортасында шаңырағы бар.       Әр Қазақстанның азаматы айрықша күнін есте сақтады және онымен мақтанады.   Осы жылда біздің тәуелсіздігімізге 25 жыл болып отыр. Сөз жоқ, Қазақстан халқы үшін ұлы күн. Бұл барлық еңбекқорлықтың, халықтардың достықтың нәтижесі. 1991 жылдан 2011 жылға дейін Қазақстан Республикасы Тәуелсіз Мемлекеттер Достығы, Біріккен Ұлттар Ұйымы және басқа ұйымдарға кіріп, 2010 жылы Азиаданы өткізді. Семей Невада сынының жабылғаны да, ЭКСПО 2017 жылыы басқа мемлекетте емес Қазақстанда өткізетіні де біз үшін үлкен жетістік.   Біз мемлекетіміздің көптеген жетістіктерін айтып мақтана аламыз. Қазақстан тәуелсіздігін алғалы міне биыл 25 жыл. Осы кезеңде Қазақстанды әлемге танытқан, барлық мемлекеттердің танып білуі, олардың бізге деген қызығушылығы мұның барлығы әрине елбасшымыз Н.Ә.Назарбаевтың үлкен үлесінің арқасы деуге болады.

  Біздің елбасымыз – Н.Ә.Назарбаев, дана адам, шебер саясатшы, нағыз отаншыл. Біздің Ата Заңымыз – негізгі тәуелсіздіктің нышандарының бірі. Қазақстанда өз мемлекеттік рәміздеріміз  бар екенін. Олар егемендікті, бостандықты, дәстүрлерді, тәуелсіздікті білдіретінін. Тәуелсіздік – бұл бүгінгі өмір ғана емес, сонымен қатар, ертеңгі өміріміз - Қазақстанның болашағы, оның мүмкіндіктері мен мақсаттары екенін. Тәуелсіз болу – өз тағдырына жауап беру деген сөз екенін қазіргі өсіп келе жатқан ұрпаққа жеткізу біздің басты парызымыз. Оқушылардың бойында туған жеріне, еліне, тарихына деген сый құрметін таныу, олардың бойында патриоттық сезім қалыптастыру мектептегі әр мұғалімнің парызы деп білемін. 

    Н.Ә.Назарбаевтың 2014 жылғы 15 желтоқсанда Қазақстан Республикасының Тәуелсіздік күніне арналған салтанатты жиында сөйлеген сөзінде: «Халық өмірі оның келесі ұрпағымен жалғасып отырады. Сондықтан Халықтың Мәңгілігі туралы арманнан асқақ арман жоқ. Мәңгілік Ел - бұл ертеңгі күнге есік ашатын, болашаққа сенімді арттыратын идея, бұл - кері қайтпайтын және берік тұрақтылықтың символы...» Біз, байырғы қазақ жерінде бір тағдыр және тарихи жад арқылы байланысқан, Ұлы Дала Елінің даңқты тарихы мен дәстүрлерін жалғастырған Қазақстан азаматтары, көптеген ұрпақтың Тәуелсіздік туралы арманын іске асырып, болашақ ұрпақ алдындағы қасиетті парызымызды, бейбітшілік пен келісімнің, бірлік пен тұтастықтың маңыздылығын сезініп, қоғам мен мемлекеттің жоғары мүдделерін негізге ала отырып, Тәуелсіздіктің 25 жылдық мерейлі жылында осы Мәңгілік Ел - патриоттық актісін қабылдаймыз» дейді.

     Елбасы: « Мәңгілік ел – ата-бабаларымыздың сан мың жылдан бергі асыл арманы. Ол арман – әлем елдерімен терезесі тең қатынас құратын, әлем картасынан ойып тұрып орын алатын тәуелсіз мемлекет атану еді. Ендігі ұрпақ – мәңгілік қазақтың перзенті.  Ендеше, қазақ елінің ұлттық идеясы – мәңгілік ел! Мен мәңгілік ел ұғымын ұлтымыздың ұлы бағдары – «Қазақстан 2050» стратегиясының түп қазығы етіп алдым. » деп ұрпаққа сенім артады.

      Сонымен бірге  Елбасы Нұрсұлтан Назарбаев «Болашақта еңбек етіп, өмір сүретіндер-бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелетін міндет ауыр» деген болатын. Қазіргі заман мұғалімінен тек өз пәнінің терең білгірі болу емес, тарихи танымдық, педагогикалық-психологиялық сауаттылық, саяси экономикалық білімділік және ақпараттық  сауаттылық талап етілуде. Ол заман талабына сай білім беруде жаңалыққа жаны құмар шығармашылықпен жұмыс істеп, оқу мен тәрбие ісіне еніп оқытудың жаңа технологиясын шебер меңгерген жан болғанда ғана білігі мен білімі жоғары жетекші тұлға ретінде ұлағатты саналады демекші өз елін мақтан ете алатын, отансүйгіш, саналы, бәсекеге сай  жас ұрпақ тәрбиелеу жолында мұғалімдер әр сабақтарында, сынып сағаттарында түрлі әдіс – тәсілдерді қолданып отырады.

     Мен де осы мақсатта өзімнің сабақтарымда келешектегі отанының жанашыр азаматтарын  оқытуда өмірмен байланыстырып, заман ағымына қарай білім беруге, тәрбиелеуге тырысамын.  Сабақтарда қазақ халқының салт – дәстүрін, тарихын көрсететін слайдтар мен кинофильмдерден үзінділер көрсетемін, сондай – ақ олардың көрген үзінділер жайында пікірлерін тыңдаймын. Қазақстанның өркендеуі жайында өздеріне ақпараттар іздеуге, салыстыруға арналған тапсырмалар беремін. Осылайша оқушылардың өз жеріне деген   құрметін, сүйіспеншілігін арттыруға тырысамын. 

    Елбасымыз Н. Ә. Назарбаевтың  Қазақстан халқына жолдауында: «Ұлттық бәсекелестік қабілеті бірінші кезекте     оның білімдік деңгейімен айқындалады» деп айтылған.Егемендік алған тәуелсіз Қазақстанның әлемдік өркениетке жетудегі бірден-бір дара жолы- білім жүйесі. Орта мектеп- білім жүйесінің ең басты буыны. Орта мектепте  қаланған білім негізі оқушының болашағына жол ашады.
       Қазіргі кезеңдегі басты мәселенің бірі жаңа технологиялардың дамуы кезеңінде болашақ ұрпақтың тәрбиесі мен білім алуында ұстаздардың атқаратын рөлі ерекше. Егемен еліміздің болашағы, оның әлемдік өркениеттегі  өз орны, ең алдымен білім мен тәрбиенің бастауы – ұстаз қолында.»-деп атап көрсеткен болатын.
           Қазақстан Республикасының «Білім туралы» заңында «Білім беру жүйесінің басты міндеті – ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар жасау; оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу» делінген. Қазіргі мектеп жағдайындағы білім берудің ұлттық моделіне оқыту мен тәрбие берудің соңғы әдіс-тәсілдерін, инновациялық технологияны игерген, психологиялық, педагогикалық жұмыста қалыптасқан, ескі сүрлеуден тез арада арылуға қабілетті және нақты тәжірибелік іс-әрекет үстінде өзіндік даңғыл жолын салуға икемді, шығармашылық педагогикалық зерттеуші болуды талап етеді. 
      Заман ағымына байланысты оқушылардың білімге қызығуын арттыру үшін мұғалімдерге жаңа талаптар қойылуда. Сол себепті оқытудың әр түрлі технологиялары жасалып, мектеп тәжірибесіне енгізілуде. Жан-жақты ізденістің нәтижесінде білім беру саласында жаңа педагогикалық технологиялардың саны да, сапасы да өсіп келеді. Технология – белгілі бір істегі адамның әдісі, шеберлігі. Осы шеберлік арқылы мұғалімнің өз сабағын оқушыға жоғары сатыда жеткізуіне мүмкіндік береді.  Мұғалім үнемі шығармашылықпен, ізденіспен жұмыс жасап отырса, жаңашылдыққа жақын болғаны. Өзгелердің үлгісін өз ісінде пайдалана білсе, оған өзіндік қолтаңбасын қосып отырса – оқушы тәрбиелеу мен білім берудегі жетістігі сол болмақ  деп ойлаймын.  Сондықтан мен де сабақтарымда жаңа технологияларды, түрлі стратегияларды жиі қолданамын.

Біз Мәңгілік Елдің қастерлі құндылықтарын дәріптейміз, көк байрағымызды асқақтата көтереміз, еліміз жеткен жаңа биіктерде желбірететін боламыз.

Пайдаланылған әдебиеттер:

1.     ҚР Білім стандарты

2.     ҚР Президентінің «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауы

3.     Қазақстан Республикасы Президенті Н.Ә.Назарбаевтың Қазақстан халқына Жолдауы  2014

4.     Қазақстан Республикасында білім беруді дамытудың 2011-2020 жылдарға арналған мемлекеттік бағдарламасы.

5.                     ҚР  2015 жылға дейінгі  білім беруді дамыту тұжырымдамасы