Сыныптан тыс жұмыс: «Ертегілер әлемінде»

Береговая жалпы білім беру орта мектебі.

Сыныптан тыс жұмыс.

«Ертегілер әлемінде»

Ағайынды Гриммдер ертегісінің желісі бойынша «Үйшік» көрінісі.

Мақсаты: оқушыларды өнерге баули отырып, сөздік қорларын байыту, сөйлеу мәдениетіне көңіл бөлу, әдеби шығармаларға қызығушылығын ояту, оқушылардың білім деңгейлерін өсіру. Оқушыларды кішіпейілділікке, еңбекқорлыққа, адалдыққа, тазалыққа тәрбиелеу.

Мұғалім: Құрметті оқушылар мен қонақтар! Бүгінгі біздің көрінісіміз әйгілі ағайынды Гриммдердің «Үйшік» ертегісі бойынша өтеді. Кейіпкерлер: Жертесер тышқан, бақылдауық бақа, секек қоян, жылмаң түлкі, жантайғыш аю.

Жүргізуші:

Алаңда бір үйшік тұр еді. Жертесер тышқан оны көріп қалды.

Тышқан:

-         Неткен үйшік! Кімдікі бұл үйшік?

Жүргізуші:

Ешкім жауап қатпады. Тышқан үйшікке кіріп, сонда тұра бастады. Секіріп бақылдауық бақа келді.

Бақа:

-         Неткен үйшік! Үйшікте кім тұрады?

Тышқан:

-         Мен, жертесер тышқанмын. Ал сен кімсің?

Бақа:

-         Мен – бақылдауық бақамын.

Тышқан:

-         Кел, бірге тұрайық.

Жүргізуші:

Екеуі бірге тұра бастады. Секектеп секек қоян келді.

Қоян:

-         Неткен үйшік! Үйшікте кім тұрады?

Тышқан мен Бақа:

-         Біз – жертесер тышқан, бақылдауық бақа, ал сен кімсің?

Қоян:

-         Мен – секек қоянмын.

Тышқан мен Бақа:

-         Кел, бірге тұрайық.

Жүргізуші:

Олар үшеу болды. Жүгіріп жылмаң түлкі келді.

Түлкі:

-         Неткен үйшік! Үйшікте кім тұрады?

Тышқан, Бақа және Қоян:

-          Біз- жертесер тышқан, бақылдауық бақа және секек қоян, ал сен кімсің?

Түлкі:

-         Мен – жылмаң түлкімін.

Тышқан, Бақа және Қоян:

-         Кел, бірге тұрайық.

Жүргізуші:

Олар төртеу болды. Үйшікке аю келіп, есік қақты.

Аю:

-         Неткен үйшік! Үйшікте кім тұрады?

Тышқан, Бақа, Қоян және Түлкі:

-         Біз – жертесер тышқан, бақылдауық бақа, секек қоян, жылмаң түлкі, ал сен кімсің?

Аю:

-         Ал мен – жантайғыш аюмын. Үйшігіне жантая кетсем – бәрің жаншылып қаласыңдар!

Жүргізуші:

         Қорқып кеткен аңдар үйшіктен қашып шықты! Ал жантайғыш аю үйшіктің үстіне жантая кетіп еді, үйшік қирап қалды.

Мұғалім: Осымен біздің көрінісіміз аяқталды. Ал еңді балалар сұрақтарға жауап беріңдер.

-         Үйшікті кім болып бірінші тапты?

-         Секек қояннан кейін кім келді?

-         Тышқаннан кейін кім келді?

-         Үйшікті қиратқан кім болды?

Назарларыңызға көп рақмет!