Сынып сағат "Кітап және ғаламтор" (5-сынып)

Тақырыбы: Кітап және ғаламтор 
Мақсаты: Өскелен ұрпаққа жаңа технологияны меңгерте отырып, кітаптың пайдасын насихаттау. Оқушыларды кітаханаға тарта отырып, кітап пен ғаламтордың айырмашылығы жөнінде түсінік беру; 
Түрі: Ғаламтор және кітап туралы пікір сайыс. 
Көрнекілігі: Слайдтар, цитаталар, нақыл сөздер. 
Мұғалім: Сәлеметсіздер ме құрметті ұстаздар, оқушылар! 
Бүгінгі өткізгелі отырған ғаламтор және кітап атты пікір сайысымызға қош келдіңіздер. Кітап біздің рухани құндылығымыз, теңдесі жоқ байлығымыз болса, ал ғаламтор жаңа жахандық ақпраттық даму технологиясы болып табылады. 
Сайысымыздың ережесінің бөлімдерімен таныстыра кетсек, қойылған сұрақтарымызға ойымызды жинақтап, еркін, толық дәлелді түрде жауап беру қажет.

«Сұңқар» (жақтаушы жақ).

Лашын (қарсы даттаушы жақ) 
Ең қасиетті сөздердің бірі- кітап сөзі. Кітап- білім нәрімен сусындатар сарқылмас қазына, рухани байлықтың қайнар көзі, рух дәрумені. Білім бұлағы саналатын кітаптың қастерлі қасиетін таныған шығыстың жарық жұлдызы Әлішер Науаи «Кітап- ақылына ақы сұрамайтын алтын қазына» деген бағалы сөздерін айтып кеткен екен. Қазақтың бас ақыны Абай атамызша айтсақ «Артық ғылым кітапта, ерінбей оқып білуге». 
Кітапханамызға келушілер саны өте көп олардың дені кітапхананың ғаламторға қосылуға арналған компьютерін қалағанынша қолданады. 
Еңдігі сөз кезегін сайысшыларға ұсыналық. 
Қазіргі жастарымызға кітап оқығаннан көрі пайдасы бар ма? 
«Сұңқар»(жақтаушы жақ): Біздер күнделікті сабақтан соң оқытушылардың берген тапсырмаларын кітаптан оқығанды жөн көреміз. Өйткені: кітапты парақтап оқи отыра берілген тапсырмаға жан – жақты толық мәлімет алып ойымызға ұзақ сақтай аламыз. 
Лашын (қарсы даттаушы жақ): Біздің ойымызша кітапты парақтап уақытынды алғанша тез жылдам ғаламторды ашып, керек мәліметтерімізді шұғыл түрде өзімізге ыңғайлы етіп дайын күйде ала аламыз. 
Мұғалім: Жастарды кітап оқуға қалай баулығанымыз жөн деп ойлайсыздар? 
«Сұңқар»(жақтаушы жақ: ) Қазіргі кезде жастарымыз өздері ұнатқан шығармаларды өзі қалаған кітапханаларынан алып оқуына болады.Ол үшін барлық жағдай жасалған 
Лашын (қарсы даттаушы жақ):Қазіргі жастар кітапханаларға барып уақыттарын сарп еткенше ұялы телефонға бірлік салып тез арада ғаламторға кіріп қалаған шығармаларын ала алады. 
Мұғалім: Өскелен ұрпақтарымыз электронды кітаптармен баспадан басылып шыққан кітапты оқудан дәстүрлі түрдегі оқулықтарды оқудың айырмашылығы неде? 
«Сұңқар»(жақтаушы жақ:) Жаңа технологиялық жетілу жағдайына байланысты жастарымыз электронды кітапты оқығанының өзіне шүкіршілік етеміз. Соның өзінде де электронды оқулықтардан көрі кітаптарды оқығанымыз жөн. Себебі; кітаптарымыз әрқашанда қолымызда ал электронды кітап компьютердің көмегімен жүзеге асады.Егер ол жағдай болмаса, электронды кітапты қолдана алмайсың. 
Лашын (қарсы даттаушы жақ):Қазіргі XXI ғасыр қақпасында жаңа технологиялардың тамаша жетілгендігі сонша, электронды кітап жүзеге асуда. Бұл жүйенің пайдасы ұшан теңіз себебі, дайын топталған барлық шығармаларды компьютердің көмегімен тез және дайын күйінде ала аламыз, аса бір ізденісті талап етпейді әрі уақыт үнемділігін қамтамасыз етуге көмектеседі. 
Мұғалім:Қазіргі таңда кітаптан көрі ғаламторға әуесқой жастар рухани майдан аланынан алыстап кетті.Мұнын түбі неге әкелмек? 
«Сұңқар»(жақтаушы жақ:) Білім жолын қуып, әрдайым рухани азығын көркем шығармадан іздеген адам нағыз білімдар адам.Білімдар адам атану үшін еңбектену қажет.Кітапты оқи отыра тіл мәдениеті жетіліп көркем сөздік қоры жетіледі.Сондықтанда кітапты мол оқыған дұрыс деп есептейміз,және де ғаламторға әуестенбеу қажет деп есептейміз. 
Лашын (қарсы даттаушы жақ): Қазіргі жастарымыз кітап оқып көз майын тауысқаннан көрі,ғаламтордын пайдасы мол деп ойлайды.Себебі: ғаламторға кіре отырып, барлық көркем шығармаларды дайын жан – жақты қолдана аламыз. Сондықтан да ғаламтордың пайдасы көл –көсір деп ойлаймыз.Жастармыздың ғаламторға әуестенуі қазіргі ақпарат құралдарының дамуына байланысты қалыпты жағдай деп есептейміз. 
Мұғалім: Екі жақ тарапынан сіздердің ойларыңызша кітапты немесе ғаламторды мәдени құрал, рухани азық ретінде қабылдаудың пайдасы жөнінде өз ұсыныстарыңызды білдіре кетсеңіздер. 
«Сұңқар»(жақтаушы жақ:) Ғаламтордың немесе кітаптың көмегінсіз-ақ өздеріңіз айтып отырған мәдени құрал, рухани азық ретінде қабылдағанымыз жөн емес. Себебі; барлық мәдени құрал, рухани азық, сөз маржаны кітапта құралған деп ойлаймыз.Алдағы уақытта қатарлас үзенгілестерге айтарымыз немесе ұсынысымыз оқыған, білімді, тәжірибелі жетілген маман болып түлеуіміз үшін, күнделікті кітаптарды оқып отырғанымыз жөн. Білімге ұмтылған жас ұрпақтың табылар жері осы кітапхана болуы керек. Жаңа технологиялар заманыңда да кітап адамның ішкі жан дүниесіне, ой өрісіне ықпал етіп мұқтаждығын қанағаттандыратын бірден бір рухани азығы болып қала бермек. Сондықтан кітапхана, колледж құрамында жан-жақты қосымша біліммен тәрбие берер мәдени орындардың бірі және бірегейі болып саналады. 
Лашын (қарсы даттаушы жақ): Қазіргі таңда білім қорын молықтыруды ғаламторсыз көзге елестету мүмкін емес сияқты, қоғам ғаламторды қарқынды қолданады. Ғаламтор ақпараттық мәдениет пен салауаттылықты қалыптастырудың уақыт ағымына сай құралы. Өскелең ұрпақ үшін ғаламтордың көмегі зор деп ойлаймыз.Жастардың бойына рухани сезімді ұялату отбасынан басталады. Ғаламтор қанша жерден уақытты үнемдегіш ерекшелігімен ғасырдан ғасырға жылжып келеді. Санамызды ояту үшін ғаламторда жақсы, тек пайдалы ақпарат құралдарын көріп ойымызға тоқиық. 
Мұғалім: Кітап адам өміріндегі ең қажетті құндылық және ондағы білімді заман талабына сай жүйе арқылы бойымызға сіңіріп, сол арқылы өз - өзімізді тәрбиелей аламыз.

«Шетпе лицейі» мемлекеттік мекемесі

Сынып сағаты

Бағыты: Зияткерлік тәрбие, ақпараттық мәдени тәрбиесі

Тақырыбы: «Кітап және ғаламтор»

Өткізген: Сағынғали А.С

5 «ә»-сынып жетекшісі,

қазақ тілі мен әдебиеті пәні мұғалімі

Шетпе селосы-2017 жыл, 24 қараша