Тәрбие сағаты "Абай біздің бабамыз"

Тәрбие сағатының тақырыбы: «Абай біздің бабамыз»

Тәрбие сағатының мақсаты:

Білімділік: Оқушыларды халқымыздың біртуар перзенті Абай өмірімен таныстыру. Білім мен ғылымға баулу.

Дамытушылық: Оқушылардың Ұлы Абай шығармаларымен жұмыс істеу арқылы өлеңге, әнге, өнерге деген әуестігін, шығармашылық қабілеттерін, көркем сөз шеберліктерін арттыру.

Тәрбиелік: Оқушыларды Ұлы тұлғаның өнегелі де өсиетті, сөз маржандары арқылы Отан сүйгіштікке, имандылыққа, білімді, өнерлі болуға, тілімізді, дінімізді қадірлей білуге тәрбиелеу.

                                            Сабақ барысы:

1.Ұйымдастыру кезеңі.

Бексұлтан:

Абай ата қазағымның тірегі

Халқымыздың соғып тұрған жүрегі.

Төгетұғын сәулесі мен шуағын,

Маңдайдағы жарқыраған күн еді.

Абай – туған елін, жерін, тілін, дінін жанындай жақсы көрген нағыз ұлтжанды дана ақын.

Мұғалім:

Жүрегімнің түбіне терең бойла,

Мен бір жұмбақ адаммын оны да ойла.

Соқтықпалы,соқпақсыз жерде өстім.

Мыңмен жалғыз алыстым,кінә қойма, деп осы бір төрт жолға бүкіл өмірін сиғызып кеткен кеткен Абай атамыздың өміріне тоқталайық.

Томирис: Абай (Ибраһим) Құнанбаев Құнанбайұлы (1845-1904) — ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер.

Айназ: Орта жүздің Арғын тайпасының Тобықты руынан шыққан билер әулетінен. Әкесі Құнанбай Өскенбайұлы өз заманындағы атақ даңқы алысқа кеткен адамдардың бірі болған

Рысбек: Абай 10 тамыз 1845 ж. қазіргі Семей облысының Шыңғыс тауларында Қарқаралының аға сұлтаны Құнанбайдың төрт әйелінің бірі, екінші әйелі Ұлжаннан туған.

Арай: Абай» деп жас Ибраһимді анасы Ұлжан еркелетіп атаған. Құнанбай мен Ұлжаннан туған төрт ұлдың бірі Абай жастайынан ақ ерекше қабілетімен, ақылдылығымен көзге түседі.

 Әкесі оның зеректігін байқағаннан кейін, 10 жасқа толған соң Семейдегі Ахмет Риза медресесіне береді.Медреседе төрт жыл оқығаннан кейін, оқудан шығарып алып, қасында ұстап, ел басқару ісіне баули бастайды

Мұғалім балалардың айтқанын толықтыра отырып, ақынның өміріне шолу жасайды, слайдтар көрсетеді.

Бексұлтан: «Өлді деуге бола ма айтыңдаршы,

                 Өлмейтұғын артына сөз қалдырған» дегендей, бүгінгі біздің тәрбие сағатымыз Абай атамыздың жас ұрпаққа тәлім-тәрбие беретін өнегелі де асыл сөздеріне арналады.

Баянсұлу

Мұғалім: Абай жас кезінен әңгімеге, өлеңге әуес болды. Ертегі, аңыздарды да зейін қойып тыңдай білген. Әсіресе әжесі Зере мен анасы Ұлжанның аузынан естіген ертегі, аңыздардың Абай үшін маңызы зор болды.

Бексұлтан: Жасымда ғылым бар деп ескермедім,

                 Пайдасын көре тұра тексермедім.

                 Ер жеткен соң түспеді уысыма,

                 Қолымды мезгілімен кеш сермедім.  Абай атамыз орыс халқының классик ақындарының шығармаларын аударған.

Эльмира

«Шегіртке мен құмырсқа» көрініс. Айнур,Дана, Бейбарыс.

Мұғалім: Құлақтан кіріп, бойды алар,

Жақсы ән мен тәтті күй,

Көңілге түрлі ой салар.

Әнді сүйсең,менше сүй. Абай Құнанбаев өз өлеңдеріне ән жазған. Оның әндері әлем сахналарында шырқалып жүр.

«Желсіз түнде жарық ай» хормен орындайды.

Бексұлтан:  Абай да жас болды. Өмірге табиғатқа,әдемілікке, тазалыққа жаны құштар болды.

Бауыржан

Бахытнур

Бейбарыс «Күз»

Ерасыл «Қыс»

Ән: «Көзімнің қарасы»

Мұғалім: Міне,балалар бүгін Абай атамыз жөнінде біраз мағұлымат алдық.  Енді сабағымызды қортындылайық.  Оның дәлелі мінекей, бүгін Абай өміріне шолу жасадық.

Сұрақ жауап: Абай қай жылы туылған?

                    Абай неше ағайынды?             

                    Қай рудан шыққан?

                    Абай кім?

 Айнур

Данияр

Бейбарыс

Айбол

Еркеназ

Мұғалім: Абай атамыз айтқан өсиеттерді біз қалтықсыз орындауға ұмтыламыз.

Бір топ бала «Өсиетін Абайдың

                     Орындап жүр қалай кім?»

Қорытынды: Абай жолы – халық жолы. Абай атамыз қашанда келешектің өлмес, өшпес күн шуағы. Әрқашанда жас жүрегіміз соғар Абай- деп ойлаймын. Сабағымызды Елбасымыздың мына сөзімен аяқтағым келіп отыр.

«Абайды таныту арқылы біз Қазақстанды әлемге танытамыз, қазақ халқын танытамыз. Абай әрқашан біздің ұлттық ұранымыз болуы тиіс»