Тарихи сағат "Алтын адам"

Алтын Адам туралы мәлімет

Алтын Адам – Алматы обл. Есік қаласының солтүстігіндегі Есік өзенінің сол жақ жағалауындағы темір дәуірінен сақталған сақ обасынан табылған алтын киімді сақ жауынгерінің мүрдесі. 1970 жылы археолог

 К. А. Ақышев тапқан.

 40 – тан астам обадан тұратын қорымның оңтүстік шетінде биіктігі 6 м. диаметрі 60 м. үйінді төбе астынан табылған. Жасы шамамен17 – 18 дегі сақ жауынгері. Қабір шырша бөренеден жасалған, шеттеріне металл, қыш, ағаштан істелген ыдыстар, зергерлік бұйымдар қойылған.

        Алтын адамның киімі 4 мыңға жуық алтын әшекейлермен безендірілген. Әшекейлер барыс, бұлан, таутеке, арқар, ат, түрлі құс бейнелерін беретін «аңдар стилінде» жасалған.

        Бас киімі кейінгі қазақ киімі үлгілеріне ұқсас, биік, шошақ төбелі, ұзындығы 70 см. шамасында.

        Мойынында дөңгелек жүзік сияқты алтын алқа, іш көйлегі, көкірегінің тұсы, жеңі алтын тоғалармен өрнектелген, саусағында екі алтын жүзік, камзолы құрастырылмалы белбеумен буылған. Белбеуге аңға ұқсас бейнелер, 16 тоға жапсырылған, он жағында қызыл қынапты ұзын семсер, сол жағында алтын пластиналар жапсырылған қиынға салынған темір қанжар – ақинақ, шалбар балағы да алтын тоғалармен әшекейленген.

Мәліметтерге қарап, бұл адам 4 – 5 ғасырларда өмір сүргені анықталды.

        Алтын адам сол кездегі сақтарда мемлекеттік өркениет ертеден қалыптасқаны дәлелдейді.

        Алтын адам – Қазақстанның азаттық символына айналды. Оның тұлғасы Алматының бас алаңында орнатылды, төбе бөркіндеген қанатты тұлпарлар бейнесі Елтаңбамызға енді.