"Отаным -алтын бесігім" атты эссе

                                                                 Восточно-Казахстанская область

                                                                 Катон-Карагайский район

                                                                с. Үлкен Нарын

                                                               КГУ «Большенарымский сельский лицей»

                                                              Учитель самопознания: 9класс

                                                                Касанова Сауле Кайролдиновна

                                                               e-mail:[e-mail]

                                                Эссе

                                             Туған жерімнің оты сөнбес

                                            «Туған жердей жер болмас,туған елдей ел болмас»»

                                                                                                   Халық мақалы

    «Туған жердей жер болмас,туған елдей ел болмас» деп текке халық айтпаған.Өз жерім  мен елім жайында сөз  айтуға   неге айтпас,  Отан –бұл біздің еліміздің туған мекені  ғой.  Отан...   Бұл сөз  –әр адамның жүрегіне  жылы тиетін сөз,өйткені  әр адамның туған жері өз Отаны өзіне жақын әрі ыстық болады. «Отан оттан да ыстық» деген мақалды кім білмейді,сондықтан біз жерімізді анамыздай  жақсы көреміз. Отан – мен үшін ана да,әке де, сүйікті Отанымызды  озат оқуымызбен,үлгілі мінез-құлқымызбен ,жақсы істерімізбен қуантуға тырысамыз.Еліміздің бейбітшілікте,ынтымақтастықта,тыныштықта өмір сүруін қалаймыз.

Мен үшін Отан –құндылықтарды,материалды тасымалдаушы емес.Бұл –жан сезім! Сенің әрқашан оймен  болса да оралғың келетін жердің рухани байлығы. Менің жылдарым күндермен өлшенетін сияқты,менің кішкентай мен  үлкен Отаным татулықта болсын деймін, ал тату тұрған адамдарға жанымның жылуын,жүрегімнің отын Мұқағали Мұқатаев айтқандай  сыйлауға дайынмын.  Өз  Қазақстанымды қалай жақсы көрмеймін,қалай  мақтан тұтпайын? Ол мені өз құшағына алып,әрдайым жылулық сыйлап отыр ғой!  Менің туған жерім қандай тамаша! Қандай әсем! Айнала биік таулар, жасыл жазықтар, әдемі қызғалдақтар, сарқырап аққан бұлақ суы. Табиғаттың әсемдігіне қарап таңғаласың. Біздің елімізде көптеген ұлт пен ұлыс бір шаңырақ астында тату-тәтті өмір сүріп жатыр.

 Бір шаңырақ астында

Сақталсын бойымызда татулық,

  Болмасын көңілімізде салқындық

 Татулық болсын бірлік бастауы,

  Келешекке бастар қадам нық,

  Орнасын халқымызда тыныштық!

Туған жер! Мен үшін сенің әрбір тасың,әрбір тауың,әрбір аң-құсың,әрбір гүлің ыстық ,әрі қымбат. Мен үшін сенің көк аспаның мен желбіреген туың да қымбат.Мен сенің  гүлдеп, жайнаған тәуелсіз еліңді де, ақ мамық қысыңды да сүйемін,сол себепті жерімнің табиғатын да ,еліміздің жүрегін де көркейтуге көмектесемін. Қазақ халқы ерте кезден бірлікті, ынтымақты,татулықты,сыйластықты жақтаған. Сол әлі күнге дейін ұрпаққа тәрбие,үлгі-өнеге болып сақталып,сабақтасын келеді.Жүзі басқа жүрегі бір, тілі басқа тілегі бір жандарға қандастарымыздай қараймыз.Адамгершілік тақырыбы мен Қазақстан болашағы мәңгілік жасауға сенемін, өйткені  әр отбасы мен ұстаздар адамгершілік қасиеттерді жас ұрпаққа үлгі етіп түсіндіреді.Адамгершілік  әр адамға тән асыл қасиеттер болса, әр адам оларды күнделікті тұрмыс-тіршілігінен, өзін қоршаған табиғаттан бойына сіңіреді.Әрине,біздің еліміз талай жылдар бойы  тәуелсіз ел болуды армандады,арманымыз 1991жылы орындалды.Енді қазір жаңа  ғасыр,жаңа мыңжылдық. Кемеңгер Елбасымыздың «Қазақстан -2030»бағдарламасы өз бағытымен жүзеге асса, болшақта өз еліміздің дамуына теңізге  тамған тамшыдай болса да үлесімді қосамын деп уәде беремін.

 Мәңгі жаса туған  туыс  елім,қасиетті  жерім! Мен сенің атыңды дүние жүзіне жар салар перзеңтімін,тәуелсіздікті  мықтап қолда ұстайтын қызыңмын! Өмірде еш нәрсе де кездейсоқтық емес,барлығының да бір-бірінің байланысы бар. Ол белгілі заңдылық.Қазақстан егемендіні нығайтып,ертеңіне сеніммен қадам басқан шағында,мемлекетімізде заманына сай адам тәрбиелеу басты міндет.Сол адамдар мейірімді болу керек,себебі мейірімділік жылудан тарайды, адам  болуы тиісті.Адамгершілік тәлімі жүрекке жан шуағын орнатып,бойында бар жақсы қасиеттерді дамытады. Отбасын сүюге,Отанын сүюге сол балалық шағынан басталады ғой. «Ағаш түзу өсу  үшін оған көшет кезінде көмектесуге болады,ал үлкен ағаш кезінде түзете алмайсың»-,деп халық бекер айтпаған.Ата-бабаларымыз өз елі үшін жанын да ,барын да аямады. Біздің осы сүйегімізге сіңіп кеткен қасиетіміз жанымызға ана сүтімен тарап,мәңгілік сақталып келген, дегенмен  туған жердей жер болмас сөзі қайдан шықпас.Осы қасиетті жеріміздің  тұңғыш Президентіміз елді адал басқарып,халықтың құрметіне ие болды,сондықтан  Елбасымызды , алдымызда келе жатқан  ,жиырма бес жыл мерейтойымен құттықтағым келеді.Бұл біздің жеңісіміз,жемісіміз.Осындай ерекше, қонақжайлы , сүйіспеншілігі мол ,үкі таққан елде өмір сүру арман емес пе!

Абай атамыз айтқан сөзімен аяқтағым келеді: «Адамзаттың бәрін сүй, бауырым деп, адам бойындағы ең қымбат –оның жүрегі». Жүрегім сүйіспеншілікті сезеді,сондықтан мен де өмірде сенімім мол болып, дұрыс жол таңдауға ұмтылдым.