"Менің болашақ мамандығым" атты АШЫҚ ТӘРБИЕ САҒАТЫНЫҢ ЖОСПАРЫ

Менің болашақ мамандығым

Мақсаты: оқушыларға мамандық және оқу бағдарын таңдауға көмектесу, оқушылардың өмір туралы көзқарастарын дамыту, алдағңы уақытта мамандықты таңдауда дұрыс жолда болуына себепкер болу, өз-өзін анықтаудың жалпы әзірлігін қалыптастыру, мамандық таңдау мәселесін белсенді арттыру, оқушылардың кәсіби қызығушылықтары мен бейімділігн анықтау, мамандық әлемі және оның ерекшеліктері туралы дүниетанымын кеңейту; таңдаған мамандығының өз бейімділігі мен қабілетіне сәйкес келуін нақтылау, мамандық әлемі туралы ақпарат алу арқылы және өзін тану шекарасын кеңейту арқылы мамандық бағытын таңдауда жауапты шешім қалыптастыру.

Міндеті: мамандықтарды талдай  және таңдай білуге үйрету.

-оқушының өзінің қабілетін, бейімін, қызығушылығын мамандыққа сай тани   білуге үйрету;

-оқушылардың құптап отырған мамандықтарына бағыт беру;

-оқушылардың бағдары мен құндылықтары туралы мәлімет беру.

Көрнекілігі: колледж суреті, оқу орындарыны суреті, проектор (слайд), алма ағашы, күн сәулесі, нақыл сөздер.

Барысы.

Қайырлы күн!

Құрметті Қазақстанның жарқын болашақтары!

Сәлеметсіздер ме! Отырыңыздар!

Бүгінгі сағатымыздың тақырыбы – «Менің болашақ мамандығым». Жақын арада әрқайсыңыз мамандық таңдау мәслесіне тап болдыңыздар.

Бүгін сабақта біздер осы маңызды тақырыптарға тоқталамыз, сендердің өз қызығушылықтарың мен қабілеттерің әртүрлі мамандықпен сәйкес келуін анықтайтын мүмкіндіктерің болады, кейбіреулеріңізге өз таңдауларыңызды жасауға септігі тиюі мүмкін. Біз мамандық, болашақ таңдайтн бағдарымызды таңдау тратегиясы жөнінде, кәсіби өмірлік бағытты жобалау туралы әңгімелейтін боламыз. Мамандық таңдау кезінде ескерілетін факторларға тоқталамыз және дұрыс шешім қаьылдауды үйренеміз.

Тәрбие сағатымыздың көп бөлігі ойын түрінде өтеді.

Араларыңызда кейбіреулерің ендігі қандай маман иесі болатыңызды, қандай бағытта, оқу орнында оқитыныңызды, қандай бағытта, оқу орнында оқитыныңызды анықтаған шығарсыз және де өздеріңіңнің болашақ кәсіби қызметтеріңді жақсы білтін шығарсыз. Дегенмен де өз таңдауыңды тағы бір тексерген артық етпейді, таңдаған мамандығыңыз шындығында өзіңізді жетілдіруге мүмкіндік бере ма, сол жөнінде ойлануға да кеш емес. Бұл әңгіменің тақырыбы әлі шешімін қабылдай лмай күмәнданып жүрген және бағдарын таңдай алмай жүрген оқушыларға маңызды болып табылады.

Алдарыңыздағы сұрақ жәшігіне өздеріңіздің көкейлеріңізде жауабын таба алмай жүрген сұрақтарыңызды жазып саламыз, ал «Алма ағашына» әркім өзіміздің болашақ мамандықтарымызға немесе болашақтарымызға байланысты армандарымызды ойлап «алмаларды» ілеміз.

Міне, оқушылар, алдымызда қазіргі таңда білім беріп жатқан Агро колледжіміздің суреті, ортада дұрыс талдау мен таңдауды, өз қабілетіміз бен ынтамызды анықтайтын жол, келесі жолда әртүрлі мамандықтарды оқытатын Жоғары оқу орындары. Бүгінгі сабақта осы колледжден қандай бағдары, қай мамандықты таңдап, қай оқу ордасына баратынымызды да талқылаймыз.

«Бағдарлы оқыту және бағдарды даярлық дегенмізі не?»

Қазақстан Республикасының 12 жылдық жалпы білім берудің тұжырымдамасында 12 жылдық білім берудің мақсаты мен міндеттері пунктінде 9 міндет жазылған, соның 7-пункті негізгі сатыда «Бағдаралды даярлықты енгізу» деп көрсетілген. Осы тұжырымдамада: «Екінші сатының негізгі ерекшелігі психо-педагогикалық диагностикалау жән кәсіби бағдар беру негізінде бағдаралды даярлық енгізу».

Қазіргі таңда мектебімізде 10-11 сынып оқушылары бағдрлы сын.ыптарда оқиды, яғни оқу бағдарын таңдай алады. Оқушы өзі үшін маңызды пәндерді кең көлемде оқиды, ал болашақ мамандығына аса қажеттілігі жоқ пәндерді аз көлемде оқиды.

Бағдарлы оқыту дегеніміз не?

Бағдарлы оқыту – жалпы білім беретін мектептің аға буындағы мамандандырылған дайындық жүйесі оқытуды даралауға бағытталған, оқушыларды әлеуметтендіруге және жоғарғы кәсіби білім берудегі сабақтастықты жүзеге асыруға бағытталған арнайы дайындау жүйесі.

Бағдарлы оқытудың мақсаты:

Мектеп оқушыларының жеке білім беру траекториясын құру және оны іске асыру мүмкіндігін қамтамасыз ету;

Оқушыларды отбасында әлеуметтендіру, жергілікті және аймақтық социумда қалыптастыру;

Орта жән жоғары білімге дайындауға арналған жалпы білім беру бағдарламасының жекелеген пәндерін тереңдетіп оқыту.

Бағдарлы пәндрі – бұл жоғарылаған деңгейдегі оқыту бағдарының нақтылы бағытын анықтайтын пәндер.

 

Мамандықты қалай таңдаймыз?

Мамандық дегеніміз – адамның белгілі бір қызмет атқаруына мүмкіндік беретін материалдық не рухани өндірісте алған білімі мен өмірлік дағдысының жиынтығы. Мамандық таңдау жасөспірімдік кезеңде қабылданатын жауапты шешімдердің біреуі болып табылады. Мамандық таңдау басқа да таңдаулар сияқты көп мөлшердегі бірнеше нұсқа бойынша шешім қабылдау болып табылады және әртүрлі факторларды ескеру қажеттілігі болып табылады.

Мамандық алғың келе ме,

Мамандық өзі немене?

Айналаң толған мамандық,

Айналаң толған өнеге.

«Әріптерден басталатын мамандық» жаттығуы. Топтарға әріптер беріледі. Қатысушылар міндеті – сол әріптермемн басталатын мамандықтардың атауларын барынша көбірек жазу керек.

А, Д, Ж, И, С, З, Ш, Т, М, Э

Агроном Аспаз Археолог Артист Аудармашы Архитектор Аудитор	Дәрігер Дизайнер Даяшы Діни қызметкер Дәнекерлеуші	Матрос Мұғалім Менеджер Металлург Машинист Мүсінші	Сатушы Стюардесс Слесарь Спортсмен
Тәрбиеші Тракторист Тігінші Таксист Тілші	Инженер Инспектор Информатик	Шекарашы Шаштараз Шахтер Шофер	Экономист Эколог Экскурсовод Электрик
Заңгер Зоотехник	Жазушы Журналист

Мамандық таңдау ережесі:

Барынша көптеген мамандықтарды зерттеу керек және Сіз тіршілік еткен аймақта қандай мамандықтар керектігін анықтау қажет;

Өзін-өзі зерттеу маңызды (қызығушылықтар, мінез ерекшліктері,  бейімділіктер, қабілеттер, денсаулық,  өзін-өзі бағалау, талаптану деңгейі);

Барынша өзіңе ұнамды және ыңғайлы мамандықты таңдауың керек;

Таңдаған мамандықты зерттеу;

Таңдған мамандық бойынша өз күшін байқап көру;

Өзіңнің болашақ мамандығыңды таңдай отырып ойыңды жүзеге асыруда және мамандықты жетік меңгеруде табандылық танытуың керек.

«Бұл кім?» кәсіби бағдар ойыны.

Қазір мен әртүрлі мамандықтарды айтамын, ал сендер әрқайсыңыз бірнеше секунд ішінде жолдастарыңызға қарап, аталған мамандық көбірк кімге үйлесетінің іштей анықтайсызар. Әрі қарай мен қол шапалақтағанда барлығың таңдаған адамдарыңды (аталған мамандыққа көбірек келетін адамды) қолмен немесе қаламмен көрсетулерің керек.

-мұғалім;

-жүргізуші;

-дәрігер;

-тігінші;

-әнші;

-журналист;

-спортшы;

-программист т.б. (оқушылар не себепті сол адамды таңдағандары және  не себепті сол мамандыққа сәйкес келетіндігі туралы өз ойларын жеткізеді).

Мамандық таңдау кезінде ескеріңіз:

Өзіңнің қызығушылығыңды, бейімділігіңді, құштарлығыңды, яғни осындай іс-әрекетті істегенді ұнатамын;

Өз мүмкіншілігің – білімің, қабілетің, денсаулығың, яғни істей аламын;

Еңбек нарығы сұранысы, кадрлардың қажеттілігі, яғни керек маман дегенді.

«Ең, нағыз...» ойыны.

Қазір сіздерге мамандықтардың кейбір ерекш мінездемелері ұсынылатын болады, ал сендер берілген мінездеме барынша сәйкес келеді деген мамандықтарды атауыңыз керек.

-ең жасыл амандық;

-ең тәтті мамандық;

-нағыз ақшалы мамандық;

-ең күлкілі мамандық;

-нағыз бала мамандығы;

-нағыз адамдармен көп араласатын мамандық;

-ең ауыр мамандық;

-ең салмақты мамандық;

«Болашақта мен ... мамандығын таңдаймын, себебі...»

Тақтадағы күн сәулесіне өздеріңіздің болашақ таңдаған мамандықтарыңызды жазып, не себепті сол мамандықты таңдадыңыз, сол мамандықтың бір күнін сипаттап беріңіздер.

 

Оқушылар мамандықтарын таңдап болғаннан кейін 2 бағытқа (жратылыстану-математика, қоғамдық-гуманитарлық) бөлініп отырады.

Міне, оқушылар бүгін біздер өз қабілеттерімізге қарай  мамандық пен бағдар таңдауда алғы шарт жасадық. Әрдайым осы күн шуағында шашылған өздеріңіз таңдаған мамандықтарыңыздың сәулесі, жүректеріңізден шыққан арман мен тілектеріңіз осы «Алма ағашындағы» жемістердей Сіздерге жемісі мен жеңісін сыйлай берсін!