Открытый урок по родному(даргинскому) чтению Ахмедхан Абу-Бакар «Смерть матери" (6 кл)

МКОУ «Кичигамринская СОШ»

Тема: Нешла бебк1а

(Г1ях1мадхан Абу – Бакар)

Х1ядурбарибси дарган мезла ва литературала учитель Магомедова С.И.

2020-2021уч.год

Тема: ГIяхIмадхан Абу-Бакар «Нешла бебкIа».

Мурадуни:   1. ГIяхIмадхан Абу-Бакарла гIямрула ва творчествола гьуйчил    

                          бучIанти  тянишбарни;

           2. ГIяхIмадхан Абу-Бакарла «Нешла бебкIа» – хабарла бекI

             мягIна аргъахъни;

            3. БегIтала хIурматбирахъес дурхIни бурсибарни;

           4. Даргала литератураличи дурхIнала диги адикьни.

Чебаъла ваяхI:  ГIяхIмадхан Абу-Бакарла портрет, хабуртала жузи,   

                             компьютер, доска.

                                                            Дарсла башри.

1.      Орг.момент.

Салам, ахIерти дурхIни. Кадиирая. ХIядурлирав даргала литературала дарсличи? Дигулраяв ца гьатIи даргала машгьурси писательличила багьес? ХIебиалли, лехIдизирая ва имцIаси секIал багьес кьасбарая.

2.       Хъули хIянчи ахтардибарни.

а)  Аминат ХIяпизовала «Хьунул адамлис» назму саркъахъили белчIахъни.

      б)  нешличила ихтилат дураберкIни.

Уч-ль:  - Секьяйда иргъулрая хIушани  ишди тугъала мягIна:

                 ХIу дунъя жагабирул

КIайбяхIибси урхьури,

ТалихIла унза ибхьул

ХIу мицIирси умхьури.

Уч-ль:-  Селичил цугбурцули нешла сипат авторли?

Уч-ль: - Гьанна хIушаб ишгъуна хIянчи: гьарилли хIушала нешличила     

              хIяб- хIябал предложение пикридарая ва кIапIрази делкIеная.

3.      Дарсла тема аргъахъни.     

а) Дарсла тема ва мурадуни аргъахъни

Уч-ль: Дунъяличир бегIлара дурхъаси, гIязизси, малхIямси, кIантIиси, уркIецIичерси адам сари неш. Илала дурхъадешличилара сецад гъайдикIахIелра, дурести кахIедурхар. ВиштIаси дурхIялис нешливан къугъаси лайлара чилилра хIебучIа, нешлагъуна бизиси кьацIра чилалра  хIебирар, илала кIантIити някъбаниван чилилра хIяшхIейру. Нешла ванаси хIерли дурхIяла уркIи разибирахъу. ХIязлис ахIенгу халкь бикIути, някълаб хайгина барадра, нешла чебла хIейхъид или.

Уч-ль: - Ца ишгъуна хIянчи бирехIе. Пашбехъубси бурала бурчехIе, илала мягIна     

               гьаргбарес ва урус мезличи шурбатес къайгъибирехIе.

Уч-к:  - Нешла балгали урхьула лутIилавад дурису.  (слайд 1)

             (Материнская молитва со дня моря вынимает)

Уч-ль. ХIебиалли, дурхIни, хIушала пикри хIясибли , ишбархIила тема сегъуна    

            сабира, чичил бархбаси сабира ил?

Уч-к: - Нешличил.

 Уч-ль: - Бархьа саби, дурхIни. ИшбархIира нуша гъайдикIехIе нешла декIси кьисматличила. Нуша тянишдирехIе даргала  машгьурси писатель, драматург ГIяхIмадхан Абу-Бакарла «Нешла бебкIа» бикIуси хабарличил. (слайд 2) 

Дарсла мурадуни сари: 

1.      ГIяхIмадхан Абу-Бакарла гIямрула ва творчествола гьуйчил бучIанти     

тянишбарни;

2.       ГIяхIмадхан Абу-Бакарла «Нешла бебкIа» – хабарла бекI мягIна аргъахъни;

3.      БегIтала хIурматбирахъес дурхIни бурсибарни;

4.      Даргала литератураличи дурхIнала диги адикьни. (слайд 3)

  б) Писательла гIямруличила ва творчестволичила баянти гьаладихьни.

Уч-ль: Бахъал саби даргала литература гьалабяхI арбукибти даргала писательти ва поэтуни. Илдачил нуша гьар бархIи тянишдирулра. Илдазивад сай даргала урибси писатель, драматург ГIяхмадхан Абу-Бакар. Се баладая хIушани иличила?                  (слайд 4-7)

ГIяхIмадхан Абу-Бакар акIубси сай 1931-ибил дуслизив Дахадаевла района мургьи-арцла машгьурти устнала шилизив – Кубачилизив. Дахъал сари илини биштIатасра халатасра делкIунти хабурти, повестуни, пьесаби.

Сегъуна пьеса белчIунсири нушани ГIяхIмадхан Абу-Бакарла 5-ибил класслизиб?  

Уч-к: - «УмцIусини бургу» (слайд 8)

Уч-ль: Бархьа саби, дурхIни.  Ил пьеса хIясибли урусла драм.театрли начурбала спектакль чебаахъибсири. Илала хабурти хIясибли мультфильм «Муриси урунж» (слайд 9), киноби, спектакльти дарибти сари. Илдигъунти дахъал хабурти делкIунси писатель сай   ГIяхIмадхан Абу-Бакар.

 в) «Нешла бебкIа» - хабарла бекI мягIна аргъахъни.

Уч-ль: Нушани гьар-ур чумра произведение делчIунра революциялис гьаларти гIямру сипатдарибти. Сегъунти гIямру чедаира нушани илди произведениебазир?

Уч-к: Илар адамтала мискинти ва къарцинти гIямру сипатдирули сари.

Уч-ль: Илдигъунти гIямру чедиахъули сай ГIяхIмадхан Абу-Бакарли «Нешла бебкIа» бикIуси хабарлизир. Рустамхъала гуж-зулмули къарцинварибси ГIяли, батурли сунела хъалибаргра сайра, хъуливад дуравхъи сай. ДурхIни абикьес багьандан, дахъал хIянчи дарибси неш декIли зягIиприркули сари. Илала хIябалра дурхIяличиб чIянкIила ибси палтар аги, дудешла хIякализи бергурлири илди. Халатигъунти Юсупра Жавгьарра садакьаличи башулри. ВиштIаси Батир нешличил хъулив валтусири. ХIябцIали дус риубси неш даршал дусла рухънаван каризурлири. Илдачи вашуси дудешла узикьар ХIясан-азицун сайри. Илра сукъур сайри. Амма ца бархIи неш вайтIарикиб. Юсуп висули сай, нешличи хъябруциркули сай. «Неш, неш, дила ахIерси неш, гIелар далтулрав, нуша вегI агарли далтулрав? Неш, яни саби …» викIули сай Юсуп. «ГIяхIли каленая, Юсуп, Жавгьар, Батир. Дудеш чарулхъан», - или, хала гьигь бушили, неш ребкIиб. Ца бархIи садакьаличи дурабухъунти дурхIнани жагали вегIварибси урчила мурда чеваиб, садакьа барахъес иличи гъамбиуб, ва илдани чула дудеш вагьур. Илини дурхIнасцунра ахIи, лебилра халкьлис гIяхIла хабар хили вакIилри. Бахъхи саби хIерси бархIи бакIниличила,  большевикунани азаддеш халкьла някъбази бедниличила хабурти дурулри илини.

Уч-ль: - Чили бала, мурт биубсири революция?  (слайд 10)

                Се баладая хIушани иличила? Се хибсири революцияли?

Уч-ль: - БахъхIи адамти сунечи хIерси бархIи бакIиб, адамтала гIямрулизир дарсдешуни имцIадиуб. Амма, дурхIни, неш агарси бархIи бишунси анкъиличил цугбуцес вирар.

5.      Учебникличил хIянчи.

Уч-ль: Гьанна абхьая жузи, баргая хабар ва къелдуцая. (хабар саркъахъили

              дурхIнази бучIахъа)

6.       Дугьбачил хIянчи. (слайд 11)

Анкъи – очаг

Палда – пепел

Ятим – сирота

Беркьбиубси уси- ларь для зерна

7.      Бамсриихънила манзил.

Уч-ль: Гьанна биалли, дурхIни, цакамси бамсри ихъехIе. ГIяхIмадхан Абу-Бакарла

             «Муриси урунж» бикIуси хабар хIясибли мультфильм барибси саби. Илала    

             бутIаличи хIердикIехIе. (Мультфильм «Сладкий родник»)

8.      Кроссвордличил белчIунси тема кагахъни.

Уч-ль: Гьанна нушани делчIунти ГIяхIмадхан Абу-Бакарла произведениеби кагахъес багьандан кроссворд ирзехIе. Иш кроссвордлизир лер нушани 5-ибил класслизиб белчIунси пьесализирад ва гьанна белчIунси хабарлиирад суалти. Жагали пикридухъеная ва жавабти гес хIядурдиирая. (слайд 12-19)

9.      Хъули хIянчи бедни.

Уч-ль: Духучанти, дурхIни.  Хъулиб хIушани ил хабар чебетаахъили белчIеная ва

              чеббурес хIядурдиирая.

10. Рефлексия. Ишди суалтас хIушала жавабти делкIеная. (слайд   20-22)