Поурочный план по внеклассной работе на тему "Менің болашақ мамандығым" (10 класс)

Сабақтың тақырыбы: «Менің болашақ мамандығым»

Мақсаты:

Білімділік – оқушылардың білім шыңына талпынуда алғашқы қадам жасаулары үшін бойларында қандай қасиеттер болу керек, неге бейімделу керектігі жайлы ойларын білу, болашақта мамандық таңдауына ықпал ету, ой  бөлісу;

Дамытушылық – жеке басының сапалық қасиеттерін арттыру, жеке тұлға қалыптастыру бағытында дүниетанымын кеңейту;

Тәрбиелік – оқушыларды терең білім алу жолында үздіксіз еңбектеруге, отансүйгіштікке, адамгершілікке, мәдениеттілікке, еңбекқорлыққа тәрбиелеу;

Міндеттері:

-          Мамандық таңдаудың негізгі шарттарын таныту.

-          Мамандық таңдауда оң шешім қабылдауға, еңбек қуанышын сезінуге, өзінің бойындағы қасиетін тануға жетелеу.

-          Еңбекқорлыққа, еңбекті қадірлей білуге, табысты болуға тәрбиелеу.

-           

Күтілетін нәтижелер:

•          Өзі- өзі бағалау, талдау дағдысы артады;

•          Өзінің қызығушылығын, икемділігін, болашағын сезінеді;

•          Болашағына жауакершілігі артады;

•          Алдына мақсат қоюға дағдыланады;

•          Өзінің қабілеті мен икемділігіне қарай білім алуға қолы жетеді;

Көрнекілігі: жылжымалы тақта, слайдтар,

Сабақтың барысы:

«Халық пен халықты, адам мен адамды

Теңестіретін нәрсе – білім».

М.Әуезов

            І. Ұйымдастыру бөлімі

            -  Сәлемдесу, сыныпты екі топқа бөлу

- Келісім(Топтың ережесін қабылдау) :

*Шараның сәтті өтуіне тілектеспіз

*Біз-бірімізді тыңдаймыз, сөз бөлмейміз

*Көрсетілген қол ережесіне сай топтан  біреу ғана сөйлейді

*Берілген тақырыптан ауытқымаймыз

*Уақыттық шекараны сақтаймыз.

* Басқанының да пікірін сылай білеміз

ІІ. Қызығушылықты ояту

Құрметті оқушылар !Сіздер сәбилік,балалық шақты ,алғашқы мүшелді артқа

тастап,жасөспірімдік шаққа келіп жеттіңіздер!

Әрбіреуіңнің алдарыңа қойған басты мақсаттарың бар-бұл-білім шыңына

талпыну,жүректеріңмен қалаған мамандықтарыңыздың иесі болып,өз елінің

ертеңі,тірегі болу.

Іргелі іс-ізденістен туындар,

Бар ізгілік-тек білімнен алынар,

Білімменен өмірге жол салынар

-          Адам бойындағы асыл қасиеттерді атаңыздар?

 

Оқушылар ! Осылардың ішіндегі қайталанбайтыны әрі қызықтысы да

қазіргі  сіздердің  мектеп партасында отырып алған білімдеріңіз!

Білім негізі Бастауыш сыныптан қаланып ,әрі қарай толыға түсетіні белгілі

әрі ол қайталанбайды да .Басқа оқу орындарында алған білімдеріңіз 

өмірден де белгілі түрлі жағдайларға байланысты қайталанып отырады.

-          Ендеше қандай оқу орындарының түрлерін білеміз?

            ІІІ. Мағынаны тану

Мамандық- қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.

     Әлемде 40 мыңға жуық әр түрлі мамандықтар бар. Статистердің зерттеуі бойынша жыл сайын 25 млн адам өзінің жұмыс орнын ауыстырып, оның 12 %-і қайтадан өз орнына қайтып оралады екен. Бұдан мамандықты таңдауда әр маман қателесіпті деуге бола ма? Әлде өзінің болашақтағы профессионалды қызметіне жан- жақты дайындалу керек шығар? Қоғамға, адамдарға пайдасын тигізетін мамандықтарды қалай таңдауға болады?Мамандық таңдау жасөспірім шақтағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандықтан өзіне лайықты біреуін таңдау міндеті тұрады. Мамандықтың жаманы жоқ, бірақ мұның кез- келгеніне икемділік қажет, бұл жай күнелту, тамақ асыраудың жолы ғана емес, үлкен өнерді, зор шеберлікті қажет ететін нәрсе.Кейбір жастар мамандық таңдау ережесін білмегендіктен өзі қызықпайтын мамандықты таңдайды. Осыдан өз мамандығына қанағаттанбаушылық, реніш сезімдері болып, тіпті алдарына жоспар да құрғысы келмейді. Әрбір адам  өзін- өзі дамыта алу үшін білім алып, сол біліміне сай мамандыққа машықтану керек.

Мамандық таңдау- өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Талдау жасау оңай емес. Ең бастысы-адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімді, дұрыс таңдау жасаған адам ғана жетістікке жетеді. Өзінің сұранысын, қызығушылығын жоймаған кең тараған мамандықтарға дәрігер, мұғалім және құрылысшы мамандықтарын атап өтуге болады. Ал, өзекті мамандықтар қатарына жоғары технология, байланыс, коммуникация, әлеуметтік орта, экономиканы басқару  мамандықтары және еңбек сұранысына қажетті жаңа мамандықтары жатады. Қоғамның дамуында  мамандық иелерінен жоғары кәсіби біліктілікті, коммуникативтік қабілетті, еңбек етуге деген сүйіспеншілікті, қызығушылықты, өз мамандығы бойынша біліктілігін арттыруға даяр болатын мамандық иесін талап етеді.    Сондықтан икемі, қызығуы, бейімі бар мамандықты таңдай білу, өзіне, қоғамға тигізетін пайдасын ойлау, мұндай еңбектен шабыт туатыны, ол өнімді еңбекке ұласып, табыс әкелетінін білу керек.

Мамандық таңдаудың екі әдіс-тәсілі бар:
Бірініші әдісі- сынақ және қателік, адам нағыз қажетті мамандықты таппайынша адаса жүріп әр түрлі салаларда жұмыс істеуіне болады, бұл оған жақсы өмір сыйлаумен қатар, еңбектің қуанышын сыйлайды.Бұған адама өмірінің жартысы кетуі мүмкін.
Екінші әдіс- қандай мамандық таңдаса ада, әрбір адамға қажетті өзін-өзі тану, өзінің қызығушылығын, қабілетін ойын, есте сақтауын, қабылдауын, жүйке жүйесінің қалыбын білу.
Өзің туралы білген соң, мамандық әлеміне танысуға, сол мамандықтағы өз мүмкіншілігін білуі қажет.
Тағы бір үшінші жол бар. Ол-өзінің ата-анаңның, атаңның немес бабаларының мамандығын таңдау.Мұндай жағдайда егер отбасында мамандықтың ұрпақтан-ұрпаққа берілу дәстүрі болғанда таңдауға болады.Бірақ ең бастысы-адаманың өз мамандығына деген қарым-қатынасы, өз ісіне деген сүйіспеншіліктен туындамақ.
Болашақ мамандық таңдау кезінде үлкендердің көмектескеніне қарамастан, соңғы шешімді баланың өзі қабылдайды және одан арғы жауапкершілікті де өз мойынына алады.

Адам өмірінде неге мамандықты ауыстыруы мүмкін?

(мамандығы бойынша жұмыс таба алмауы мүмкін,жұмысы ұнамауы мүмкін,

қиыншылықтарына төзе алмауы мүмкін,асығыс таңдауы мүмкін,ұжыммен келіспеушілік туындауы мүмкін,өз мамандығын

дұрыс меңгермеуі мүмкін т.б)

            ІV. Ой толғаныс

 А) Жағдаяттан шығу

1 топ

        Сіз сертификат алдыңыз. Бірақ құжат тапсырар кезде сізге таңдаған мамандығыңыз бойынша толық акпарат алған кезде көңіліңізден шықпады, (оқитын ғимараты ұнамауы мүмкін, оқитын пәндеріңіз қызықтырмауы мүмкін) сіз не істейсіз, сол мамандыққа тапсыра бересіз

бе, әлде басқа мамандықты таңдар ма едіңіз?

2 топ

Самат деген оқушы ҰБТ-ге үйінен үнемі өз бетімен дайындалады, кейбір сұрақтарын ата –анасымен бірлесіп талдап та отырады. Бірақ, бақылау сынақтарында өз деңгейінен көріне алмай келеді. Ал мектепке келгенде мұғалімнің айтқанын тыңдамайды, артқы партаға барып

ұялы телефонмен ойнап отырады. Ата-анасы баласына сенімді, ал ұстаздары Саматтың

сынақтан дұрыс нәтиже көрсете алмайтынын айтып, мектепте емтихан тапсыруына үгіттеуде

... Саматты қалай түсінесің, орнында болсаң не істер едің?

            Ә) Берілген тапсырмалар бойынша әр топ өз пікірлерін айту

1.Мамандық бір-ақ рет біржола таңдалады деген дұрыс па?

А) ия                                      Ә) жоқ

2. Мамандық таңдау қалтаның қалың болуына  байланысты ма?

А) ия                                      Ә) жоқ

3. Мамандық адамның қабілетіне, бейімділігіне байланысты ма?

А) ия                                      Ә) жоқ

4. Отбасы мен достарыңның ақылына сүйеніп мамандық таңдауға бола ма?

А) ия                                      Ә) жоқ

5. Қартайғанда да мамандық таңдауға бола ма?

А) ия                                      Ә) жоқ

6. Жақсы білім алу үшін, қымбат оқу орнына түсу керек пе?

А) ия                                      Ә) жоқ

7. Ақша болса, мамандық қажет емес деген пікірмен келісесің бе?

А) ия                                      Ә) жоқ

8. Мамандық таңдаудағы басты өлшем- қызығу мен қоғамдық сұраныстың сәйкестілігі ме?

А) ия                                      Ә) жоқ

9. Таңдайтын мамандығыңды болашақ табысың анықтай ма?

А) ия                                      Ә) жоқ

10. Мамандық таңдау- күн көрістің қамы ма?

А) ия                                      Ә) жоқ

11. Мамандық таңдауда психологтың көмегі қажет пе?

А) ия                                      Ә) жоқ

            Б) «Мен таңдаған мамандық» тақырыбында оқушылар презентациясы.

Қорытынды: бөліміміз « Армандарға жетсек деген тілекпен »деп аталады.

Мәңгі лаулап жану үшін ғаламда,

Үлкен бақыт табу үшін ғаламда,

Үлкен болып қалу үшін ғаламда,

Үлкен арман керек екен адамға . М.Шаханов

Әр шәкірттің жүрегінде «Үлкен арман-тілегі бар» Cол тілектеріңізді алдарыңыздағы

парақшаларға жазып ,құпия түрде «Тілек –сандықшасына»саламыз.

Ел сеніміне кіретін құрметті  мамандық иесі боламын десеңіздер бүгінгі  ақыл кеңестерді жадыңызда ұстап ілім- білім алуға барлық күш жігерлеріңді жұмсап, егеменді еліміздің ертеңі -болашақ маман иелері болуларыңызға тілектестігімді білдіремін!