Презентация к уроку алтайской литературы "Б.У. Укачин эне керегинде"

• 1 слайд

  Эне…Энем…Энейим…
  Элен-чакка элебес, эрке ле кару сӧстӧр!
  Б.У. Укачинниҥ ӱлгерлери аайынча 11 класста алтай литературала урок
  
  Бӱдӱрчи: Алтай тил ле литератураныҥ ӱредӱчизи Наталья Кучалаевна Ефтифеева
  
  Файлдыҥ ады: Ефтифеева Н.К.
  И.В. Шодоевтиҥ адыла адалган Мӧндӱр – Сокконныҥ орто ӱредӱлӱ школы
  

• 2 слайд

  …Чечекти сӱӱ, кыстарды,
  Је ундыба энениҥ сӧстӧрин.
  Кӧкти сӱӱ, ак карды,
  Очогыҥды, одыҥды,
  Оноҥ – энениҥ колдорын…
  Б.У.Укачин.
  

• 3 слайд

  Б.У. Укачинниҥ кини
  … Бу байрыныҥ ичинде
  Киним мениҥ салынган.
  Албатыныҥ јаҥыла
  Алкыш – быйан айдылган…
  
  Энемниҥ берген бу сыйын
  Эл јажына кичеерим.
  Ӧлӱм једип келгежин,
  Уулдарыма берерим.
  

• 4 слайд

  «Уулымныҥ кабайыныҥ јанында айткан сӧс»
  Сен эмди кабайда.
  Сен бӱгӱн кучакта,
  Ырысту бол, уулым.
  Сен мениҥ уулым, сен – Кижи!
  
  
  Б. Укачин ээжи Клара Эргековнала кожо
  

• 5 слайд

  «Бойымныҥ јӱрӱмим»
  Мен кӧп катап ыйлагам:
  Эмчек те сурап,
  Энемди де сакып,
  Сӱрекей кородоп то,
  Сӱӱнеле, сӱрнӱгип те…
  

• 6 слайд

  Бала алкаганы…
  Балтыры кежик јаш балам,
  Баш билинип, капшай ӧс!
  Койонноҥ сен јӱгӱрӱк бол,
  Кайа-таштый бек бол,
  Кару балам, капшай ӧс!...
  

• 7 слайд

  «Чингиз-Каанныҥ энези» деп туујынаҥ
  …Эне – баланыҥ ол кулы,-
  Эрикчели, эркези…
  Кандый болор јаш уулы,
  Кайдаҥ ла билзин энези…
  Баланы эне таап јат,
  Эт-јӱрекле экчеп јат…
  

• 8 слайд

  Экчеликтер
  Балазы јок ол кижи
  Баланыҥ ыйын таныбас.
  Ырызы јок ол кижи
  Ырыстыҥ јӱзин ылгабас.
  

• 9 слайд

  Кыйа кӧрбӧ энеҥди,
  Качан - бирде уулчагым.
  Качан – бирде, нӧкӧрим,
  Каргаарыҥ сен бойыҥды!
  Мен энемди јылыйттым,
  Мен сеге јартайдым:
  Энедеҥ ӧскӧ эне јок,
  Энедеҥ ӧскӧ эл јок!
  

• 10 слайд

  Энениҥ јӱреги керегинде эрикчелдиҥ ле сӱӱштиҥ јирме кожоҥы
  
  …Энем јокко баштапкы кыш
  сӱрекей соок.
  Кайда ла отур,
  кажы ла каткы,
  кажы ла кокыр.
  Ӧчӧлгӧн кептӱ меге билдирет.
  Энем јокко јӱрегим,
  Јӱрек эмес – болчок эт!...
  
  

• 11 слайд

  Очокто от кӱйзин,
  Оны эбиреде балдар отурзын
  Айды ээчий кӱн келер, -
  Артканы дезе, бойы келер.
  
  Кӧргӧнӧр учун јаан быйаным !