Сабақ жоспар (2 сынып)

Күні: 26.04.2016ж

Сабақтың тақырыбы: «Құстар»

Сабақтың мақсаты: а) Білімділік: Балалардың құстар туралы түсінігін

                                      кеңейту, сөздік қорын байытып, байланыстырып

                                      сөйлеуге үйрету. Үй құстары мен дала құстарын

                                       ажырата білуге, құстарға деген қамқорлыққа баулу.

                                   ә) Дамытушылық : Оқушылардың тіл байлығын, сөздік

                                       қорын молайту. Дамыта оқытуға негізделген

                                       шығармашылық қиялын жүйелеу. Құстарға қамқор

                                       болуға, құстарды аялауға ой - өрістерін, түсініктерін

                                        қабілетін дамыту.

                                    б)Тәрбиелік : Оқушыларды Отанын жерін, орманын,

                                       көлін, табиғатты сүюге оны қорғай біліуге

                                      еңбексүйгіштікке , сезімталдыққа тәрбиелеу.

Сабақтың түрі: аралас сабақ

Әдіс- тәсілдері: түсіндіру, көрсету, сұрақ-жауап

Көрнекілігі: слайд, құстар туралы суреттер,үн таспа

Сабаққа қажетті құрал-жабдықтар: сурет дәптер, карындаш, өшіргіш т.б

                                         Сабақтың барысы:

I.Ұйымдастыру кезеңі;

Сәлемдесу!Оқушылардың сабаққа дайындығын тексеру.Қызығушылығын ояту, баланың сабаққа зейінін аудару;

II.Үй тапсырмасын тексеру,сұрау,  бағалау;

- Портрет дегеніміз не?
- Автопортрет деп нени айтамыз?
-Салған портреттерін  тексеру

4.Жаңа сабақ;

- Балалар мына суреттерге назар аударыңдар. Мына суреттерде нелер бейнеленген? 

- Құстар 

- Олар қандай екен? 

- Әртүрлі

- Олай болса бүгінгі сабағымыздың тақырыбы: «Құстар»

     Олар орманда, тауда,егістікте немесе өзен жағасында , қайда болмасын айналадан құстарды көп көреміз. Көшеге шықсаң құстардың үнін естисің. Ұшып жүрген көгершіндер, секектеген торғайлар көзге түседі.

Бұлбұл құстың сайрағаны , торғайдың шықылықтауы , бозторғайдың құйқылжыта салған әні адамды үйлесімділік және ырғақты сезініуге тәрбиелейді. Құстар бізге көктем жалшысы ретінде де ыстық .Құстар- біздің досымыз. Құстар дала құстары және үй құстары болып бөлінеді.
      Дала құстарына қарға, торғай, сауысқан, аққу, тырна, бүркіт жатады.
Ал үй құстарына қаз, үйрек, күркетауық, тауық, әтеш жатады және құстар жыл маусымдарының ауысуына байланысты 3 түрге бөлінеді: жыл құстары, көшпелі құстар және қыстап шығатын құстар. Жыл құстары күзде жылы жаққа кетіп, көктемде оралады. Көшпелі құстар күзде, қыста ауа райының қолайсыздығынан солтүстіктен оңтүстікке ауысып отырады. Қыстап шығатын құстар жыл бойы бір аймақта тіршілік етіп, көбейеді.

– Мына суретке қараңдар. Мен жұмбақ оқимын. Ол қай құсқа сәйкес келеді?

        Жұмбақ шешу.
1. Көлдің көркі, сәні екен,
Ұшқанда сазды ән екен.
Ақындар оны мақтаған,
Адамдар қорғап сақтаған. ( Аққу )
2. Орманда жоғары,
Ағашқа қонады.
Тұмсығын балта етіп,
Тоқ - тоқ соғады. ( Толқылдақ )
3. Мысық құлақты,
бүркіт тұяқты. (үкі)
4. Көктемде ұшып келеді,
жаздай концерт береді. (бұлбұл)

5. Бұдыр-бұдыр балшықты,

Жинады да талшықты.

Ұқсатып қамытқа,

Үй салды жабыққа.   (Қарлығаш)

5. Практикалық жұмыс;

- Біз бүгін құстың суретін саламыз. Сендер суреттен ең әдемі құстардың бірі- қарлығашты көріп тұрсыңдар. Оның денесі шағын, созылыңқы, сопақша пішінді, иығына кішкентай тұмсығы бар басы жалғасып кетеді.Қанатты ұзын, ұшы үшкір. Аяқтары кішкентай. Ұзын айыр құйрықтарының ұшы сүйірленіп, етегіне қарай кеңейе береді. Басы тұмсығынан шүйдесіне дейін қап-қара,ұрты қызыл немесе ақ, кеудесі ақ, арқасы, қанаты мен құйрығы қара.

                                              Салу жолдары:

1.     Жай карындашпен

2.     Кеудесі сопақша пішінде

3.     Басы дөңгелек

4.     Құйрығы ұзын

5.     Тұмсығын салу

Сергіту сәті
Қарлығашқа ұқсайық
Қане, қанат қағайық
Ұшып – ұшып алайық
Орнымызға қонайық.

- Өздеріңе ұнаған құстарды жай қарындашпен бейнелеп, түрлі-түсті бояумен бояу.

        1 сурет                               2 сурет                         3 сурет

1)                            2 )                    3)                       4)                              5)

             

6.Жаңа сабақты бекіту;

1.Қандай құстарды білесіңдер

2.Құстардың қандай пайдасы бар?

3.Құстар қанша түрге бөлінеді?

7.Үйге тапсырма беру;Аяқталмай қалған  суреттерін аяқтап келу.

8.Сабақты қорыту: Оқушы жұмыстарына талдау жасау, үздік жұмыстарды мадақтау, салған суреттерден өзара көрме ұйымдастыру ,оқушыларды бағалау .