«Сүйіспеншілік – жолындағы өмір» тақырыбы бойынша сабақ жоспары

«Өзін –өзі тану» сабағының  жоспары

Мектеп:  « Жалпы орта білім беретін мектеп» КММ  

Мерзiмі:                        Сабақ:  № 31

Сынып:  7 «А»         Оқушылар саны    13    

Тақырып:     «Сүйіспеншілік – жолындағы өмір»

Мұғалiм:    Ж.С.Мұқажанова

Құндылық:   Ішкі тыныштық   

Қасиеттер:  Адамдарға риясыз қызмет ету, кешірімшіл болу, адалдық

Мақсаты:  Оқушыларға сүйіспеншілікпен өмір сүрудің мәнін түсіндіру арқылы ішкі тыныштық құндылығының мәнін ашу. Міндеттері:     -   Оқушыларды бүкіл әлемге сүйіспеншілікпен қараудың мән-мағынасы туралы түсінік беру:    -   Оқушыларды адамдарға риясыз қызмет ету, кешірімшіл болу, шынайылық, адалдық , адамгершілік қасиеттерін дамыту;    -   Оқушыларды жақындарын,Отанын, айналасындағы адамдарды,  табиғатты сүюге ризашылықпен риясыз қызмет етуге тәрбиелеу;	Ресурстар: Слайд, оқулық, дәптер,
Сабақ барысы: І. Ұйымдастыру кезеңі. «5Т» ережесін қайталау (тәртіп, талап, тазалық, тыныштық, татулық)  Жағымды көңіл-күйге келу. «Нұрға бөлену» жаттығуын өткізу. Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елесететіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балығы және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің ауызыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағқыттаңыз, құлақтарыңыз тек жақсы сөз бен әсем әуенді ғана естейді. Нұр көздеріңізге де жетті, көзіміз тек жақсыға қарап, бәрі жақсылықты көреді. Сіздің басыңыз тұгелдей нұрға бөленніп, басыңызға тек ізігі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңыздан сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: "Мен нұрлымын... Нұр менің ішімде... Мен Нұрмын" Осындай Нұр, Махаббат және Тыныштық күйінде отыра тұрыңыз.... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.	Сабақ барысын талдау: Жағымды әуен қосу
ІІ. Үй тапсырмасын тексеру  Оқулық , № 31 сабақ 122 бет «Жас дәурен хикаялары» атты Әзілхан Нұршайықовтың мәтінін оқу. Сұрақтар: –  Мәтінде ана махаббаты қалай суреттелген? –  Бала анасына махаббатын қалай білдірді? –  Өздерің аналарыңа деген сүйіспеншіліктеріңді қалай білдіресіңдер? –  Ата-ананың алдындағы перзенттік парызды қалай өтеуге болады? –	122-бет  мәтінді            мазмұндау
ІІІ. Дәйексөз «Махаббатсыз дүние бос»                                                                                   Абай Құнанбайұлы –  Дәйексөздің мағынасын қалай  түсінесіңдер? –  Дәйексөзден қандай ой түюге болады? –  Махаббат, сүйіспеншілік дегенді қалай түсінесіңдер? –  Оқушылар дәйексөзді дәптерге жазып, мағынасын ашып,өз  ойларын жеткізеді. Дәйексөзді талдай келе, мынадай қортынды шығаруымызға болады: Махаббаты тек сүйген жарына ғана емес, өз перзентіне дос-жарандарына махаббатпен қарауға шақырады. Жүрегінде махаббат жоқтарға хайуанға теңеп, махабатсыз бұл өмірдің мән-мағанасы жоқ екеніне көз жеткізіп тұр. Адамның жақсысы - адамдарға сүйіспеншілікпен қарағандар. Адамзаттың бәрін сүй, бауырым деп. Адамда екі қасиет болу тиіс, олар адалдық және махаббат. Махаббат пен құштарлық екі басқа. Құштарлық ол- соқыр сезім. Махаббат ол- Рухани Бастау.	Дәйексөзді дәптерге жазу
ІV. Оқиғаны  әңгімелеу.  Мұғалім сыйы»   «Сүйіспеншілік пен Уақыт» Ш.Амонашвили Аңыз-әңгіме Бір кездері барлық сезімдер бір аралда тұрған екен: Қуаныш, Қайғы, Ақылдылық, Сүйіспеншілік т.б. Бір күні арал бата бастады да, барлық сезімдер кемелерге отырып аралдан алыстауға асықты. Тез арада бос кеме қалмай қалды. Сүйіспеншілік кемеге отырып үлгермеді де, кемесіз қалып қалды. Аралдың тез батып бара жатқаның көріп, Сүйіспеншілік басқа сезімдерден көмек сұрауға жөнелді. Байлық өте үлкен кеме ішінде жалғыз отыр екен. Сүйіспеншілік: – Байлық, мені қасына алшы, маған кеме жетпей қалды. – Жоқ, ала алмаймын. Кемемде алтын мен күміс өте көп, саған орын жоқ! – деді Байлық. Сүйіспеншілік өте әдемі кеме ішінде кетіп бара жатқан Тәкәппарлықты көріп оған: – Тәкәппарлық, маған көмектесші, жалғыз қалып барамын! – Саған көмектесе алмаймын,. Сүйіспеншілік үсті-басың су болып қалды, кемемді кірлетесін! Қастарынан Қайғы өтіп бара жатыр екен Сүйіспеншілік, Қайғыға дауыстап: – Қайғы, сенімен барайыншы.. – Уф, Сүйіспеншілік, сондай қайғылымын, жалғыз қалғым келеді – деді Қайғы. Қуаныш та Сүйіспеншіліктің қасынан өткен екен, бірақ қуанышынан Сүйіспеншіліктің сөздерін естімей өте берген екен.. Бір кезде Сүйіспеншілік «Кел, Сүйіспеншілік , сені қасыма алайын» деген біреудің дауысын естиді. Бұрылып қараса, жасы үлкен ақсақал екен оны қасына шақырған. Сүйіспеншілік қуанып оның кемесіне отырып алады. Жаңа аралға жеткен кезде Сүйіспеншілік ақсақалдың кім екенің сүрауды ұмытқанын түсінеді. Ақсақал болса баяғыдан-ақ кетіп қалған болады. Сүйіспеншілік Ақылдылықтың қасына барып сұрайды: – Маған көмектескен ақсақал кім болды екен? – А-а, ол ма.. ол – Уақыт! – Уақыт? Маған неге көмектескенін білесің ба? – Өйткені, тек қана уақыт Сүйіспеншіліктің қаншалықты үлкен екенін түсіне алады. Cұрақтар: 1.   Не себепті сүйіспеншілік теңіз жағасында қалып қойды? 2.   Қандай себептен сүйіспеншілікті ешқайсысы өз кемесіне алғысы келмеді? 3.   Сүйіспеншілікке кім көмекке келді? 4.   Қалайша сүйіспеншіліктің маңыздылығын уақыт қана түсінеді? 5.   Сіз жақындарыңызға сүйіспеншілігіңізді қалай көрсетесіз?
V. Шығармашылық іс- әрекет, топтық жұмыс 1-тапсырма  Сүйіспеншілікті суретпен бейнелеу 2-тапсырма  Сүйіспеншілік туралы мақал-мәтелдер айту             3-тапсырма    Сөйлемдерді өз ойларыңмен аяқтап жазыңдар                                   (Ойымыз,сөзіміз,ісіміз сүйіспеншілікке толы болса..........)
VI. Үй тапсырмасы: Оқулық 124 – бет, Өнер туындысына қарап,бесік жыры мен әлемнің үйлесімділігі туралы шығарма жазу	оқулық 124-бет,жаттау
VII. Топпен ән айту Ән « Топпен ән айту. «Өміріңе немқұрайлы қарама»   Сөзі: С.Сейітман   Әні: С.Дәрібаев	Ән  айту
VIII. Сабақтың қорытынды сәті: 9.    Соңғы тыныштық сәтi. Баяу әуен қойылады. Оқушылар денесін, басын тік ұстап, көзін жұмып отырады. Мұғалім жәй дауыспен: «Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»	Жағымды әуен қосу