«Қош келдің, Жаңа жыл!»
Мақсаты: балаларға мерекелік көңіл күй тудыру; шыршаның қалай әдемі де сәнді
безендірілгеніне, балалардың Аязатаның, Ақшақардың, ертегі кейіпкерлерінің
карнавалдық киімдеріне назар аударту; көңілді ойындар ойнату, жаңажылдық
мерекені сезіндіру.
Қатысушылар: жүргізуші, Аязата, Ақшақар,
балалар, ата - аналар.
Жүргізуші:Тыңдаңыздар, тыңдаңыздар,
Таңырқап тұрмаңыздар
Сәнді
шырша шақырады
Шырша
жырын жырлаңыздар
Келіңіздер,
келіңіздер!
Би
де билеп беріңіздер
Қызығы
мол жаңа жылдың
Тамашасын
көріңіздер!
Армысыздар, қадірлі
қонақтар, ата - аналар! Сәлеметсіздер ме, балалар. Сендер бүгін, сәнді киініп, әдемі болып
кетіпсіндер. Мына жерде орман аңдары, сүйікті ертегілеріміздің кейіпкерлері де
жетіпті. Ал, бүгін балалар, қандай мереке?
Балалар: Жаңа жыл!
Жүргізуші: Балалар бүгін біз Жаңа жылды қарсы алуға жиналдық. Келіңдер, сән құрап
тұрып, қол ұстасып жүріп ән салайық.
Ән:
«Аппақ, апппақ жапалақтап»
Жүргізуші: Балалар, ортамыздағы әсем не?
Балалар: Шырша!
Жүргізуші: Шыршамыз қандай әдемі! Ойыншықтары неткен көп! Ал, кім бізге шыршаға
арналған тақпақтарын айтып береді екен?
Әмина:
Жасыл шырша орманнан,
Бізге арнайы келіпті.
Ойыншығын балалар,
Шыршаға әсем іліпті.
Аяжан:
Әсем шырша сәнденген,
Өз аңдарын күтеді.
Жаңа жылмен бірге біз,
Орманға кеп жетеді.
Сезім:
Тамаша, тамаша,
Шыршамыз тұр жараса.
Басында әсем жұлдызы,
Көз тоймайды қараса.
Жүргізуші: Жарайсындар, қандай жақсы тақпақтар! Балалар, бізде шыршамыз бар, әдемі киінген балаларымыз бар, ата - аналарымыз,
көрермендеріміз де бар екен, енді, біздің жаңа жылдық мерекемізге кім жетпейді?
Балалар: Аязата, Ақшақар.
Жүргізуші: Қане, онда Аязатаны шақырайық.
Балалар: Аязата, Ақшақар
Алыстан
Аязатаның дауысы естіледі.
Жүргізуші: Аязата, Ақшақар келе жатыр ғой деймін, шақырайық, қол соғайық!
Балалар: Аязата, Ақшақар!
Аязата: Сәлематсыңдар ма, балалар!
Күнтізбеде қалыпты жалғыз ғана бір парақ,
Дайындалдым жыл бойы,
Жолға шығар келді уақ!
Шақырымды жүздеген
Басып өту мен үшін
Жаңа жылдың түнінде
Жасыл шырша түбінде.
Кездессем деп сендермен,
Таратсам екен сыйлықтар,
Одан асқан не сый бар.
Қуаныш сыйлау балаға
Одан зор бақыт бола ма!
Сендерді көргеніме сондай бақыттымын!
Хор: «Дед мороз»
Балалар, мына шыршамыз көңілсіз тұрған сияқты
ғой. Кәне, сиқырлы
сөздерімізбен оның шамдарын жарқыратайық!
Қуант бізді, таңырқат шамдарыңды жарқырат! (3
рет айту керек)
Балалар: Қуант бізді, таңырқат шамдарыңды
жарқырат.(қолдарын шапалақтатады) Шырша жарқырайды.
Би: «Кішкентай шыршалар»
Аязата: Балалар, менің қарша қызым қайда жұр екен, кім тауып береді екен маған?
Сырым:
Мұздан моншақ тағынып,
Күміс қырау жамылып.
Ортада тұр Ақшақар,
Көптен күтіп сағынып.
Әлішер:
Кел билейік сенімен,
Деймін тартып жеңінен
Еріп кетпе Ақшақар.
Адамдардың демімен.
Аязата: Бәрекелді, бәрекелді. Менің Ақшақарым қазір келіп қалар, мынадай
тақпақтар дан кейін кідірмес.
Жүргізуші: Аязата, мен де, жұмбақтап жіберсем қайтеді?
Ертегідей орманнан
Көктей өтіп келеді.
Сұңқар бойлы бір сұлу
Табынаршы, аты кім?
Балалар: Ақшақар! (музыкамен Ақшақар кіреді)
Ақшақар: Саламатсыздар ма, балалар! Орманды көктей өтіп жеттім - ау
сендерге. Қандай әдемі, неткен сұлу шырша! Мен білемін бір ойын. Үйретейін сендерге Мен бастайын, ал, сендер аяқтаңдар ойынды. Хормен
жауап айтыңдар!
Ақшақар: Қарға мүлгіп дала тұр, келе жатыр....
Балалар: Жаңа жыл!
Ақшақар: Қызыл мұрын, ақ мұртты білсең атын тез ата, келеді бізге.....
Балалар: Аязата!
Ақшақар: Шырша бүгін кәделі! Сәнді әрі....
Балалар: Әдемі!
Ақшақар: Көңілсіз бір бала жоқ, ойын – күлкі таралсын.
Құтты болсын....
Балалар: Жаңа жыл! (3 рет)
Жаңа жыл келеді.
Жаңа жыл: Кім десендер, мен жаңа жылмын, Итпін. Мен әкелген жаңа жыл сендерге үлкен табыс, денсаулық ала келсін. Олай болса ескі
жыл тауықты шығарып салайық
Тауық: Балалар кетпес бұрын сендермен бірге көңілді би
билеп берейін.
Би: Флэшмоб.
Ит:
Бәрекелді, ал, енді балалар сендермен бірге қызықты ойын ойнайық.
Ойын: «Кім жылдам»
Жүргізуші:
Кезекті тақпақтарға берейік.
Ақылбек:
Жаңа жылмен, жаңа жылмен,
Құттықтаймыз әрине.
Әкемізді, анамызды
Қонақтардың бәрін де!
Аслан:
Далада қар борайды,,
Ақ мамыққа орайды.
Мұз болады қатады,
Жап - жалтар боп жатады.
Ерке:
Аспан жерге төгеді,
Ақ күмісін уыстап,
Жаңа жылда келеді
Бізге қарай жылыстап.
Айзере:
Жүзімізге күлкі ойнап
Қанаттанды жанымыз.
Жаңа жылды біз тойлап
Шаттанамыз бәріміз.
Би: «Көңілді аққалалар»
Ақшақар ойын ойнатады.
Ойын: «Шыршаны безендір»
Жүргізуші: Кәне, балалар, бәріміз «Жаңа жыл!» әнін жақсылап айтып жіберейік,
Аязатамызбен Ақшақарымызбен.
Ән:
«Жаңа жыл!»
Аязата мен Ақшақар сыйлықтар таратады.
Ақшақар: Мінекей, балалар, сендермен қоштасатын да кез келді.
Сендерді қимай тұрмыз, барлығың да көңілді,
әдемі бала екенсіңдер.
Аязата:
Жаңа жылда, балалар, тек қуаныш көріңдер.
Ауырмаңдар ешқашан, мықты болу өзіңнен.
Ақшақар:
Сау болыңдар, балалар!
«АЙЖҰЛДЫЗ» БАЛАБАҚШАСЫ
«ҚОШ КЕЛДІҢ, ЖАҢА ЖЫЛ!»
«Балапан» екінші
кіші тобы
Тәрбиешілер:
Рысбаева Б., Мусаева А.
2017 жыл
Оставьте свой комментарий
Авторизуйтесь, чтобы задавать вопросы.