"Оқу мен оқытудың жаңа тәсілдері" дөңгелек үстел 11сынып

Алматы облысы Алакөл ауданы

«Безродных атындағы орта мектебі

мектеп жасына дейінгі шағын орталығы

 бар» коммуналдық мемлекеттік мекемесі,

география пәні мұғалімі

Исова Зере Балғабайқызы

Тақырыбы: Оқу мен оқытудағы жаңа тәсілдер.

Мақсаты: Мұғалімдердің іс-тәжірибесіне сүйене отырып, 7 модульдің   білім берудегі тиімді педагогикалық тәсіл екендігін түсіндіру.  Жаңа тәсілдердің түрлерін тәжірибеде қолданудағы тиімділігі туралы бағыт-бағдар беру.

Нәтижесі: оқыту- жаңаша  туралы ұғым қалыптасады;

- тәжірибеде қолдану арқылы оқу, оқыту үдерісінде оқушылардың бірлескен әрекеті мен белсенді қарым-қатынасын қалыптастыра алады; 

- пікір алмасу, талқылау, зерттеу барысында  оқушылардың сыни тұрғыдан ойлауына мұғалім түрткі болып отырады .

Көрнекілігі: интербелсенді тақта, ватман, фламастер т.б

Сабақтың барысы:

Эпиграф:

«Маған айтсаң ұмытып қаламын, көрсетсең есімде қалар, ал өзім істесем үйреніп аламын»

Ұлы ойшыл,  Конфуций

І. Топтастыру (түрлі фигуралар арқылы 3 топқа бөліну).

Жаңа модульдің 7 кереметі:

ІІ. Бағалау критерийлері

ІІІ. 1-керемет: Әрбір тұлға дарынды (бейне көрініс көру).

2-керемет: Ойынмен шындалған көшбасшылық

(сөздер жазылған кеспе-қағаздарды таңдап, сол бойынша өздерін жарнамалап таныстыру )

3-керемет: Баға құнды емес, бала құнды (бейне көрініс көру).

4-керемет: Жаңалық әр уақытта қызықты. (Постер қорғау ).

5- керемет: АКТ- кремет технология (тест).

6-керемет: Жас ерекшелігіне  сай оқыту (сандарға байланысты ән айту және мақал – мәтел жарысы).

7- керемет:Құзіретті мұғалімнен құзіретті оқушы шығады (білімділер сайысы).

ІV. Қорытындылау (бейне көрініс көру).

І. Түрлі фигуралар арқылы 3 топқа бөліп отырғызу.

ІІ. Бағалау критерийлерімен таныстыру:

1. Топтың ұйымдаса жұмыс істей алуы.

2. Топтың жауаптарының маңыздылығы.

3. Сын тұрғыдан ой толғауы.

4. Сөз мәнерімен жеткізе білуі.

 ІІІ. 1-керемет: Әрбір тұлға дарынды (бейне көрініс көру, топтардың пікірлерін тыңдау).

2-керемет: Ойынмен шындалған көшбасшылық

(сөздер жазылған кеспе-қағаздарды таңдап, сол бойынша өздерін жарнамалап таныстыру: Президент, әкім, директор ).

3-керемет: Баға құнды емес, бала құнды (бейне көрініс көру, топтардың пікірін тыңдау).

4-керемет: Жаңалық әр уақытта қызықты. (Постер қорғау ).

Тақырыбы:

1.XXI-ші ғасырдың мұғалімі.

2.XXI-ші ғасырдың оқушысы.

3.XXI-ші ғасырдың ата-анасы. (Қандай болу керек?)

5- керемет: АКТ- керемет технология (тест).

Сіз бақыттысыз ба? (Берілген үш сұрақтың біреуін таңда)

1. Өткен өміріңізді еске түсіргенде қандай ойға келесіз?

А)Бәрі болды,жақсысынан жаманы көбірек.

Б) Бәрі де юолды, жаманынан жақсысы көбірек.

С) Өткен өміріме ризамын.

2. Өткен күніңізді кешке қалай қорытындылайсыз?

А) Өзіңізге қанағаттанбайсыз?

Б) Бүгінгі күнді бұдан да жақсы өткізуге болар еді деп ойлайсыз.

С) Өз өзіңізге риза сезіммен ұйықтайсыз№

3. Айнаға қарағанда не ойлайсыз?

А) Құдай ау уақыт неткен қатыгез?!

Б) Әлі же жаман емес.

С) Өте тамаша.

4. Егер таныстарыңыз сыйлық ұтып алса, қандай ойға кетесіз?

А) маған ондай күн тумас.

Б) Неге мен ұтып алмаймын.

С) Менің де күнім туар.

5. Ақпараттан қайғылы хабар естігенде қандай ой келеді?

А) бұл жағдай менің басыма да келуі мүмкін.

Б) Бақытыма орай мені құдай сақтады.

С) «Осы репортерлер өмірді қиындатып жіберді».

6. Таңертең ұйқыдан тұрғанда:

А) Еш нәрсе туралы ойлағыңыз келмейді.

Б) Бүгінгі күні не күтіп тұрғаны жайлы ойланасыз.

С) Жаңа күнді ризашылықпен қарсы алып, жағымды жаңалық күтесіз.

7. Таныстарыңыз туралы төмендегідей ой келеді.

А) Олар мен ойлағандай сезімтал және қайырымды адамдар емес.

Б) Әрине, кемшіліктері бар түзетуге болады.

С) Өте жақсы адамдар.

8. Өзіңізді басқалармен салыстырғанда сізге мынандай ой келеді:

А) «Мені жете бағаламайды».

Б) «Мен басқалардан кем емеспін».

С) «Мен лидер бола аламын және оны басқаларда мойындайды».

9.Сіз 5-6кг.салмақ қоссаңыз:

А) Есіңіз шығып қапаланасыз.

Б) Онда тұрғане еш нәрсе жоқ деп санайсыз.

С) Дереу дене шынықтырумен және тамақ ішуді шектеумен айналысасыз.

10. Егер сіз өмірден қажысаңыз:

А) Тағдырыңызға налисыз.

Б) Жамандық кетеді, орныныа жақсылық келеді деп ойлайсыз.

С) Көңіл көтеруге тырысасыз.

Тест жауабы:

Әрбір «а» жауапқа – 0 ұпай,

           «б» жауапқа -1ұпай,

           «с»жауапқа- 2 ұпай .

17-20 ұпай. Сіз адам сенбестей бақыттысыз. Өміріңізге ризасыз, күнделікті өмірдің ұсақ түйектеріне мән бермейсіз. Өзіңііздің ақкөңілділігіңізбен басқаларға ұнайсыз, дегенмен көп нәрсеге үстірт қарап жүрген жоқсыз ба? Мүмкін, аздаған салмақтылық қажет болар.

13-16 ұпай. Сіз бақыттысыз, өміріңізге жаманшылдықтан гөрі жақсылық көп. Сіз ақкөңілсіз, бірақ салқынқандысыз. Ақылыңыз да жеткілікті, дегенмен мінезіңізде жеңілтектік бар. Қиындықтармен бетпе бет кездескенде абыржымаңыз. Оларды байыппен бағалауға тырысыңыз. Ортаңыз сізді ұнатады.

8-12 ұпай. Бақытты, бақытсыз күндеріңіз бірдей. Егер бақытты күндеріңізді толықтырғыңыз келсе, қиыншылықта достарыңызға сүйеніңіз, оларға сеніңіз және оларға да көмектесіңіз.

0-7 ұпай.  Сіз өз өміріңізге риза емессіз және оны тағдырдың жіберген тәлкегі деп түсінесіз, тіпті өзіңізге аяныш сезімін туғызғыңыз келеді. Жақсылап ойланыңыз, сіздікі дұрыс па? Көңілді адамдар арасында көп болыңыз. Өзіңізді қызықтыратын іспенен айналысқаныңыз дұрыс.

6-керемет: Жас ерекшелігіне  сай оқыту (сандарға байланысты ән айту және мақал – мәтел жарысы).

(мысалы: ән: Бір бала, Екі жұлдыз, Үш қоңыр, Үш құдық, Сегіз аяқ, 16 қыз, Қайран 25, Отыздан асып барамын, Бес кәмпит , алты жаңғақ т.б. Мақал мәтел: Бір жеңнен қол шығар, бір жағадан бас шығар, Қырық кісі бір жақ, қыңыр кісі бір жақ, Бір кісінікі мақұл, екі кісінікі ақыл, Төртеу түгел болса төбедегі келер,  Ер қаруы бес қару,  Ер жігітің екі сөйлегені өлгені, Ер кезегі үшке дейін, Ер бір рет өледі, ез мың рет өледі,  Ержігіт бір сырлы, сегіз қырлы болсын, Алпыс күн атан болғанша, алты күн бура бол, ел құлағы елу, елу жылда ел жаңа, жүз жылда қазан, Қырықтың бірі қыдыр, Жігіттің үш жұрты бар, екі кісі ығысса, бір кісіге орын бар,жүз сомың болғанша, жүз досың болсын,т.б.).

7- керемет:Құзіретті мұғалімнен құзіретті оқушы шығады (білімділер сайысы).

ІV. Қорытындылау (бейне көрініс көру).