8 наурыз ертеңгілігі "Асыл жанды аналар"

Асыл жанды аналар!

Мұғалім: Сәлеметсіздер ме, құрметті аналар, әжелер, қыздар! Сіздерді 8 наурыз мерекесімен шын жүректен құттықтаймыз. 2 «Ә» сыныбының мерекелік ертеңгілігіне келгендеріңізге рахмет.

1-ЖҮРГІЗУШІ: “Ана” – әрбір адамның жарық дүниедегі ең жақыны, жанашыры, қадірлісі, қамқоршысы ақ сүтін беріп аялаған жанын да аямаған ардақтысы.

2-жүргізуші: Ана – жүрек, жүректі құдіретте.
Ана – тірек, тіректі құрметте,
Ана – шыңың, шыңыңа сағынып жет.
Ана – күнің, күніңе табынып өт. –
деп жырлағым келеді.

Тақпақ: Мадина, Тоқжан, Қымбат

Ән: «Нұрын төккен маған»
1-жүргізуші: Баланың анаға деген махаббаты жеткіліксіз. Оны барынша құрметтеп, сыйлау әрбір баланың парызы.

Дарина «Ана туралы жыр» өлеңі.

Тақпақтар: Динмухамет, Анель, Айдана

2-жүргізуші: Кез келген адамның әдептілігі мен жан дүниенің сұлулығы, ең алдымен балаға ақ сүтін беріп, әлпештеп өсірген ана жүрегінің жылуынан басталады. Бала бойындағы ең жақсы қасиеттер бізге алдымен анадан тарайды. Ананың нәзік үні, жұмсақ аялы алақаны, жан жылуымен аялауы бізді әлдилеп жұбатады.

Саида тақпағымен.

Мәдидің биін тамашалайық.

Мадина «Туған жер» әнімен.

1-жүргізуші:

Анам менің – өмірдегі тірегім
Анам менің – кеудемдегі жүрегім
Егер менің қасымда сен болмасаң
Бұл өмірде қалай ғана жүремін

Тақпақтар: Мәди, Абай, Фархад.

«Ертегілер» әнімен Саиданы қарсы аламыз.

2-Жүргізуші: Ана деген бәйтерегі өмірдің,

Ана деген қуанышы көңілдің,

Ана деген әрбір үйдің жылуы,

Ана деген гүлі туған өмірдің,

«Үнді биі» Анель мен Айдана

1-Жүргізуші: Ардақты ана, аяулы ана, қымбаттым,

 Тәтті ұйқыңды бөліп талай түн қаттың

 Өміріме нәрін берді ақ сүтің,

 Кең құшағың аясындай гүл бақтың.

Сіздердің алдарыңызда «Анаға сәлем» әнімен Амина, Тоқжан, Диана.

 Тақпақ: Амина, Амина, Диана, Азар

2-Жүргізуші: Ер жеткізіп елге берген баласын,

 Ақылдысың, ардақтысың, данасың!

 Қарайтыным қас-қабағың бір сенің,

 Қайратыңнан қайта көрме, анашым.

«Қаражорға» биі.

Қымбат «Өзің маған бақ берген» әні.

1-Жүргізуші: Анам менің – аялаған ақ гүлім
Анам менің – бақытым мен шаттығым
“Анашым” – деп балаң жырын арнаған
Неге ғана естімеген тәтті үнін.

Аминаның орындауында «Анамның тілі» әні.

Шаһеризаданы Үнді биімен қарсы аламыз.

2-Жүргізуші: Өмірдің иесі сен, ғазиз Ана,
Келтірген дүниеге нелер дана.
Анасыз батыр да жоқ, ақын да жоқ,
Өмірдің алтын кілті сонда ғана.

Би: «Аррива»

Біздің сыныптың жігіттерінен ән тамашалаңыздар.

Ән: «Ана туралы жыр»

1-Жүргізуші: Адамзат қуат алар ақ сүтіңнен,
Мәпелеп, әлдилеген пейілің кең.
Аналық махаббатың кәусар бұлақ,
Сөнбейтін ақ жүрегің мәңгі шырақ.

Құрметті әжелер, аналар, нәзік қыздар, шағын видеоға назар аударайық.

2-Жүргізуші: Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше
Осымен концертіміз аяқталды, -дей отыра құрметті аналар, әжелер сіздерді 8 наурыз мерекесімен шың жүректен құттықтаймыз. Біздің концертімізді тамашалауға келгендеріңізге көп рахмет. Балалардың сыйлықтарын қабыл алыңыздар! Сау болыңыз!