Дата: 25.11.2020
Тэма:
«Ефрасіння Полацкая»
Мэта: на прыканцы ўроку сфарміраваць ў
свядомасці вучняў уяўлення аб рэлігійнай і асветніцкай
дзейнасці Ефрасінні Полацкай.
Задачы:
—
забяспечыць засваенне вучнямі першапачатковых звестак аб жыцці і лёсе Ефрасінні
Полацкай, аб Спаса-Ефрасіннеўскай царкве і Крыжы як культурных каштоўнасцях
беларускага народа;
—
стварыць умовы для фарміравання ўменняў вылучаць галоўнае ў прачытаным тэксце,
рабіць вывады;
—
шляхам аналізу гістарычных падзей развіваць у вучняў аналітычныя здольнасці;
—
закласці асновы для ўсведамлення вучнямі правіл маральных
паводзін
на прыкладзе жыцця і дзейнасці Ефрасінні Полацкай.
Абсталяванне:
інтэрактыўная
дошка; камп'ютар; вучэбны дапаможнік; рабочы сшытак; кніга для чытання;
атлас; карткі для індывідуальнай работы.
Спасылка
на ўрок:
(для
вучняў) https://coreapp.ai/app/player/lesson/5fbcb8614dd4b6d35fcb2719
(для настаўнікаў) https://coreapp.ai/app/preview/lesson/5fbe0b76cba549269e7466f2
Ход урока
1.
Арганізацыйны этап.
На
дошцы — запіс:
1067
ГОД
—
Аб якіх дзвюх гістарычных падзеях нагадвае гэтая дата?
(Бітва
на Нямізе і першае ўпамінанне ў летапісе аб Мінску.)
2.
Этап праверкі дамашняга задання.
—
Выкарыстоўваючы схему з пропускамі, раскажыце пра жыццё
і
кірункі дзейнасці князя Усяслава Чарадзея.
—
Адкажыце на пытанні на с. 46 вучэбнага дапаможніка.
—
Адгадайце гістарычную загадку: чаму ў час княжання Усяслава Чарадзея заключэнне
пагаднення або дамовы замацоўвалася цалаваннем
крыжа?
(Святы крыж — гэта сімвал хрысціянскай веры. Яго цалаванне
лічылася
залогам выканання пагаднення або дамовы.)
3.
Падрыхтоўка вучняў да работы на асноўным этапе.
На
дошцы запісаны імёны:
ГАРЫСЛАВА,
ПРАДСЛАВА, АНАСТАСІЯ, РАГНЕДА
—
Знайдзіце лішняе імя. (Прадслава.)
Пастаноўка
задач урока.
Знаёмства
з планам урока:
1.
У грозны час разам з народам.
2.
Жыццё, аддадзенае людзям.
3.
Крыж Ефрасінні Полацкай.
Вучням
прапаноўваецца праблемнае пытанне, на якое яны павінны адказаць
у
канцы ўрока:
—
Ці можна Ефрасінню Полацкую назваць асветніцай?
4.
Этап засваення новых ведаў і спосабаў дзеянняў.
—
Як у наш час вырашаюцца самыя важныя пытанні жыцця дзяржавы?
Настаўнік
расказвае, што ў старадаўнія часы гэтыя пытанні вырашаліся на
вечавым
сходзе.
—
З дапамогай «Гістарычнага слоўніка» вызначце лексічнае значэнне
слова
«веча».
Дадатковы
матэрыял для настаўніка:
У Полацку для вырашэння самых важных
пытанняў жыцця княства склікаўся
вечавы сход. На яго збіраліся дарослыя
мужчыны. Веча мела права здымаць
і прызначаць князя, заключаць дамовы з
іншымі гарадамі і дзяржавамі. Калі веча не падтрымлівала князя, ён павінен быў
пакінуць горад.
— Прачытайце абзац 1 апавядання на с. 46
вучэбнага дапаможніка
і адкажыце на пытанні: «Як склікалі людзей
на сход?», «Для вырашэння
якога пытання збіраліся людзі на плошчы
каля Сафійскага сабора?»
— У знакамітага князя Усяслава Чарадзея
была ўнучка Прадслава.
Прачытайце абзац 2 апавядання на с. 46—47
вучэбнага дапаможніка
і апішыце, якой дзяўчынкай яна была. Чаму
ў старажытным Полацку параненых воінаў лячылі ў саборы Святой Сафіі? (Сцены
сабора
абаранялі параненых, а вернікі дапамагалі
ў лячэнні.)
Дадатковы матэрыял для настаўніка:
апавяданне «Ефрасіння Полацкая» ў кнізе
для чытання на с. 51—52.
Самастойная работа
На картках у вучняў запісаны пытанні:
Картка
x Для чаго Прадслава пайшла ў манастыр?
x Якое новае імя яна атрымала?
x Дзе яна жыла?
x Чым яна там займалася?
x Каму дапамагала Ефрасіння?
x Чаму яна вучыла дзяцей?
|
Чытаючы абзацы 3—5 апавядання на с. 46—48
вучэбнага дапаможніка, вучні
знаходзяць адказы на гэтыя пытанні.
— Выкажыце ўласныя адносіны да ўчынку, які
зрабіла Ефрасіння, калі
жыла ў саборы Святой Сафіі: «І ўвайшла яна
туды… і пачала пісаць кнігі
сваімі рукамі, і прыбытак ад продажу іх
аддавала тым, хто быў у беднасці».
— Ефрасіння Полацкая была мудрай
настаўніцай. Яна разумела, што
навучыць дзяцей чытаць і пісаць важна, але
гэтага недастаткова для
самастойнага жыцця.
— Як яна рыхтавала дзяўчынак да
самастойнага жыцця?
— Ефрасіння Полацкая вучыла не толькі
дзяцей, але і дарослых.
Чаму яна магла іх вучыць? (Заклікала
спыняць крывавыя войны: «Зброя
прыносіць у хаты замест хлеба горыч ды
слёзы».)
— Чым навучанне ў наш час адрозніваецца ад
тагачаснага?
— Колькі пражыла Ефрасіння, дакладна ніхто
не ведае. Але добрая
памяць аб ёй засталася. Яна стала першай
жанчынай сярод усходніх
славян, якую царква абвясціла святой. Па
жаданні князёўны-манашкі
ў Полацку, недалёка ад ракі Палаты, была
пабудавана царква. Гэтую
царкву завуць Спаса-Ефрасіннеўскай. Гэта
самы прыгожы будынак
12 ст., які захаваўся да нашага часу.
Дадатковы матэрыял для настаўніка
1. Старажытны рукапіс сведчыць, што
аднойчы ноччу ўбачыла Ефрасіння
пры від — нібыта з’явіўся анёл і параіў ёй
пабудаваць царкву ў Сяльцы на рацэ Палаце. «Паставіла Ефрасіння царкву каменную
Святога Спаса, і збудавалі тую царкву за 30 тыдняў». Захавалася імя будаўніка
Іаана, што кіраваў арцеллю мясцовых майстроў, якія за нечувана кароткі тэрмін
узвялі царкву-прыгажуню. Царква была невялікай, аднакупальнай, мураванай і вызначалася
строгасцю і прыгажосцю. Галоўным упрыгожаннем унутранага ўбранства былі фрэскі.
Фрэска — роспіс сцен вадзянымі фарбамі па свежай тынкоўцы. Фарбы пранікалі ў
свежую тынкоўку і разам з ёй цвярдзелі, ад чаго рабіліся вельмі трывалымі і
доўга захоўваліся. На цёмным фоне — постаці святых. Першае, на што міжволі
звернеш увагу, — гэта твары людзей. Тонкія насы, выгнутыя дугамі бровы і
вялікія задуменныя вочы. Яны глядзяць на нас, нібыта пытаюцца, ці вартыя мы
сваіх продкаў, людзей шчырых, добрых, мудрых.
2. Апавяданне «Дойлід Іван» у кнізе для
чытання на с. 53—55.
Работа з атласам (заданне на с. 48
вучэбнага дапаможніка).
Работа ў парах
Вучні чытаюць тэкст апавядання на с. 49
вучэбнага дапаможніка і тэкст рубрыкі
«Карысна ведаць» і знаходзяць адказы на
пытанні (прапануюцца на картках):
Картка
x Калі быў зроблены крыж?
x Хто яго заказаў?
x Хто выканаў заказ?
x Што гаварылася ў паданні пра крыж?
x Які яго лёс?
x Хто аднавіў крыж?
x Дзе захоўваецца яго копія?
x Дзе знаходзяцца астанкі святой Ефрасінні?
x Як яны называюцца?
|
Дадатковы матэрыял для настаўніка
1. Напрыканцы жыцця Ефрасіння вырашыла
здзейсніць рэлігійны подзвіг: адправіцца ў далёкае і цяжкае падарожжа ў
Іерусалім, каб пакланіцца Святой
зямлі, дзе жыў Ісус Хрыстос. Там яна і
памерла, напэўна, у 1167 г. (па іншых звестках — у 1173 г.). Пазней астанкі
Ефрасінні былі перавезены ў Полацк. Ефрасінню Полацкую праваслаўная царква
абвясціла святой. Каталіцкая царква таксама прызнала яе святой. Вернікі лічаць
Ефрасінню Полацкую нябеснай заступніцай беларускай зямлі.
2. Апавяданне «Крыж — святыня» ў кнізе для
чытання на с. 55—56.
5. Этап першаснай праверкі разумення
вывучанага.
Адказы на пытанні 1—4 на с. 50 вучэбнага
дапаможніка.
6. Этап замацавання новых ведаў і спосабаў
дзеянняў.
— Сімвалам чаго з’яўляецца Крыж Ефрасінні
Полацкай? (Сімвалам
хрысціянскай веры і святыняй беларускага
народа.)
— Якія адносіны да крыжа маюць майстры
Лазар Богша і Мікалай
Кузьміч? (Лазар Богша па заказе Ефрасінні
Полацкай стварыў крыж, а сучасны брэсцкі майстар Мікалай Кузьміч аднавіў вобраз
святога крыжа.)
7. Этап прымянення ведаў і спосабаў дзеянняў.
Работа ў групах
— Зрабіце «пашпарт» Крыжа Ефрасінні
Полацкай:
1. Крыж выраблены ў … г. (1161).
2. Крыж заказаны … (Ефрасінняй Полацкай).
3. Крыж зроблены майстрам … (Лазарам
Богшам).
4. Вышыня крыжа … (51 см).
5. Крыж быў аздоблены … (пазалочанымі, сярэбранымі
пласцінамі,
каштоўнымі камянямі).
— Адгадайце гістарычную загадку: над
верхняй перакладзінай кры жа
ёсць літары ІС і ХС. Здагадайцеся, што яны
абазначаюць. (ІС — Ісус,
ХС — Хрыстос.)
— Адкажыце на пытанне, пастаўленае ў
пачатку ўрока: ці можна
назваць Ефрасінню Полацкую асветніцай?
Чаму? (Можна: яна перапісвала кнігі, адчыняла школы, вучыла дзяцей.)
8. Этап абагульнення і сістэматызацыі
ведаў.
— Дакажыце, што тое, чаму вучыла людзей
Ефрасіння Полацкая, не страціла свайго значэння і ў наш час, больш чым праз 800
гадоў пасля яе смерці. (Людзі не заўсёды паважаюць адзін аднаго; ёсць бедныя,
якім трэба дапамагаць; на зямлі вядуцца войны.)
— Пазнаёмцеся з апісаннем жыцця Ефрасінні
Полацкай і вызначце, якімі дзвюма найважнейшымі для навучання рысамі валодала
яна ў дзяцінстве: «І дзяўчынка была вельмі здольнай да кніжнай навукі… так
любіла яна вучэнне, што здзівіўся бацька яе любві такой да навукі. І па ўсіх гарадах
разышлася слава пра яе мудрасць…» (Была здольнай да навукі і любіла вучэнне.)
9. Этап кантролю і самакантролю ведаў і
спосабаў дзеянняў.
Выкананне заданняў у рабочым сшытку на с.
28—29.
Самаправерка, самаацэнка.
10. Этап карэкцыі ведаў і спосабаў
дзеянняў.
Настаўнік арганізуе работу з мэтай
ліквідацыі прабелаў у ведах вучняў.
11. Этап інфармавання аб дамашнім заданні.
Заданне на выбар:
1. Выкарыстоўваючы запісы ў рабочым сшытку
і «пашпарт» крыжа, складзены на ўроку, адказаць на пытанні на с. 50 вучэбнага
дапаможніка.
2. Выканаць адно з практычных заданняў на
с. 50—51 вучэбнага дапаможніка.
12. Этап падвядзення вынікаў урока.
Настаўнік аналізуе работу класа і асобных
вучняў, выстаўляе адзнакі, звяртаецца да мэты ўрока, разам з вучнямі ацэньвае
ступень яе дасягнення.
13. Этап рэфлексіі.
Прыём «Асацыяцыі»
На кожную літару імя ЕФРАСІННЯ падбіраецца асацыяцыя,
звязаная з матэрыялам урока.
Оставьте свой комментарий
Авторизуйтесь, чтобы задавать вопросы.