Спорттық жарыс "Тәуелсіздік деп соғады жүрегіміз!"

 Тақырыбы:   «Тәуелсіздік деп соғады жүрегіміз!».

Мақсаты: Салауатты өмір салтын нығайту, спортқа деген қызығушылықтарын арттыру.

Әдісі: Жарыс

Нәтижесінде: Топ болып жарысып жеңіске жету. Әр топ мүшесінің денсаулығын нығайту үшін спорттың керек екеніне көз жеткізу.

Жүргізуші: Армысыздар,  ардақты әріптестер, және спорт сүйер қауым! Біз бүгін тәуелсіз ел деп ұлымның ұлағатты, қызымның инабатты, халқының салауатты болуына барлық мүмкіндіктерді жолдайтын мемлекетімізді мақтан етеміз. Ендеше тәуелсіздік-біздің басты ұранымыз, көгілдір туымыз,- біздің болашақ бағымыз, нұрлы таңымыз. Мерекелеріңіз құтты болсын!

 «Тәуелсіздік деп соғады жүрегіміз!» атты  жарысымызға  қош келдіңіздер!.        

    Олай болса, құрметті қонақтар және спорт жанкүйерлері,  бүгінгі  Тәуелсіздік мерекемізге  арналған  сайысымызды бастауға  рұқсат етіңіздер!

Әр таңды бақытпенен атырамыз

Өнерді ой көгінде бақылаңыз,

Сайысқа қатысуға енді ортаға

Үлгілі де өнегелі, жылдам да шапшаң

Апайларымызды  шақырамыз!

Жүргізуші:

Барша халық таныған

Біздің үміт, тілекті

Шырқалғанда әнұран

Шаттық кернер жүректі.

Жүргізуші:  

 Өнерге биік сеніңіз

Думанға қызық келіңіз

Әділқазы ел сенген,

Өнерге баға беріңіз. - деп жарысты бастамас бұрын бүгінгі ойынға әділ бағасын беретін әділқазылар алқасымен таныс болыңыздар.

1. Балабақша директоры Күлмағанбетова Айткүл  Жеңісқызы.

2. Әдіскер Ахметова Айткүл Төлеухановна

3. Медбике Жасыбаева Тамара Ильясқызы

1- кезең.

«Сәлем –сөздің анасы» деген нақыл сөз бар. Үш топ өздерін таныстырып жіберсе. Әр топ өздерін таныстырады және топ аты, ұраны болуы міндетті.

 «Алау» тобын ортаға шақырамыз 
Топтың ұраны: Спортпен достас, жалқаулықпен қоштас.

«Ұлан» тобын ортаға шақырамыз.

Топтың ұраны: «Бәріміз біріміз үшін,
Біріміз бәріміз үшін".

Жүргізуші:   Бәйгені ат жаратып шапқан алар,

Олжаны жатқан емес, тапқан алар,- деп сайысқа қатысушы апайларымызға «Ақ жол!» тілейік, ағайын.

Ал ендеше сайысымыздың бірінші бөлімі «Кім жылдам? » деп аталады.
Шарты: Ракеткамен шарды құлатпай алып жүру.

Жүргізуші:
Елімізге бақыт құсы қонсын кеп,
Тіршіліктің бар қызығын көрсін кеп.
Тілеп жүрміз кім-кімге де осы жыл,
Денсаулығын  сәйгүліктің  берсін деп!-сайысымыздың  2-ші кезеңіне кезек береміз. 

 «Тасымақ» ойыны.

Бұл ойында екі адам  жұптасып, арқаларын түйістіріп, сол түйістірілген арқаларының арасына доп қыстырып алып жүгіреді. Белгі бойынша ойынды бастап белгіленген межеге ортада құрылған конустар арасымен өтіп жүріп, кері қарай тура жүгіріп келуі керек.Ал, үшінші адам  допты қолына алып конустардың арасымен  бір аяқпен секіріп  келеді. Ойын кезінде конустарды құлатпай,тапсырманы толық орындаған және бірінші болып аяқтаған топ жеңімпаз болып есептеледі

Жүргізуші:
Салауатты өмір салтын сақтаймыз.
Жас құрбылар ерініп бос жатпаймыз.
Болашақтың биік тұрып төріне,
Нұрлы жолмен биік рухпен бастаймыз!-деп өлеңдете келе 3-кезеңіміз «Өз біліміңді тексер!» тамашалайық. 

Ойын шарты:

 Тапсырма: Сұраққа жауап беру.

Жүргізуші:

Топ болып біз жүрейік,

Ойнайықта күлейік.

Достық деген тамаша,

Міне тұрмыз жараса! -деп сайысымыздың  4-кезеңі  «Самокат тебу».
Шарты:  Самокатпен жүріп кедергілердің арасынан өтіп жарысу.  

Жүргізуші:
Бала тәрбиелеген тәрбиеші,

Бала болып ойлайды,

Бала өсірген ата-ана

Бала болып ойнайды -деген жолдармен сайысымыздың  5-ші кезеңі  «Допты шеңберге» лақтыру.
Ойын  шарты. 
Әр команданың сайыскерлердің епті мерген екендіктерін анықтау.Топтардын алдында 2 метр қашықтықта себет тұрады. Міне, осы себетке  допты дәл лақтыру керек.Әрбір топтың  сайыскерлері допты 2 реттен лақтырады. Кім шеңберге дәл лақтырса, сол көп  ұпай  жинайды.

Жүргізуші:

Ту тігілді халқымның бүгін бағына

Жас өрендер желбіретіп нық ұста

Ғасырларға жалғастырып елдікті

Дақ түсірме ата баба рухына

Үлгі бізге аталардың ерлігі

Ұлағаты өнегесі еңбегі

Тәуелсіздік туын ұстап жоғары.

Бүгінгі ұрпақ болар елдің ертеңі дей келе бүгінгі тәуелсіздігімізге арналған

«Тәуелсіздік деп соғады жүрегіміз!» атты мерекелік кешіміз өз мәресіне де келіп жетті.

 Сайысымыздың шарттары бойынша қорытынды шығарып жеңімпаздарды анықтап, марапаттау сөз әділқазыларға беріледі.

Ата-бабамыз ғасырлар бойы армандап өткен тәуелсіз ел болу мәртебесін көру- бүгінгі ұрпаққа бұйырған зор бақыт. Осы қуанышымыз құтты, бақытымыз баянды болсын. Жаңа ғасырда қайта түлеген жасарып, түрленген еліміздің тәуелсіздік тұғыры биік халқымыздың еңсесі жоғары, егемендігіміз баянды болсын деп тілейік, ағайын.

  Бүгінгі алтын уақыттарыңызды қиып, «Тәуелсіздік деп соғады жүрегіміз!» атты  сайысқа қатысқандарыңыз үшін  алғысымды білдіреміз! Жақсылықта, амандықта жүздескенше сау саламатта болыңыздар!.