Сценарий постановки рассказа Г.Н.Волкова

Сценарий постановки рассказа  Г.Н.Волкова «Йăваш чăвашпа усламçă» на чувашском языке
Вылякансем: автор, усламçă, чăваш, ĕне
Автор	Пĕр йăваш чăваш пасара ĕне сутма тухнă. Юрăри евĕр, хура ĕни пăлан пек, хÿри вĕçĕ çĕлен пек пулнă. Сутас тесе мухтама та кирлĕ пулман, илес текен хăех ĕне мĕнлине лайăх курнă. Йăваш чăваш патне пĕр усламçă пынă та ĕнен шăлĕсене шутласа пăхнă, çиллине тыткаланă
Усламçă	«Темĕн, çынна юрăхлă-ши ку ĕне? Унăн сĕт çулĕ питĕрĕннĕ»
Чăваш	«Питĕрĕннĕ çав, йăлтах питĕрĕнсе ларнă сĕт çулĕ мĕскĕнĕн»
Усламçă	«Çилли те пуш хутаç пек çеç çакăнса тăрать, çăвĕ мар, уйранĕ те пулас çук унăн»,
Чăваш	«Пулас çук пуль çав, ырă çыннăм, çилли пачах типсе ларнă вĕт, пархатар кĕтме çук ĕнтĕ ку ĕнерен»
Автор	Усламçă пурпĕрех чарăнмасть
Усламçă	«Хăш-пĕр шăлĕсем те çитмеççĕ»,
Чăваш	«Хăш-пĕри кăна-и? Юлашки шăлĕ тухса ÿкни те часах вунă çул çитет. Ыраш улăмне мар, çеп-çемçе утта та чăмласа çăтаймасть»,
Автор	Усламçă пĕр чарăнмасăр чăваш ĕнине хурлать, лешĕ вара тăтăшах унпа килĕшет кăна та мар, хăйĕн таварне тата ытларах пăрахăçлать.
Усламçă	«Эпĕ санăн ĕнÿне ма пăрахăçланă пек туни ухмаха та паллă. Анчах эсĕ ху мĕншĕн ĕнÿне çав териех хурлатăн-ха?»
Чăваш	«Ырă çыннăм, эсĕ намăсна çухатсах суятăн та, сана тата ытларах намăссăрланма пулăшас терĕм»,
Автор	Калаçăва итлеме пуçтарăннă тутарĕ те, вырăсĕ те ахăлтатса кулаççĕ.
Пурте	Кирлĕ чух йăваш çын та аванах йăвантарĕ

Краткое описание документа:

Сценарий на чувашском языке по рассказу Г.Н.Волкова «Йăваш чăвашпа усламçă»