Доклад
Нохчийн мотт-селхана,тахана,кхана.
Азаллехь Дала синош кхуллуш, халкъаш къестош, нохчийн къомана совгIатна белла вайн ненан мотт.
Доьзалш оьздангаллин ойланехь кхетош-кхиорехь, тахана а вайн дахарехь уггаре йоккха меттиг дIалоцу цо.
Лаа аьлла дац эвлаяа Соип-моллас:"Iаьрбийн мотт Iамабелаш-ийманан мотт бу шуна иза; оьрсийн мотт хаалаш-шайх хила доллург хIун ду хуур
ду шуна; ингалсан мотт Iамабелаш – бахаман мотт бу шуна
иза;нохчийн мотт ларалаш-ненан мотт гӀиллакхан мотт бу шуна .Бан а бу вайн мотт
-гӀиллакхан мотт. Царех ду цхьа башха хаза гIиллакх
белхи. Белхеш тайп-тайпана хуьлуш бу : тIаргIа
къажбеш, поппар хьокхуш, хьаьжкIаш
йохуш, доча бIарийн тIамарш
йохуш.Ткъа иштта йуьртахь некъаш тодеш,кешнаш цIандеш
. Уггар коьртаниг керла хIусам
йеш вовшашна гIо деш хилла йуьртахоша. Хаза
гIиллакх
ду нохчийн цIенна тхов баьккхина бевлча
, белхалошна совгIаташ деш, бе-берса
кхача кечбеш.
Беркате
хилла дайн гIилакхаш, дукха хьолахь поппаран
белхехь, йа тIаргIа
къажбечу белхехь кегирхойн вовшийн бовзарца кхоллалуш хилла керла доьзалш.
Ткъа карарчу хенахь халахеташ делахь а , и гIиллакхаш
дIадовлуш
ду вайна йукъара. Бакъду йарташкахь нисло некъаш тодеш,кешнаш цIандеш болу
белхи.
Тахана
шена тIера дIа, хIорамма оьзда гIиллакхаш дендар тIехь гIо лаьцчи, кхоман лар
йовр яц.
Дуккха
а Iилманчаш, яздархой, журналисташ бу вайн мотт кхиорехь а, талларехь а
къахьоьгуш.
И
мехала хазна дIа ца йайта чIагIо йина, цуьнан жовхIарийн буьртигаш берриге
махкахула лоьхуш,шайн жайнашна а, Iаматашна а йукъадалош къахьегна а,
къахьоьгуш а нах дуккха бу вайн. Царах лаьцна дуьйцуш хезна суна Ӏилманчаша.
Масала,
нохчийн халкъан поэта Сулейманов Ахьмада, I944-чу шарахь, цIера арадолучу
хенахь, оццул ша жима хиллашехь, цхьанабуьйцуш хиллачу чхарна тIе а ведда, гола
а тухуш, чIагIо йира боху мехкан меттигийн цIераш, йицйийр а ма йац, ца йевзарш
Iамор а ма йу, ша аьлла.
Цо
шен чIагIо кхочушйира. Башха жайнаш делла ца Iаш, цо халкъана доккха совгIат
дира Iилманан жайнаш арахецарца а. «Топономия Чечено-Ингушетии», аьлла дара уьш
шовданийн, лаьмнийн, хьехнийн,Iаннийн, хотийн, тогIенийн цIераш а, уьш
схьайовларан бахьанаш а дуьйцуш.
Халкъан
барта кхолларалла дIа а йайна, дуьссур дара вай Советан Iедало шен мур берзочу
киртигехь литератор а, Iилманча а Джамбеков ШаIрани ца хиллехь (Дала гечдойла
цунна!).Халкъан фольклоран массийтта томехь болу белхаш арахецарца совгIат до
цо нохчийн дерриге а халкъана. Республикан массо а йарташка кхочуш, фольклоран
тайп-тайпана агIонаш гулйеш баккхийчаьрца гергарлонаш туьйсуш, аьхкенан мур
дIахьора боху цо университетехь Iамош болчу студенташа.
Оцу
студентех дукхаха берш бу тахана нохчийн литературан а, журналистикан а
йуьхь-сибат хилла дIахIиттинарш.
Дукха
хенахь дуьйна кхоллараллин наха шайга дукха сатийсина хиллачу паргIатоно неI
йиллина тахана Россин Турпалхочо, Нохчийн пачхьалкхан Мехк-Дас Кадыров Ахьмад
-Хьаьжин Рамзана. Хууш ма-хиллара 2023шо-Нохчийн меттан шо ду аьлла, шен омрица
дIакхайкина ,доккха беркат а, ниIмат а ду нохчийн маттана цо шен терго йар. Цу
тIе а доьгIна ,республикехь дIахьош ду цхьаьнакхетарш, семинараш, поэзина
лерина суьйренаш.
Культурехь,
литературехь, Iилманехь талламаш бан, кхолларалллин цIергахь ма- хетта
ваго таро йу кхоллараллех Iоттавеллачу муьлххачу стеган а.
Республикан
тIегIанехь хилла ца Iаш, генарчу лаьмнийн ярташкарчу оьздангаллин
цIеношкахь а дIахьош йу, дешархоша а, кегийрхоша а шуьйра дакъалоцуш
йолу «Синмехаллаш» цIе йолу конкурс. Мах хадон баьхкина къаной цец а
бохуш , къоман шира гIиллакхаш, оьздангаллин кепаш шайна дика йевзаш хилар
хоуьйту цара.
Гуобаьккхина
республикехь барта а, зорбанца а, гайтаршца а дIахьочу оцу балхо школийн
хьехархошна а доккха гIодо нохчийн мотт, литература дешархошна Iамо.
Сайн
доклад йерзош, нохчийн журналистан, йаздархочун Дадаев Сайд-Хьасанан дешнаш
дало луур ду суна:
Нохчийн
мотт ша цхьаъ лелаш бац. Нохчийн мотт бийцарца бен вайн къоман гIиллакхаш
лардар хир дац, дай Iадаташ ларлур дац, эхь-бехк а лардар хир дац. Кхечу къоман
мотт бийца волавелла стаг оцу къоман амале воьрзу. ХIора меттан шен амал йу,
къоман санна. Нохчийн мотт - нохчийн гIиллакхаш ду, нохчалла йу, нохчийн
къонахалла йу.
Оставьте свой комментарий
Авторизуйтесь, чтобы задавать вопросы.