Эссе
Мектеп
тренері қызметінің мәні неде?
Мектеп тренерлерін дайындау
курсында дәріс ала жүріп, мені тренердің қызметінің басты мақсаты неде, болашақ
тренер нені үйреніп, нені басқаларға үйрете алады деген ойлар мазалады. Осы
ойды саралай келе, мұғалімнің күннен күнге күрделі шешім қабылдап, бұл
шешімдердің түрлі пікірлер мен білімге сүйенетінін, сонымен бірге әрбір
оқушының нені үйреніп, қандай жетістікке қол жеткізуге тиіс екендігіне
бағытталғандығын байқадым. Осындай жағдайда мұғалімдер алдарындағы оқушыларын
өмірдің заман талабына сай өзгерістеріне әзір болуға, кедергілерді жеңіп,
білімнің биік шыңына жетіп, өмірде өз орнын таба білуі жолында өздерінің
тәжірибесі мен біліктілігін арттыра отырып, оларды өмірге дайындау жұмыстарын
қарқынды жүргізіп келеді. Қазіргі заманда жаңа технологияны меңгеріп, оның қыр-
сырын келешек ұрпаққа жеткізуде мұғалімнің алар орны ерекше деп есептеймін.
Олай дейтін себебім, заманауи мұғалім үздіксіз білім алып, өз тәжірибесімен
шәкірттерін сусындатумен бірге, әріптес ұстаздармен тәжірибе бөлісіп, келешек
білімді ұрпақты оқыту мен тәрбиелеу ісіне жұмылдыруда көшбасшы болып отыр. Олар
алдарындағы білім алушыларын жан-жақты қырынан өмірге дайындап, олардың ішкі
мүмкіндіктерін ашып, оқудағы ерекшеліктерін танып, көптеген жаңашыл
әдіс-тәсілдерді пайдалана отырып, олардың қызығушылығы мен мінез-құлық
дағдыларын жете түсінуге бағыттап отыр. Мектеп тренеріне арналған бағдарлама
негізінде педагог қызметкерлердің біліктілігін арттырудың деңгейлі
бағдарламалары курсын тәмамдап, біліктіліктерін арттырған мұғалімдердің
өздерінің осы бағдарламадан алған білімдерін, озық тәжірибелерін
мектептеріндегі әріптестерімен бөлісіп, оларға қолдау көрсету көзделеді. Олар
арнайы жылға арналған бағдарлама жоспары бойынша жан-жақты ізденіспен,
шығармашылықпен, шеберлікпен жұмыс атқара отырып, мақсаттарға жетуге ұмтылады.
Ол үшін кәсіби шеберлігін шыңдап, тиімді әдіс-тәсілдерді таңдап, мұқият,
тиянақтылықпен сабақтарын жоспарлап, мұғалімдерді ынталандыру мақсатына құрылған
сабақтары оң нәтиже береді деп ойлаймын. Осы мақсаттарды басшылыққа алып,
топтардағы бірлескен жұмысты ұйымдастырумен байланысты бағдарлама бойынша білім
ала жүріп, өзімді болашақ мектеп тренері ретінде қазіргі бізге дәріс беріп, өз
тәжірибесімен бөлісіп, жаңа тәсілдерді пайдалануды үйретіп жүрген
ұстазымыз-Кенжегүл Биахметқызына айтар алғысым шексіз. Ол кісі біздің осы
бағдарлама бойынша білім алуымызға жағдай жасап, нұсқау беріп, әрбір
жұмысымызды бағалап, алда сын тұрғысынан ойлау қабілетімізді дамытуға көмек
беріп, жаңа идеяларды жүзеге асыруға бағыттады. Осы бағыттағы бірлескен
жұмысымыз алда нәтижелі болып, жаңа форматтағы жаңашыл мұғалім ретінде алға
қадам баса берейік!
Кайырбекова
Улбосын «№3 Денисов орта мектебі» КММ бастауыш сынып мұғалімі
Оставьте свой комментарий
Авторизуйтесь, чтобы задавать вопросы.