"Өнерін өрлеткен топ" сабақ жоспары

Күні:  23.01.2017

Сабақтың тақырыбы: Өнерін өрлеткен топ.

Smart- сабақтың мақсаты: Қазақтың халық ұлттық топтарының  құрылуы және оның іргетасын қалаған өнер қайраткерлері туралы түсінік беру. Өнерін өрлеткен екі топ «Досмұқасан» мен « Ұлытау» топтарының шығармашылық-тарындағы,музыкасындағы  жаңашылдықты көру,әуендерін тыңдау, сезіну.

орындау. Екі топтың әлемдік деңгейдегі құдыреттілігін ұғындыру.

Барлығы: Досмұқасан және Ұлытау топтарының ең танымал шығармаларын, топ мүшелерін біледі.

Көпшілігі: Досмұқасан және Ұлытау топтарының әндерін, музыкасының жанрын, жетістектерін, әлемдік деңгейдегі құдыреттілігін біледі.

Кейбіреулері: Өнерін өрлеткен екі топ «Досмұқасан» мен « Ұлытау» топтары туралы мәліметтерді жинақтап, салыстырып , бағалай алады.

Сабақтың түрі: Жаңа материалды түсіндіру.

Сабақтың әдісі:Сұрақ-жауап, музыка тыңдау,ән айту,тапсырмалар.

Көрнекілігі: АКТ, презентациялар, аудеожазба,видеожазба, тест.

Психологиялық дайындық:

Мұғалім:

«Сәламатсыз ба?- балалар.

Ұстаз еңбегін бағалар»

Оқушылар:

«Сәламатсыз ба?- ұстазымыз,

Өнер-білімге құштармыз.»

Үй тапсырмасын сұрау.

Өнер ордасы- «Құрманғызы атындағы ұлттық мемлекеттік консерваториясы»

-Оқушылар осы өнер туралы түсініктерін айтады.

-Тест

Бағалау

Сергіту сәті: «Той жыры» Досмұқасан ансамблінің орындауында.

-Әннің әуені қандай?

-Бұл ән қай жерлерде айтылады?

-Қай топ осы әнді орындаған?

-Демек бүгінгі тақырыбымыз «Өнерін-өрлеткен топ» Досмұқасан тобы туралы болмақ

Жаңа тақырып:

Әр ауылдан Алматы қаласына оқуға келген бір топ жігіттер Политехникалық институтта бастарын қосады. Балалық шақтарынан  музыкаға әуес болған олардың қатарында – Мұрат Құсайынов, Досым Сүлеев, Хамит Санбаев, Шәріп  Омаров, Бақыт Жұмаділов, Александр Литвинов және басқалары бар еді. Досмұқасан атауы есімдерінің алғашқы буындарынан құралған болатын. Қазақстанның ұлттық мақтанышына айналған топ өмірге осылай келген. «Досмұқасан» ансамблінің репертуары халықтың құрметіне ие болып, сүйікті әндеріне айналады. Бұл- «Той жыры», «Сұлу қыз», «Алматы түні», «Қайдасың», «Құдаша», «Куә бол», «Туған жер» және т.б. Тіпті Оңтүстік және Солтүстік Америкада да, Еуропа елдерінде де осы топты қуана қарсы алған. 1977 жылы «Досмұқасан» Америкаға бітімгершілік гастролімен барып, 180 концерт беріп келген.

Досмұқасан халыққа кеңінен танылды, жастарға үлгі таратты. Досмұқасан – бүкілодақтық « Халықтар достығы» фестивалінің (Ташкент, 1971), кәсіби орындаушылар байқауының (Минск, 1973), сонымен қатар, 1973 жылы Берлинде, 1985 жылы Мәскеуде өткен жастар мен студенттердің халықаралық фестивальдерінің, Қазақстан Ленин комсомолы сыйлығының лауреаты (1974). Минск қаласында өткен II Бүкілодақтық кәсіпқой әртістер байқауында, Беларустың атақты «Песнялары» тобымен ақтық сынға түсіп, бірінші орынды жеңіп алды. Көп ұзамай, Герм анияда өткен Х дүниежүзілік  жастар мен студенттер фестивалінің Үлкен алтын медаліне ие болды.

 «Ұлытау» қазақстандық аспапты  этно-рок стилінде музыкалық ұжым. Топтың әуендері келесі қолданылатын негізгі аспаптарынан туындайды: домбыра, электро гитара және скрипка.

Топ әу бастан-ақ игі мақсатпен құрылған еді. Мақсат- қазақтың қара домбырасы мен халық күйлерін әлем халықтарына таныту. Қыдырәлі Болмановтың бастамасымен құрылған топ не бары бес-алты жылда үлкен нәтижелерге қол жеткізіп үлгерді. 2001 жылы Голливудта өткен Бүкіләлемдік музыка орындаушыларының чемпионатында Бас жүлдені жеңіп алды. 2004 жылы әлемдік жұлдыздар санатындағы түрік әншісі Тарканның концертінде өнер көрсеткен. Ал, 2005 жылы топ музыканттары Шешенстан Республикасы мен Ингушетия Республикасының Еңбек сіңірген және халық әртістері деген атаққа ие болған. Топтың алғашқы альбомының атауы – «Жұмыр қылыш». Махамбеттің «Жұмыр қылышы». Жарыққа шыққан күйтабақта айқын көрініп, әдемі тыңдалатын дүниенің бірі – «Жұмыр қылыш». Оның өне-бойында даланың рухы болған соң, біз альбомды «Жұмыр қылыш» атадық».

Күйтабаққа он композиция енген. Олардың ішінде күй атасы – Құрманғазының «Адайы», Вивальдидің «Жыл мезгілдері» мен өзге де қазақ күйшілерінің үздік туындылары бар.

Венн диаграммасы: салыстыру « Досмұқасан» және «Ұлытау».

Музыка тыңдау: « Адай» Құрманғазы «Ұлытау» тобы

                                 «Досмұқасан» тобының «Ауылың сенің іргелі» әні

-Екі топтың ән мен шығармасы тыңдалады, талданады.

Ән айту: «Жайдарман» әні Досмұқасан тобының әні.

Жаңа сабақтың меңгергенін тексеру: «Сатылы сұрақ», қызыл,жасыл,сары түсті стикер.

-Досмұқасан тобы қай жылы құрылды?

- Аты қандай себепті «Досмұқасан» аталды?

-Қандай жетістіктері бар?

-Досмұқасанның қандай әндерін білесіңдер?

-Қазақ мемлекетінде инструменталды тенденцияны құрушы топ қалай аталады?

-Ұлытау тобының жетістіктері?

-Ұлытау тобының үнтаспасы қалай аталады?

Жаңа сабақты жинақтау: «Шығармашылық тапсырма»

-Бүгінгі сабақта өнерін өрлеткен екі топ «Досмұқасан» мен «Ұлытау» қазақ халқының әні мен күйін әлемге танытқан топтар, халық сүйіспеншілігіне бөленген өнер адамдары.Олардың көптеген жетістіктерін білдік, әндерін, күйлерін тыңдадық. Бұл екі топ жас ұрпақты  елге,халыққа деген ұлттық рухта тәрбиелейді .

Үйге тапсырма: «Жайдарман» әнінің сөзін жаттау. «Досмұқасан» мен «Ұлытау» топраты туралы деректер жинау.

Рефлексия:

-Бүгінгі сабақта не үйрендіңдер?

-Өмірде бүгінгі алған білімдеріңді қолданасыңдар ма?

-Нені түсінбедің?