3 нче сыйныф өчен мөстәкыйль эш

3 нче сыйныф Татар төркеме                                                                              Татар теле “Сүз” бүлеге буенча мөстәкыйль эш I вариант 1.Җөмләләрне күчереп языгыз, синонимнарның астына сызыгыз. Минем сеңлем татлы,баллы алма ашарга ярата. Балалар тәрбияле,тәртипле булсалар,әти-әни шат булыр. Бүген Алия аеруча чибәр,аеруча гүзәл иде. 2.Сүзләрнең антонимын яз. Кыш- Яхшы- Эссе- Дошман- Яшь- Авыр- Көн- 3.Калын хәрефләр белән бирелгән сүзләрне рус теленә тәрҗемә итеп,җөмләләрне күчереп яз. Әни кибеттән май (..........) сатып алды.Май (...........) кояшлы да,җылы да булды.Болында ат (...........) чаба. Тупны ераккарак ат (...........). 4.Күчереп яз. Күчерелмә мәгънәле сүзләрнең астына сыз. Матур кыз - матур фикер,эш кайный -  аш кайный,ачы сүз - ачы лимон. 5*.Мәкальне  рус теленә  тәрҗемә ит. Сүзең кыска булсын, кулың оста булсын.

3 нче сыйныф Татар төркеме                                                         Татар теле “Сүз” бүлеге буенча мөстәкыйль эш II вариант 1.Җөмләләрне күчереп языгыз, синонимнарның астына сызыгыз. Безнең өй белән чагыштырганда, бу йорт кечкенәрәк иде. Кечкенә энем нәни куллары,бәләкәй учлары белән миңа үрелде. Мондый ризыкларны,ашамлыкларны аның ашаганы булмады. 2.Сүзләрнең антонимын яз. Әтәч- Якты- Малай- Әкрен- Ямьсез- Зур- Пычрак- 3. Калын хәрефләр белән бирелгән сүзләрне рус теленә тәрҗемә итеп,җөмләләрне күчереп яз. Тиен (..........) ботактан-ботакка сикерде. Кесәмдә ун тиен (..........) акча калды. Син әнә теге елгада йөз (..........). Бу йөз (..........) миңа таныш иде. 4.Күчереп яз. Күчерелмә мәгънәле сүзләрнең астына сыз. Тәмле тел- тәмле җиләк,озын юл – озын сүз,баш вату – тәлинкә вату. 5*.Мәкальне  рус теленә  тәрҗемә ит. Сүзең кыска булсын, кулың оста булсын.

     3 нче сыйныф                                                                                                                                                                                                                 Татар теле

      Татар төркеме                                                                              

                                               “Сүз” бүлеге буенча мөстәкыйль эшне  бәяләү  критерийлары

№	Эш төре	Бәяләү
1.	Җөмләләрне күчереп язу, синонимнарның астына сызу.	Һәр дөрес эшкә  1  балл куела. Дөрес эшләнмәгән эшкә 0 балл куела. Орфографик  хата өчен 0,5 балл киметелә. Максималь  балл – 3 балл.
2.	Сүзләрнең антонимын язу.	Һәр дөрес эшкә  1  балл куела. Дөрес эшләнмәгән эшкә 0 балл куела. Орфографик  хата өчен 0,5 балл киметелә. Максималь  балл – 7 балл.
3.	Калын хәрефләр белән бирелгән сүзләрне рус теленә тәрҗемә итеп, җөмләләрне күчереп язу.	Һәр дөрес эшкә  1  балл куела. Дөрес эшләнмәгән эшкә 0 балл куела. Орфографик  хата өчен 0,5 балл киметелә. Максималь  балл – 4 балл.
4.	Күчерелмә мәгънәле сүзләрнең астына  дөрес сызу.	Һәр дөрес эшкә  1  балл куела. Дөрес эшләнмәгән эшкә 0 балл куела. Күчерелмә мәгънәле сүзләрне  язганда орфографик хата җибәрелсә-0,5 балл. Максималь  балл – 3 балл.
5.*	Өстәмә  эшне бәяләү.	Дөрес тәрҗемә ителсә, 2 балл куела. Дөрес тәрҗемә ителмәсә, 0 балл куела. Җөмләнең яртысы дөрес булса,1 балл куела. Өстәмә бирем эшләнсә, аерым билге куела. Иҗади бирем эшләнмәсә, алдагы биремнең билгесе төшерелми.
	Гомуми  нәтиҗә:	16-17 балл – “5”ле билгесе 11-15 балл – “4”ле билгесе 9-10 балл – “3”ле билгесе 9 баллдан түбән – “2”ле билгесе