"Менің отбасымның мүшелері"

Ортаңғы тобындағы ұйымдастырылған оқу қызметінің конспектісі

Конспект организованной учебной деятельности в средней группе

Өткізу күні/Дата проведения:

Тәрбиеші/Воспитатель:

Білім беру саласы/Образовательная область: Коммуникация

Пән/Предмет: Көркем әдебиет

Өтпелі тақырып/Сквозная тема: «Отбасымен бірге»

Тақырыбы/Тема:  «Менің отбасымның мүшелері» (тақпақ)

Мақсаттары/Цели:

1.Тәрбиелік – воспитательная: Инабаттылық пен адамгершілікке тәрбиелеу, өз ойын, пікірін жеткізе білуге баулу.

2.Дамытушылық – развивающая: Отбасы мүшелерін дұрыс атауға, сәлемдесіп, қоштасуға, үлкенді сыйлап құрметтеуге үйрету.

3.Оқыту – обучающая: балалардың отбасы, туыстық, қарым-қатынас, отбасы мүшелерінің міндеттері туралы түсініктерін тиянақтау. Отбасы мүшелері туралы шағын тақпақтарды жатқа айтқызу.

Педагогикалық технологиялар/пед.технологии: денсаулық сақтау технологиясы, ойын әдісі, сұрақ – жауап, әңгімелеу.

Ресурстармен қамтамасыз ету/Ресурсное обеспечение:  түймедақ гүлі, отбасы мүшелерінің қолданатын заттары (газет, ыдыстар, т.б)

Билингвалдық компонент/Билингвальный компонент: отбасы-семья,ата-дедушка, әже-бабушка, ана-мама, әке-папа, әкпе-сестра, аға-брат

Ұйымдастырылған оқу қызметінің барысы

1.Ұйымдастырушылық кезеңі/организационный момент:

Ғажайып сәт:  Тәрбиеші топқа қолындағы түймедақ гүлімен кіреді.

Балалар қараңдаршы, бұл қандай гүл?

Дұрыс айтасыңдар, бұл түймедақ гүлі. Бұл жәй гүл емес сиқырлы гүл. Оның әрбір жапырақтарында жұмбақтар жасырылған.

2.Негізгі бөлім/оснавная часть:

Сендер жұмбақ шешкенді ұнатасыңдар ма?

1. Айтары мол ғұлама,

Көп жасаған бұл адам.

Әкесі ол әкеңнің

Білер оны сұраған. Ол кім?

Жеке жұмыс: Самрат сен өзіңнің атаң туралы айта қойшы.

2. Ол өте мейірімді, ақ шашты, дәмді тағамдар, тәтті бауырсақ пісіреді, бізге жылы қолғап, шұлық тоқиды, ұйықтар алдында ән немесе ертегі айтып береді. Бұл кім?

Жеке жұмыс: Томирис сен әжеңе қалай көмектесесің?

3. Сендердің кірлеріңді жуып, дәмді тағамдар, тәтті нандар пісіреді, сендерге жылы қабақ танытады.

-Бұл кім?

Жеке жұмыс: Айлана сенің анаңның есімі кім?

4. Сендерді арқасына салып ойнататын, көтеріп жүретін адам кім?

Жеке жұмыс: Санжар сен әкеңе қалай көмектесесің?

- Балалар, жұмбақтар кімдер туралы? Бір сөзбен қалай атаймыз?

- Өте жақсы балалар, отбасы  мүшелері.

Отбасы - адам баласының өсіп-өнер алтын ұясы. Отбасы мүшелеріне ата, әже, әке, ана, аға, апа, іні, қарындас жатады. Олар бізге осы дүниедегі ең жақын, бізді әркезде қолдап, қол ұшын беріп, көмектесетін, ақыл айтатын, жаман мен жақсыны, оңмен солды үйрететін ең жақын адамдар.

Билингвалдық компонент: отбасы-семья,ата-дедушка, әже-бабушка, ана-мама, әке-папа, әкпе-сестра, аға-брат

Отбасы туралы тақпақ жаттау.

Атамнан басталар.

Әкемнен қосталар

Отбасым мыналар

Ең жақын адамдар-

Әке мен анам бар

Бір туған ағам бар,

Бәрін жақсы көремін,

Еркелеймін,еремін

Тәрбиеші: Міне, балалар біз отбасы мүшелері туралы айттық. Енді біз үлкендерге ұқсап ойын ойнайық. Бәріміз рөлдерді бөлісейік.

Сюжеттік ойын: «Менің отбасымның мүшелері»

Тәрбиеші: Балалар сендер өз қалауларың бойынша рөлдерге бөлінесіңдер?

Санжар - ата, Айя - әже, Бағлан - әке, Айлана- ана, Камила, Әли, Амина - балалары.

Балалар өздері киініп әр кім өз жұмысына кіріседі. Атасы киініп теледидар қарайды. Әкесі газет оқиды. Ал әжесі жіп иіріп отыр. Анасы тамақ дайындап жатыр. Балалары бірі сабақ оқып, бірі ойнап, бірі анасына көмектесіп жатыр.

Әжесіне көмек көрсетіп отырған Амина:

- Әже, мынаны қайдан алдың? Неге иіріп жатырсың? деп сұрайды.

- Жүнді қойды қырқып аламыз, жүнді жуып тазалап, былай түтеміз деп өзі көрсетеді.

- Түткен жүнді иіріп сендерге қолғап, шұлық тоқып беремін.

Камила бала анасына көмектесіп, картоп тазаласып жатыр. Анасы екеуі турайды, ыдысқа салып қуырады. Одан кейін ыдыстарды үстел басына қоя бастайды. Бәрі жиналып үстел басына тамақ ішеді. Үстел басында әңгімелерін жалғастырады. Тамақ дәмді екен. Тамақтанып болған соң «рахмет» айтып ойынды әрі қарай жалғастырады. Рөлдерді де бөлісіп алады. Әрі қарай ойнайды. Ойын соңында кімнің қалай ойнағандары жайлы қорытындылайды.

Сергіту сәті:

Атам жылқы бағады / Бір орнында тұрып, шабу /

Ағам пішен шабады. /Шөп шаққандай қимыл жасау/

Жеңгем сиыр сауады. / Отырып қолдарын қимылдатады/

Әжем киіз қағады. /Қолдарын алға жайып, қимыл жасау/

Дидактикалық ойын: « Кім жоқ?»

Үйдің ішіне (ата, әже, әке, ана, аға, қарындасты) іліп қоямыз. Біреуін алып тастаймыз, балалар кім жоқ екенін айтады. (өздері орналастырады.)

3.Қорытынды/итоговая часть:

Балалар біздер бүгін кімдермен таныстық?

Отбасы мүшелеріне кімдер жатады екен?

Біз қандай отбасымыз? Балаларды мадақтау.