Сайыс "Тапқыр достар" (5-сынып)

Сабақтың тақырыбы: «Тапқыр достар»  атты сайыс

Сабақтың мақсаты:

Оқушылардың білімдерін тексеру, алған білімдерін тиянақтау, берілген тапсырмаларды орындап, нәтижесін алу.

Компьютерде программамен жұмыс жасауда әр-түрлі амал-тәсілдер арқылы логикалық ойлау қабілеттерін дамыту.

Танымдық қызығушылығын, белсенділігін арттыру. Берілген топтық жұмыстарды орындату арқылы ұйымшылдыққа тәрбиелеу.

Сабақтың түрі: сайыс сабақ

Көрнекілігі: интерактивті тақта, слайд

Барысы:

 Саламатсыздар ма, құрметті ұстаздар, әділ-қазылар, оқушылар! Сіздермен бірлесе отырып «Тапқыр достар» атты сайысымызды бастауға рұқсат етіңіздер.

Сайысымыздың әділ-қазылар алқасымен таныстырып өтейін.

Ойынға  3  топтан  4 – оқушыдан  қатысады. Бүгінгі ойынымыз  5 турдан тұрады.

(Ойыншылар өздерін таныстырып өтеді)

1-ші кезең – «Бәйге»

2- ші кезең  – «Кім тапқыр?»

3- ші кезең – «Жорға»

4-ші кезең – «Палиглот»

5-ші кезең – «Кім жылдам, әрі тапқыр?»

1-ші кезең «Бәйге». Жарысқа қатысып отырған оқушыларға сәт сапар тілей отырып, шыңдарға биік қонғайсың демекпіз. Ал «Бәйге» турын бастаймыз. Сіздерге ортақ 5 сұрақ беріледі. (Әр дұрыс жауапқа 1  ұпай беріледі)

1-топ: «Интернет» тобы

1. Ақпараттың ең кіші өлшем бірлігі?  (бит)

2. Қарапайым есептеулер жүргізетін программа?  (калькулятор)

3. Қағаздағы көріністі экранға түсіруші?  (сканер)

4. Адам мен компьютер арасындағы қарым-қатынас?  (интерфейс)

5. Дүниежүзілік компьютер арасындағы байланыс?  (интернет)

2-топ: «Ақпарат» тобы

1. Ақпартты енгізуге арналған құрылғы? (пернетақта)

2. Компьютердің миы?  (процессор)

3. Ауқымды желіге қосылу үшін қажет құрылғы? (модем)

4. Windows сөзінің қазақша аудармасы? (терезе)

5. Сурет салуға арналған программа?  (Paint)

3-топ: «Компьютер» тобы

1. Бірінші электронды есептеуіш машина қашан жасалды? (1946 жылы АҚШ-та)

2. Ақпаратты қағазға басып шығаратын құрылғы? (принтер)

3. Процессорды басқа құрылғылармен жалғастыратын кабель? (шина)

4. Компьютерден өшірілген құжаттар сақталады? (корзина)

5. Жою пернесі? (Delete)

2 кезең-  «Кім тапқыр?» Топ басшылары ортаға шығып, жасырылған жұмбақты жауабын шешеді. Бағалануы әр жұмбаққа – 5 ұпай.

1-топ: «Интернет» тобы

1. Әуез сазды беретін,

Ол да керек құрылғы.

Дыбыс шықса тосыннан,

Бәрің соған бұрылдың. (колонка)

2. Ақпаратты қағазға шығарады,

Бұл құрылғы қалай деп аталады? (принтер)

2-топ: «Ақпарат» тобы

1. Компьютермен енеді,

Қағазға басып береді  (сканер)

2. Бұрқыратып қағазға,

Жазғаныңды басады.

Жұмысыңды көргенде,

Көңілің сенің тасады. (принтер)

3-топ: «Компьютер» тобы

1. Компьютеріңіз ауырса,

Қызметі дайын үнемі.

Кірген зиян-залалды,

Күмәнсіз ол кетірер. (антивирус)

2. Өрмекшінің өрмегі,

Ұқсас келіп өзіне.

Ерекше оның өрнегі,

Байланысар әлеммен. (интернет)

3- кезең – «Жорға»  Әр топқа  5 сұрақтан қойылады.

1-топ:  «Интернет» тобы

1. Дүние жүзіндегі ең бай адам? (Билл Гейтс)

2. Интернетпен байланыс жасайтын құрылғы? (модем)

3. Ақпараттық процестерді зерттейтін ғылым? (информатика)

4. Аз батырмалы құрылғы? (тышқан)

5. Жүйелі блоктың түрлерін ата? (Еденге қоятын, мұнара тәрізді, үстелге қоятын)

2-топ: «Ақпарат» тобы

1. Дыбыс шығаратын құрылғы? (колонка)

2. Сканердің түрлерін ата?   (Планшетті, барабанды, оптикалық)

3. Адам денсаулығына зиянды компьютер құрылғысы? (монитор)

4. Информацияның өлшем бірлігі? (Бит, байт)

5. Microsoft фирмасын құрған адам? (Билт Гейтс)

3-топ: «Компьютер» тобы

1. Мәліметтер енгізу пернесі?  (пернетақта)

2. Принтердің түрлерін ата?   (Матрицалық, барабанды, оптикалық)

3. Вирустың кері әсерін жоятын программа? (Антивирус)

4. Есепшотты кім ойлап тапқан?  (Джон Непер)

5. Алғашқы түрлі түсті манитор қай жылы жасалды? (1982 жылы)

4-ші кезең – «Палиглот»  3 топқа бирдей сұрақтан. Әрбір дұрыс жауапқа  1 ұпай, 2 минут уақыт беріледі.  Қойылған сұрақтың жауабын үш тілде айту керек: қазақ,  орыс, ағылшын тілінде.

1. Фонограф бағдарламасы қандай мәліметті өңдеуге мүмкіндік береді? (дыбыс, звук, sound)

2. Жіпке ілдім мен өзім,

Кіп-кішкене күн көзін  (шам, лампочка, lamp)

3. Ақпараттың қайнар көзі? (табиғат, природа, nature)

4. Графиктік курсорды басқаруды жеңілдететін құрылғы? (тышқан, мышь, mouse)

5. Ас – адамның арқауы, ал компьютердің асы .. (ток, ток, currnt)

6. Өнер алды – қызыл ….(тіл, язык, landguage)

5-ші кезең – «Кім жылдам, әрі тапқыр?»

Пәнге байланысты терминдер жасырылған «Венгр сөзжұмбағын» жасырамыз.

М	Т	П	Л	О	Т	Т	Н	О	М
И	Ы	П	Р	Р	Т	Е	И	Д	Е
К	Ш	Н	И	Е	Е	Р	О	М	М
Р	Қ	А	Н	Т	Р	Н	Н	И	Т
О	Н	Т	С	Ө	З	Е	Т	Р	О
П	А	И	Б	А	Й	Т	Т	Е	З
Р	М	В	П	И	К	М	Е	Р	Е
О	Ә	И	А	Р	С	О	Ұ	А	Ф
Ц	Т	Р	И	Х	Е	Д	Я	Й	Л
Е	І	У	В	Ж	Л	И	Я	И	Ц
С	Н	С	Д	А	Ь	Ф	И	К	А
С	О	Р	А	Б	О	Н	Е	Н	Т

Жасырылған сөздер: Микропроцессор, тышқан, мәтін, плоттер, принтер, сөз, байт, пиксель, архив, жад, абонент, модификация, ұя, файл, терезе, монитор, модем, интернет, байт, антивирус.

Қорытындылау.

Осымен  сайысымыз аяқталды. Сөз кезегін әділ-қазылар алқасына береміз.

Бүгінгі сайысымыз өз мәресіне жетті. Көріп тамашалағандарыңызға көп рахмет!