Сценарий конкурса "Мин ийэбинээн"

Конкурс сценарийа «Мин Ийэбинээн»

Ведущий ______

Кэрэ кэммит, сааскы кэммит

Тиийэн кэлбит бэлиэтин

Кэрэ аҥардарга – Кэрэ Куоларга

Анаммыт күнүнэн айхаллыыбыт,

Үүммүт күнүнэн уруйдуубут!

Ведущий ______

Сандал саастыын арыаллаһан,

Сиккиэр тыаллыын сипсиһэн,

Үрүң туллук көлөлөнөн

Тиийэн кэллэ кэрэ күн.

Ийэ, эбээ, эдьиий күнэ-

Кыргыттарбыт күннэрэ.

Ведущий ______

- Үтүө күнүнэн күндү ийэлэр, эбээлэр, кэрэчээн кыргыттар, ыалдьыттар! Эһигини кэлэн иһэр Аан дойду кэрэ аҥардарын күнүнэн итиитик-истинник э5эрдэлиибит! Чэгиэн-чэбдик бэйэлээх, үөрүү-көтүү эҥэрдээх, дьол-соргу тулалаах буолун диэн алгыыбыт!

Ведущий ______

Күлүмнүү сандаарар күҥҥэ мин

Тэҥниибин таптыыр ийэбин,

Ол иһин, сүрэ5им иэйиитин

Уостубат уйгутун аныыбын.

Эһигини, ийэлэрбитин айхаллаан.

э5эрдэлииллэр Ариана уонна Стас, дохсун ытыс тыаһа!

Ведущий _______

- Бүгүҥҥү тэрээһиммитин  «Мин ийэбинээн» куонкуруспутун  са5алыырбытын көҥүллээҥ! Кыргыттарбыт ийэлэрин кытта  олус көхтөөхтүк бэлэмнэнэн кэлбиттэр.

- Бүгүҥҥү күрэ5и дьүүллүөхтэрэ убаастабылаах жюрилар:

1)      ______________________

2)      ______________________

3)      ______________________

Ведущий ______

Күрэхпит  7 түһүмэхтэн турар:

1 түһүмэх – Бэйэни билиһиннэрии

2 түһүмэх – Минньигэс астаах хаһаайкалар

3 түһүмэх – Талаан көрдөрүү

4 түһүмэх – «Дефиле»

5 түһүмэх – «Комплимент»

6 түһүмэх – Боппуруос – эппиэт

7 түһүмэх – Мода көрдөрүүтэ.

Кыттааччыларбытыгар ситиһиини ба5арабыт!

1 түһүмэх. Бэйэни билиһиннэрии

Кэскилбитин түстэһэр,

Кэнчээрини кэҥэтэр,

Кэлэр кэми киэргэтэр,

Кэрэчээнэ кыргыттарбытын, ийэлэрбитин

Дохсун ытыс тыаһынан

Көрсүөҕүҥ, доҕоттоор!

Ведущий ______

- Сыанаҕа ынырыаҕын маҥнайгы нүөмэрдээх күн курдук мичийэр кыттааччыларбытын – Ангелина уонна Раиса!

- Сыанаҕа ыҥырарга көҥүллээҥ куба курдук нарын иккис нүөмэрдээх кыттааччыларбытын – Вилена ийэтинээн Натальялыын.

- Үһүс кэрэ куоларбытын көрсүөҕүҥ кыталык курдук  кыргыттарбытын Тапталлаана уонна Люция!

Ведущий _____

- Ытыс тыаhын бэлэхтиэҕин Мичийэ куо курдук кэрэ кыргыттарбытыгар Карина уонна Елена, төрдүс конкурсанкаларбытыгар.

- Бэһис нүөмэрдээх сибэкки курдук кэрэ кыргыттарбытын көрсүөҕүҥ Айна уонна Антонина!

- Көрсүөҕүҥ  ытыс тыаhынан  алтыс бүтэhик кыттааччыларбытын  Сулус курдук күлүмнүүр кэрэ куолары Марианна уонна Ксения!

Кыттааччыларбытыгар махтанан өссө күүскэ таһынан биэриэххэ. Кыргыттарбыт тустарынан өссө элбэҕи-саҥаны биллибит.

Ведущий ______

 – Истиэҕиҥ дуэт толоруутугар (Костя, Алгыстаана) «Ийэ баар буолан»

Ведущий ______

- Чэ эрэ, оҕолоор, ийэ туһунан олус үчүгэй ырыаны ыллаатыгыт, ийэ туһунан кэпсэтэ түһүөххэ:

______, эн ийэ5ин ким диэн ыҥыра5ын?________________________

Үлэлээн кэлээт тугу гынарый?________________________________

______, Ийэҕэр тугу көмөлөһөҕүн?________________________________

______ , наҺаа үчүгэйдик тугу астааччыный?__________________________

Ведущий ______

Иккис түһүмэх. Минньигэс астаах хаһаайкалар

Кыыс оҕо анала –  алаһа дьиэни араҥаччылыыр, аал уоту иччилиир диэн буолар. Онон кини ас астыырга кыра сааһыттан үөрэниэх тустаах. Ол иһин билигин кыргыттарбыт ийэлэрин кытта, дьиэтээҕи сорудах толорон, ас астаан кэлбиттэрэ.  Бүлүүдэлэрин аатын, туох-туох кутуллубутун, хайдах астанарын кэпсиэхтэрэ.

Ведущий ________

Хас биирдии киһи дьоҕурдаах, талааннаах буолар.

Сахам кыыhын таптыыбын

Сайаҕас, истиҥ санаатын,

Сырдык-ыраас мичээрин,

Сытыары-сымна5ас майгытын

Сахам кыыhын таптыыбын

Үлэҕэ-үөрэххэ дьаныарын,

Үөрэ-көтө сылдьарын,

Үҥкүүлүүрүн-ыллыырын.

Сценаҕа көрсүҥ – Василиса Иванова «Ты на свете лучше всех»

Ведущий _____

Үһүс түһүмэх. Талаан көрдөрүү «Бастыҥ ырыаһыттар»

Ведущий _____

Кыыс мичээрэ тустэҕинэ –
Ыраах кустук тардыллар,
Сир көҕөрөн эрдэҕинэ
Сибэкки хамсыы тыллар.

Эһиэхэ анаан бэлэҕин уунар – Уруйдаана “Ийэбэр”

Ведущий _____

Төрдүс түһүмэх. «Дефиле» сурукка суруллубуту көрдөрүү. Сценаҕа көрсөбүт кыргыттары!

Ведущий ______

Бэһис түһүмэх. Эҕэрдэ тыл «Комплимент»

Ведущий ______

Этиӊ эрэ, оҕолоор,

Эһигини биһиктээн,

Киммит маннык оҕолоон

Киһи гынар бүөбэйдээн?

- Күндү ийэ барахсан!

Этэр сылаас тылынан

Эмиэ киммит саататар,

Эӊин нарын ырыанан

Эһигини утутар?

- Көмүс ийэ барахсан!

Ангелина Иванова эһиэхэ анаан ырыатын бэлэхтиир.

Ведущий ______

Алтыс түһүмэх. Боппуруос – эппиэт. Ийэлэр, оҕолоргутун төһө үчүгэйдик билэҕит?

Ведущий ______

Сэттис түһүмэх. Мода көрдөрүүтэ.

Таҥара табатын курдук таҥнаннар,

Сир симэҕин курдук симэнэннэр

Талбыт курдук кэрэлэр

Тыллан эрэр кэрэчээнэлэрбит,

Сахам Айыы Куолара,

Сахам сырдык аанньаллара.

Конкурспут бүтэhик саамай кыраһыабай эппиэттээх түһүмэҕэр дьэ тиийэн кэллибит. Билигин көрүөххүт кыыс ийэтинээн кэрэ таҥастарын кэтэн наскылдьыйа, долгуннура хаамалларын. Бу түhүмэххэ биhиги кыргыттарбыт бижутериялара, баттахтарын оноhуута платьеларыгар төhө барсарын, онно барсар гына туттан-хаптан хаамалларын биhиги убаастабыллаах  дьүүллүүр сүбэ, көрөөччүлэр сөптөөх сыанабылы биэриэхтэрэ диэн кэтэhэбит.

Ø  Мода

Ведущий _______

Баhыыбаларын! Бугун биhиэхэ бу кэрэчээн кыргыттарбыт ийэлэрин кытары кэрэ-бэлиэ умнуллубат киэhэни бэлэхтээбиттэрин иhин көрөөччүлэр ааттарыттан махталбытын тиэрдиэххэйин. 7 түһүмэх тухары кыттааччыларбыт сүрдээҕин долгуйбуттара, сылайбыттара буолуо, ол гынан баран убаастабыллаах дьүүллүүр сүбэ  быhаарыытын, кимнээх кыайыылаах  буолбуттарын долгуйа күүтүөххэйиҥ. 

Ведущий ____

Дьүүллүүр сүбэ түмүгү таһаарыар диэри эбээ туһунан хоһоон бэлэх уунуоҕа Никита.

Ø  Никита хоһоон ааҕар

Ø  Марина Иннокентьевна тыл этэр.

Ведущий ______

Дьэ бүгүн биhиги кыргыттарбытыттан, ийэлэрбититтэн сөхтүбүт-махтайдыбыт. Бииртэн биир мааны таҥастаах, бэрт имигэстик туттан-хаптан, нарын куоластарынан,  дьоhуннаахтык хамсанан, лыах курдук эргичийэн, таайтарардыы көрөн-истэн, күлэн-үөрэн мичилийэн сценаҕа тахсыбыттарын көрөн астынныбыт, үөрдубут-көттүбүт.

 – Эҕэрдэ тыл биэрэбит дьүүллүүр субэҕэ.

Ø  награждение

Ведущий _____

Быйылгы сааскы сырдык күннэр кэрэ кыргыттарбыт, ийэлэрбит  биhиги харахпытын сымнаттылар, сүрэхпитин сылаанньыттылар, сүргэбитин көтөхтүлэр.

Күндү көрөөччүлэр, бүгүҥҥү конкурс кыттыылаахтарыгар, күн күбэй ийэлэрбитигэр, убаастабыллаах дьүүллүүр сүбэҕэ истиҥ махталбытын тиэрдиэххэйин, дохсун ытыс тыаhын аныаххайын!

Болҕомтоҕут иһин барҕа МАХТАЛ!