Рабочая программа по коми-пермяцкому языку на 34 часа для 6 класса

№	Уроккезлöн темаэз	Чассэз	Уроклöн  тип			Урок дынö требованнёэз	Гортся удж	Примеч.
1	Коми-пермяцкöй кыв йылiсь.  Велöтöм орфографическöй правилоэз повторитöм.	1	Виль материал велöтöм			Тöдны  медодзза коми-пермяцкöй гижиссезöс, мый сэтшöм орфограмма. Кужны адззыны текстiсь медшöр  думаэз, адззыны велöтöм орфограммаэз кыввезын	С. 148, упр. 259 или  упр. 266
2	Предложеннё членнэз да сёрни торрез сьöртi повторитöм.	1	Комбинированнöй			Тöдны главнöй да второстепеннöй членнэз, сёрни торрезлiсь юасьöммез. Кужны адззыны сёрникузяись да кужöма  мыччавны быд предложеннё член; тöдмавны  сёрни торрез юасьöммез сьöртi.	С. 152, упр.264
Сёрни
3	С.З.У.Текст йылiсь велöтöмсö повторитöм. Текстын предложеннёэзлöн йитсьöм	1	Сёрни зорöтан урок			Тöдны мый сэтшöм текст; сылiсь признаккез. Кужны висьтавны текстлiсь тема да основнöй дума; сетны текстлö заголовок; адззыны предложеннёэзлiсь йитсьöм.	§45, упр. 269
4	С.З.У. Описаннё, повествованнё, рассужденнё	1	Сёрни зорöтан урок			Тöдны сёрнилiсь куим тип: описаннё, повествованнё, рассужденнё; нылiсь ассямасö. Кужны определитны текстлiсь тип.	§ 48 Сочиненнё-описаннё «Менам баб»
Прилагательнöй
5	Прилагательнöй кыдз сёрни тор	1	Повторяйтан урок		Тöдны, мый сэтшöм прилагательнöй. Кужны адззыны сетöм текстiсь прилагательнöйез, висьтавны сылiсь синтаксическöй мог.		§ 49, упр. 295
6	Качественнöй прилагательнöйезлöн сравнительнöй степеннез	1	Комбинированнöй		Тöдны качественнöй прилагательнöйезлiсь сравнительнöй степень аркмöтан суффиксэз. Кужны аркмöтны качественнöй прилагательнöезлiсь степень мыччалан формаэз.		§ 50, упр. 299
7	Прилагательнöйезлöн аркмöм да гижöм	1	Комбинированнöй		Тöдны, кыдз аркмöны прилагательнöйез Кужны аркмöнты да правильнöя гижны прилагательнöйез		§51, упр. 303
8	Контрольнöй диктант тема «Прилагательнöй» сьöртi	1	Контрольнöй урок		Тöдны орфографическöй правилоэз. Кужны сорасьöммезтöг гижны диктант.
9	С.З.У. Сочиненнё –описаннё «Миян школа»	1	Сёрни зорöтан урок		Тöдны сочиненнё-описаннёлiсь ассямасö. Кужны гижны тема сьöртi, мыччавны гижöм дынö отношеннё; составляйтны план, самостоятельнöя уджавны текст сьöртi.
Числительнöй
10	Числительнöй кыдз сёрни тор. Состав сьöртi числительнöйезлöн группаэз	1	Виль материал велöтöм		Тöдны, мый сэтшöм числительнöй. Кужны адззыны сетöм текстiсь числительнöй, висьтавны сылiсь синтаксическöй мог.		§ 52, упр. 318
11	Исконнöй коми-пермяцкöй числительнöйез	1	Комбинированнöй		Тöдны исконнöй коми-пермяцкöй числительнöйез. Кужны гижикö цифраэсö вежны исконнöй коми-пермяцкöй числительнöйезöн.		§ 54, упр. 321
12	Числительнöйез гижöм. Тест	1	Контрольнöй урок		Тöдны числительнöйезлiсь  гижöм. Кужны текстö пыртны быдкодь числительнöйез.		§ 55, упр. 325
Местоименнё
13	Местоименнё кыдз сёни тор	1		Виль материал велöтöм	Тöдны, мый сэтшöм местоименнё. Кужны адззыны сетöм текстiсь местоименнё, висьтавны сылiсь текстын мог.		§56, упр. 331
14	Местоименнёлöн значеннё.	1		Комбинированнöй	Тöдны наизусть личнöй местоименнёэз. Кужны адззыны сетöм текстiсь местоименнё, висьтавны сылiсь текстын мог.		§57, упр. 336
15	Объяснительнöй диктант «Асыв».	1		Контрольнöй	Тöдны орфографическöй правилоэз. Кужны сорасьöммезтöг гижны диктант.
16 17	С.З.У. Изложеннё «Ошпиян».	2		Сёрни зорöтан урок	Кужны составляйтны план, тöдмавны текстлiсь тип и стиль, самостоятельнöя редактируйтны и уджавны текст сьöртi.
Глагол
18	Глагол кыдз сёрни тор. Глаголлöн  неопределённöй форма.	1		Повторяйтан урок	Тöдны, мый сэтшöм глагол, неопределённöй форма глаголлiсь юасьöммез.. Кужны адззыны сетöм текстiсь глагол, висьтавны сылiсь синтаксическöй мог, быд глагол сувтöтны неопределённöй формаö.		§58, стр. 201       или 353
19	Глаголлöн каддэз.	2		Комбинированнöй	Тöдны глаголлöн öння  кадлiсь ассямасö. Кужны адззыны текстiсь глаголлзэ öння кадын.		§60, упр. 358
20	Глаголлöн наклоненнёэз.	2		Комбинированнöй	Тöдны глаголлiсь наклоненнёэз. Кужны тöдмавны глаголлэзлiсь наклоненнё.		§61, упр. 374
21	Глаголлöн отрицательнöй спряженнё. Вспомогательнöй (отсасяна) глаголлэз.	1		Комбинированнöй	Тöдны отрицательнöй спряженнёлiсь формаэз; вспомогательнöй глаголлэз. Кужны сувтöтны сетöм глаголлэз отрицательнöй спряженнёын.		§62, упр. 383
22	Безличнöй  глаголлэз.	1		Комбинированнöй	Тöдны , мый мыччалöны безличнöй глаголлэз. Кужны адззыны безличнöй глаголлэз сетöм текстiсь; пыртны нiйö сёрниö.		§64, упр. 388
23	Глаголлэзлöн аркмöм. Парнöй глаголлэз.	1		Комбинированнöй	Тöдны, кыдз аркмöны глаголлэз, парнöй глаголлэзлiсь правильнöя гижöм. Кужны аркмöтны глаголлэз быдкодь суффиксэз отсöтöн, пыртны парнöй глаголлэзл текстö.		§65, упр. 393 или 394
24	Контрольнöй удж тема «Глагол» сьöртi.	1		Обобщающöй урок	Тöдны глагол йылiсь велöтöм сведеннёэз. Кужны бöрйыны глагол кыдз сёрни тор.
Причастие
25	Причастиелöн значеннё да сылöн грамматическöй признаккез.	1		Виль материал велöтöм	Тöдны, мый сэтшöм причастие. Кужны адззыны сетöм текстiсь причастие, висьтавны сылiсь синтаксическöй мог.		§67, упр. 399
26	Распространённöй причастиеэз. Причастиелöн аркмöм.	1		Комбинированнöй	Тöдны причастиеэз, кöдна зависимöй кывтöг оз употребляйтчö, кыдз аркмö причастие. Кужны распространяйтны причастие, аркмöтны причастие.		§68, упр. 401 или 403
Деепричастие
27	Деепричастиелöн значеннё да грамматическöй признаккез.	1		Виль материал велöтöм	Тöдны, мый сэтшöм деепричастие. Кужны адззыны сетöм текстiсьдеепричастие, висьтавны сылiсь синтаксическöй мог.		§70, упр. 410
28	Деепричастиелöн аркмöм да лично-притяжательнöй формаэз.	1		Комбинированнöй	Тöдны, кыдз аркмö деепричастие; деепричастиелiсь лично-притяжательнöй формаэз. Кужны аркмöтны деепричастие.		§71, упр. 409
Наречие
29	Наречие кыдз сёрни тор. Наречиелöн разряддэз.	1		Виль материал велöтöм	Тöдны, мый сэтшöм наречие,  наречиелiсь  разряддэз. Кужны адззыны сетöм текстiсь, определяйтны наречиелiсь разряд. наречие, висьтавны сылiсь синтаксическöй мог.		§72, упр. 412
30	Наречиелöн аркмöм да гижöм.	1		Комбинированнöй	Тöдны наречиелiсь аркмöм. Кужны аркмöтны да гижны наречиеэз.		§74, упр. 419
31	Наречие сравнитан степеннэз да формаэз. Тест.	1		Комбинированнöй	Тöдны , кыдз аркмöны наречиелöн сравнитан степеннез. Кужны аркмöтны сравнитан степеня наречиеэз.		§75, упр. 425
Служебнöй сёрни торрез.
32	Послелог  да союз	1		Виль материал велöтöм	Тöдны, мый сэтшöм  послелог, союззэзлiсь сёрникузяын мог,  сочинительнöй да подчинительнöй союззэз. Кужны адззыны сетöм текстiсь послелог, висьтавны сылiсь синтаксическöй мог, адззыны сетöм текстiсь союззэз ,содыны колана сочинительнöй либо подчинительнöй союззэз..		§76-80
33	Частица да междометие	1		Виль материал велöтöм	Тöдны сёрникузяын мог. Кужны адззыны сетöм текстiсь частицаэз.		§81-84
34	Контрольнöй итоговöй диктант.	1		Контрольнöй урок	Тöдны орфографическöй правилоэз. Кужны сорасьöммезтöг гижны диктант.

Быдöс: 34 час

Пояснительнöй записка

6 класс понда уджалан программа лöсьöтöм кык программа основа вылын: «Минимум содержания образования , требования к освоению выпускников и примерная программа по языкам финно-угорской языковой группы»Москва, 2003 год и «Коми-пермяцкöй кыв да литература сьöртi программа 5-9 класссэз понда»Кудымкар, 1989 год.

Цель: зорöтны  челядблiсь устнöй да письменнöй сёрни, художественнöй вкус, творческöй способносттез.

Предметлöн моггез:

Роднöй кыв велöтöмын задачаэз: готовитны грамотнöй отирöс, велöтны челядьöс пользуйтчыны устнöй да письменнöй сёрниöн, воспитывайтны патриотизм, родина любитöм,роднöй край любитöм.

Коми-пермяцкöй кыв отсалö вежöртöтны общество оланын кывлiсь роль, сетö колана сведеннёз миян странаын мöдiк кыввез коласын роднöй кывлöн места йылiсь.

Занятиеэз вылын члядьлö колö получитны фонетика,лексика, кыв состав да кыв аркмöм , морфология , синтаксис, стилистика йылiсь знаннёэз, медбы кужöмöн пыртны нiйö практическöй уджын. Роднöй кыв велöтöм готовитö челядьсö роч кыв успешнöя велöтöм кежö.

Программа лöсьöтöм 34 час кежö (1 час неделяö).

Общеучебнöй уменнёэз,  навыккез:

- интеллектуальнöй ( öтлаöтны, торйöтны, ордчöтны и мöдiккез)

-познавательнöй (учебно-познавательнöй мотиввез, кужны сувтöтны колана моггез  велöтчöмын и уджавны ны судзöтöмын)

-организационнöй (кужны уджавны не öтiкöн и лöсьöтны ассис одзланься удж)

Коми-пермяцкöй кыв велöтiкö формируйтчöны сэтшöм уменнёэз кыдз:

-выразительнöя лыддьöтöм

-грамотнöй гижöм

- кужöмöн уджавны небöгöн, адззыны сэтiсь колана сведеннёэз

-уджавны быдкодь кывчукöррезöн и справочниккезöн

6  классын велöтчиссезля год сьöрна колö зорöтны:

Личностнöй уменнёэз:

Уваженнё аслас отир да кыв дынö, мöдiк национальносттез дынö, вежöртны и примитны мöдiк отирлiсь традицияэз да обычайез; сетны дон ас поступоккез да быдкодь ситуацияэз вылö, зорöтны интерес велöтчöм дынö, сувтöтны одзланься туй оланын.

Метапредметнöй уменнёэз:

Кужны планируйтны, контрольруйтны и донтны учебнöй действиеэз, используйтны уджын ИКТ, кывзыны öтамöдöс и чулöтны диалог, сувтöтны рассужденнёэз, керны выводдэз,договоритчыны öтамöдкöт и сувтöтны öтласа удж.

Предметнöй уменнёэз:

-правильнöя шуны быдöс звуккез, букваэз

-кужны керны фонетическöй, кыв состав сьöртi да морфологическöй бöрйöм

- адззыны велöтöм орфограммаэз, пунктограммаэз, кужны вежöртöтны нiйö

-пыртны сёрниö синониммез, антониммез, уна значеннёа кыввез

-петкöтны текстiсь тема да основнöй дума

-сувтöтны простöй да сложнöй план

-гижны сочиненнёэз, изложеннёэз

-тöдны, мый сэтшöм описаннё, повествованнё

-тöдны учебниклiсь структура и кужны самостоятельнöя пользуйтыны учебникöн.

Сёрни зорöтöм

Сёрни зорöтöм , кöда пыр мунö кыв велöтiкö, бурсьöтö и мышленнё. Сёрни зорöтöм мунö куим направленнёын.  1 направленнё – этö велöтчиссезлiсь словарнöй запас богатсьöтöм. 2 направленнё – этö литературнöй кывлiсь нормаэз вежöртöм да тöдöм. 3 направленнё – велöтны излагайтны думаэз письменнöй да устнöй формаын. Ёрни зорöтöм уроккез коста уджö пыртöм этнокультурнöй направленнё. Босьтöмöсь сэтшöм темаэз, кöдна мыччалöны коми-пермяккезлiсь да финно-угорскöй народлiсь ассямасö.

Учебнöй предметлöн содержаннё

Сёрни.

Текст йылiсь велöтöмсö повторитöм. Текстын предложеннёэзлöн йитсьöм. Устнöй сёрнилöн выразительнöй средствоэз. Описаннё, повествованнё, рассужденнё.

Прилагательнöй

Прилагательнöй кыдз сёрни тор. Качественöй прилагательнöйезлöн сравнитан степеннез. Прилагательнöйезлöн аркмöм да гижöм.

Числительнöй.

Числительнöй кыдз сёрни тор. Состав сьöртi числительнöйезлöн группаэз. Исконнöй коми-пермяцкöй числительнöйез. Числительнöйез гижöм.

Местоименнё.

Местоименнё кыдз сёрни тор. Местоименнёлöн значеннё.

Глагол.

Глагол кыдз сёрни тор. Глаголлöн неопределённöй форма. Глаголлöн каддэз. Глаголлöн наклоненнёэз. Глаголöн отрицательнöй спряженнё. Вспомогательнöй глаголлэз. Безличнöй глаголлэз. Глаголлэзлöн гижöм. Парнöй глаголлэз.

Причастие

Причастиелöн значеннё да грамматическöй признаккез. Распространеннöй причастиеэз. Причастиелöн аркмöм.

Деепричастие

Деепричастиелöн значеннё да грамматическöй признаккез. Деепричастиелöн аркмöм да лично-притяжательнöй формаэз.

Наречие.

Наречие кыдз сёрни тор. Наречиелöн разряддэз. Наречиелöн аркмöм да гижöм. Наречиелöн сравнитан степеннез да формаэз.

Служебнöй сёрни торрез

Послелог кыдз служебнöй сёрни тор. Послелоггезлöн значеннё. Послелоггезлöн гижöм. Союз кыдз служебнöй сёрни тор. Сочинительнöй да подчинительнöй союззэз. Частица йылiсь вежöртас. Частицаэз гижöм. Междометиелöн значеннё. Междометиеэз гижöм .

Литература.

1.     Ботева Е.В., Полуянова Н.И., Тудвасева З.К. Коми-пермяцкöй кыв да литература сьöртi программа. Кудымкар, 1989

2.     БотеваЕ.В., Тудвасева З.К. Коми-пермяцкöй кыв 5-6 классэз понда. Кудымкар, 2006.