Сценарий концерта на 1 июня

1 маусым-Балаларды қорғау күні!

Мақсаты: балалардың жеке қасиеттерін дамыту, тақпақ, өлең, әндерді нақышына келтіре айтуды үйрету. Бір - бірін сыйлауға, адамгершілік қасиеттерін жоғалтпай ұстауға жетелеу.
Көрнекілігі: нақыл сөздер, түрлі - түсті шарлар, слайд «Бала деген бір бақыт»
Өтілу барысы: әдеби – музыкалық монтаж

Жүргізуші: Армысыңдар балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!

Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.


Құттықтау сөз кезегін мектебіміздің директоры Дуйсенова Гульнар Аманжоловна.

Ортаға Республикалық вокал байқауларының 1 орын жүлдегері Умурзаг Арайлымды «Балалық»

Сайқымазақтардың келуі

Бұл не мереке? Нені тойлап жатырсыңдар? Бізге неге айтпадыңдар, а? Бізсіз ешқандай мереке болмайды?
Жүргізуші: Тоқта, тоқта, сендер кімсіңдер өзі біздің мерекені бұзатын? Бүгін үлкен мереке, біз оны тойлаймыз, ешкім кедергі бола алмайды! Бізбен бірге тойлаймыз десеңдер, онда тәртіп сақта!

Жүргізуші: Балалар, сайқымазақты қалдырамыз ба?


Жүргізуші: Иә, рас, бала болған бәрі де,
Салған олар балалықтың әнін де.
Бала кезін еске алып отырсақ,
Сол емес пе тіршіліктің мәні де! - дей келе құрметті ата – аналар балалық шағымызды еске ала отырып, сайқымазақтардың бізге ала келген ойынын ойнайық.

Сайқымазақ: Ендеше балалар, бірге ойын ойнауға қалай қарайсыздар?
Ойын: «Кім жылдам»

Шарты: Үш топтан 3 оқушы шығады, әр топ басында 1 сынып жетекші, оқушылар сынып жетекшілеріне алғыстарын айтып жетуі керек. Алғыс әр қадам сайын айтылады.

Жүргізуші: Басты қоссақ бәріміз

                         Біздер елдің сәніміз

                         Шаттық, бақыт, қуаныш

                         Елімізге сыйлаймыз.

Ендігі кезекті,балалар, биге береміз!

ФЛЕШМОБ

Жүргізуші:

Қолдарыңа бор алындар 
Асфальтта сурет салыңдар 
Сол суретте болсыншы 
Шаттық күн, ашық аспан көк түсті 
Бақыт деген сол екен 
Береке, бірліктерің жарассын 

Әр топ өздері қалаған суреттер салады асфальтта. Жақсы әдемі салынған сурет үшін тәтті сыйлық беріледі.

Сайқымазақ: Ал, балалар біз ертегідегідей Көнілді елімізге оралуымыз керек. Қалай сендердің бірлесе көңілді қатты шыққан күлкілеріңді естісек, солай мектептеріңіздің қонағы боламыз. 
Жүргізуші: Рахмет саған, сайқымазақ! Осымен «1 маусым-Балаларды қорғау күні!» атты мерекелік іс - шарамыз аяқталды.Көріп тамашалағандарыңызға көп рахмет!