Тәрбие сағаты "Қазақстан Президенті"

                                  №8 Ө.Атамбаев атындағы орта мектеп

                                Тәрбие сағаты

                                                                                                  Тақырыбы: «Қазақстан Президенті »

Өткізген машықкер:Кеңесова Гүлнара Қайырғалиқызы

                                               2015-2016 жыл

Тәрбие сағатының тақырыбы:   «Қазақстан Президенті »

Мақсаты: Балаларға елбасы туралы толық мағлұмат беру. Балалардың өз еліне, туған жеріне деген сүйіспеншілік сезімдерін арттыру. Отанын сүюге тәрбиелеу, еліміздің тарихы туралы түсінік беру.

Көрнекілігі: Елбасы Н. Назарбаевтың суреті, рәміздер, слайд, суреттер, ту, гүлдер,шарлар.

Әдіс — тәсілдер: Түсіндіру, сұрақ — жауап.

Барысы:   Ұйымдастыру.

1.Шаттық шеңбер:

Көк аспанда күн күлсін,

Бірге күлсін бүлдіршін.

Ұл қолында ту жүрсін,

Қыз қолында гүл жүрсін!

Бірге күлсін бүлдіршін.

2.Сұрақ-жауап:

— Біз қай елде тұрамыз?

— Қазақстан Республикасында тұрамыз.

— Қазақстанның Елордасы қай қала?

— Елордамыз – Астана.

— Елбасымыз кім?

— Елбасымыз Нұрсұлтан Әбішұлы Назарбаев.

— Біз Қазақстан Республикасының рәміздерін білеміз бе?

— Әнұран, Ту, Елтаңба.

3.Слайдтан көрсету.

Нұрсұлтан Назарбаев 1940 жылы 6 шілдеде Алматы облысының Қарасай ауданына қарасты Шамалған ауылында Әбіш пен Әлжанның отбасында дүниеге келген. Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті.

Қазақстан Республикасының Елбасына дейін көтерілген. Н. Ә. Назарбаев осындай тамаша жетістіктер деңгейіне бірден қолы жеткен жоқ. Кішкентай кезінен бастап, түрлі қиындықтарды бастан кешірген. Соның бірі бала кезінде бірнеше шақырым жердегі мектепке қыстың қарлы бораны мен күздің қара суығына қарамастан, таңның атуын күтпестен мектепке қатынаған сәтін айтсақ та болады. Алдына қойған мақсаты айқын адамдар не нәрсе болса да жеңіп, сол мақсатына жететінін біз осы атамыздың жасап жатқан айшықты да айқын жұмыстарынан аңғара аламыз.

Тәуелсіз Қазақстаның тарихи кезеңдеріне шолу жасайық.

1-оқушы: 1991 жылы 16 — желтоқсанда «Қазақстан Республикасының мемлекетік тәуелсіздігі туралы» заң қабылданды.Сондай -ақ,осы жылы Қазақтың тұңғыш Президенті сайланды.

Ауыр күнді артымызға тастауы –

Қиын сәтте қиындықтан қашпауы.

Тілім, дінім, ұлтым қайта көгерген,

Елбасымыз Нұрағаңның бастауы.

2-оқушы:  1992 жылы 4 — маусымда Қазақстан Республикасының Жоғарғы Кеңесі мемлекеттік рәміздерді қабылдады.

Туымен — тұғырлы

Елтаңбасымен — еңселі

Әнұранымен — айбатты.

Қазақстан – Республикам менің

3 – оқушы:

 Туды ұстап тура жолға түсіріп,

Жас Отанның өмірін де түсініп,

«Елім, жерім» деп ұрандап тайсалмай,

Бір керемет жасады – ау  кісілік!

4 – оқушы:

Халқым айтқан жер көтерер ел даңқын,

Елім айтқан ел көтерер жер даңқын.

Президентім, елбасы, аман болғай,

Мәңгі жаса, жас қазағым, өр халқым!

5-оқушы: 1993 жылы 28 — қаңтарда тұңғыш Конституция қабылданды.

Сондай — ақ,осы жылы 15 — қарашада ұлттық валюта төл теңге дүниеге

келді (теңге шашылады)

6 – оқушы:

Гүлдене бер, Отаным,

Көтерген туын Нұр ағам.

Көбейткен достың қатарын,

Нұр аға — біздің ұлы адам.

7 – оқушы: 1995 жылы 30 — тамызда Ата Заңымыз қабылданды.

Еркін елдің Ата заңы ардақты,

Әрбір сөзі,әрбір бабы салмақты.

Адам құқы бостандығы,теңдігі –

Барлығын да қарастырған жан — жақты.

8 – оқушы:

Мен — қазақпын, ұланымын елімнің,

Мен — қазақпын, тірегімін жерімнің.

Ұланымын туын көкке көтерген,

Болашаққа алға бастап жетелер.                                                                                                         

 Қиындығын қазағымның әрқашан

Қайыспайтын қаранардай көтерер.

9-оқушы;1997 жылы 20 — мамырда Қазақстан Республикасының елордасы- Астана қаласы болып бекітілді. Сондай ақ,осы жылы «Қазақстан–2030 » жолдауы шықты.

Астана – жас қалам

Астана – бас қалам

Төрінде «Бәйтерек»

Тура жол бастаған.

Хор  Жаса Қазақстан

10 – оқушы:

Бірде шырқап, бірде төмен құлаған,

Өмір жолы болған қиын бұралаң.

Қазағымды жарқын жолға бастады,

Елбасы боп сайланды да Нұр ағам.

11 – оқушы:

Отан дейміз кең байтақ астананы,

Жасыл жайлау, жаңа жол, жас қаланы.

Отанның шеті де жоқ, шегі де жоқ,

Ол бірақ өз үйіңнен басталады.

12 – оқушы: 1997 жылы 11 — шілдеде «Тіл туралы» Заң қабылданды.

Ана тілі арың бұл

Ұятың боп тұр бетте

Өзге тілдің бәрін біл

Өз тіліңді құрметте.

13 – оқушы: Құт даламыз-асыл ән,

                       Қараймын да тасынам.

                       Қазақстан картасы

                       Құшақтай кең ашылған

14-оқушы:  Тұратұғын болашақтың үні кеп

                    Тартылар күй айтылатын жыры көп

                   Ерекше бір еркіндейік, бауырлар  

                    Басшымыздың бүгін туған күні деп

15-оқушы:Әнге толсын барлық қала,ауыл бар

                  Қағылсын бар барабандар, дабылдар

                  Елбасының туған күнін ардақтау

                 Бәріміздің борышымыз, бауырлар.

16-оқушы: «Ел – Елбасына тірек, Елбасы – елге қалқан. Бұл — бүгінгінің шындығы».

17-оқушы:«Нұрсұлтан Назарбаев десе — Қазақстан; ал Қазақстан десе — Назарбаев ойға оралады»

18-оқушы:«Қазақстан – бақытты ел, Президенті танымды, халқы қарымды, досы көп ел екенін де мақтан тұтамыз»

19-оқушы: «Ел тарихын тұлғалар жасайды. Тұлға — елдің тұғыры, Тұлға — елдің тұтқасы. Біздің Президентіміз  Н. Ә. Назарбаев – осындай тұлға.»

Хор: Жаса Қазақстан

Қорытынды:

Нұрсұлтан бар деп нұрыңа сенің шомылғандай боп жүрем мен,

Бейнеңді көрсем беймезгіл кезде қабағымды ашам түнерген.

Сүйеміз сені, санамыз, сөніп қалмай тұрғанда сүйеміз,

Алланың бізге бір өзі сеніп өкілісің сен жіберген.

Жүргізуші: Балалар Егеменді Қазақстан елінің келешегі де, болашағы да, мына өздерің боласыңдар, сол себептен Қазақстан байрағын биік ұстап, тілді құрметтеңдер.

Осымен «Қазақстан Президенті» атты тәрбие сағатымыз аяқталды.

Ән: «Көк тудың желбірегені»