Адам өміріндегі ең үлкен бақыт-ұрпақ өсіру, бала
тәрбиелеу. Бүгінгі бала елдің ертеңі, болашағы, ұлттың жалғасы. Қай мемлекет
болсын, бала тәрбиесіне ерекше көңіл бөлетіні сөзсіз. Өйткені, өскелең ұрпақ
елдің ертеңгі тізгінін ұстар азаматтары. Бар жақсылығын балаларына көрсетіп,
олардың жан-жақты тәрбиелі саналы болып ержетуіне қамқорлығын аямайтын
мемлекеттің, болашағы да жарқын.
Осы орайда жазғы
демалыс – балалар үшін ерекше қуанышты сәт. Шуақты күндерімен бірге балалар
лагері де өз жұмыстарын бастаған болатын. Оқушылардың демалысын тиімді өткізу
және оларды лагерьмен қамту жыл сайын дәстүрге айналып келеді. №30 жалпы білім
беретін мектеп жанынан да «Алау» жазғы демалыс лагері ұйымдастырылып, 26
мамырдан өз жұмысын бастады. Онда 3 ауысымда шәкірт тынықты. Демалушылар ыстық
тамақпен қамтылды. Алдын ала белгіленген жоспар бойынша іс-шаралар (сыртқы
ортамен жақсы қарым-қатынас жасауға дағдыландыру, парасаттылыққа, ұйымшылдыққа
тәрбиелеу мақсатында психологиялық тренингтер, спорттық жарыстар,
интеллектуалды сайыстар, концерттік бағдарламалар) уақтылы өткізілумен қатар,
«Біз бақытты баламыз», «Сенің жұлдызды сәтің», «Көңілді тапқырлар алаңы» (КТА),
«Кім жүйрік?», «Көңілді эстафета», т.б. қызықты шаралар ұйымдастырылып,
спорттық ойындар да оздырылды.
Оқушылар қаламыздағы мұражайлар мен
кітапханаларға барып, олардың жұмыстарымен танысып, таным-біліктерін кеңейтіп
қайтты. Әр ауысымдағы балалар 10 күн ішінде қызғылықты шаралармен уақыттарын
мәнді өткізіп, жабылу салтанаттарында тынығушылар өздерінің көңіл-күйлерімен
бөлісіп, ән айтып, би билеп, лагерьмен қимай қоштасып, әдемі әсермен тарқасты.
Белсенді оқушыларға Мақтау қағаздары табысталды.
Оставьте свой комментарий
Авторизуйтесь, чтобы задавать вопросы.