"Туған тілде сыры терең жырым бар" атты әдеби-сазды кештің сценарийі

«Туған тілде сыры терең жаным бар…» (поэзиялық кеш)

Мақсаты: Көпшілік оқырманға ана тіліміздің қадір-қасиетін дарыту, туған тіліміздің тұғырының мықты болуына негіз қалаған бабаларымыздың айтқан ой-толғауларын оқып үйрену, ақиық ақындарымыздың тіл жайында толғаған өлең-жырларын оқып,  танысып, тәлім-тәрбие беру.

1-жүргізуші:  Құрметті оқырман қауым!

Әр адамның азаматтық қасиеті мен мәдениеті өз халқын, өз атамекенін қалай сүюімен өз ана тілін қалай білуімен өлшенбейді. Ананың ақ сүтіне уызына жарыған адам қашанда отаншыл, ұлтжанды болады.Әркімнің өз тіліне деген құрметін өз анасына, өз ұлтына деген құрмет деп білу керек. Олай болса қара қылды қақ жарған туған тіліміздің бүгін туған күні. Осы айтулы, мерейлі мереке күніне орайластырылып өткізгелі отырған  «Туған тілде сыры терең жаным бар…»  атты поэзия кешіне қош келдіңіздер!

2-жүргізуші:

Тіл мұратым,арманға ұласар кеп,

Тіл болмаса бұл қазақ қыр асар ма ед?!

Тіл байлығы бар елде кедейлік жоқ,

Алшаңдайды  ат ұстап «тілашар» деп ,- ақын Бәйтік Дүйсенбаев жырлағандай бар  байлығымыз, мойнымыздағы қасиетті тұмарымыздай қастерлі ана тіліміз туған тіліміз жайында ақын өлеңдеріне кезек берейік.

1-жүргізуші: Тіл халқымның қазынасы баға жетпес байлығы десек-осы қазына байлықты Қарасаздан ұшқан асқақ ақын Мұқағали Мақатаев былайша жырлаған екен.

1-оқушы «Үш бақытым»

Ең бірінші бақытым-халқым менің,

Соған берем ойымның алтын кенін.

Ол бар болса, мен бармын, қор болмаймын,

Қымбатырақ алтыннан нарқым менің.

Ал екінші бақытым-Тілім менің,

Тас жүректі тіліммен тілім дедім.

Кей-кейде дүниеден түңілсем де,

Қасиетті тілімнен түңілмедім.

Бақытым бар үшінші –Отан деген,

Құдай деген кім десе,Отан дер ем.

…Оты сөнген жалғанда жан барсың ба!

Ойланбай-ақ кел дағы от ал менен.

2-оқушы Толыбай Абылаев «Төл тілім»

Түк емес-ау кедейшілік

Көңіліңді күй тербесе.

Өз тіліңді өгейсітіп,

Өңменімнен итерме сен.

Ел мақтайды еркін ұлды,

Ей,бауырым,тіліңмен өс!

Ұлық етпей төл тіліңді,

Ұлтың туған ұлым демес.

Бар ол сенің дарыныңда,

Төл тілің боп жалында жыр.

Алпыс екі тамырыңда,

Бүлк-бүлк еткен қаныңда жүр.

3- оқушы Сұлтанмахмұт Торайғыров «Қазақ тілі»

Сүйемін туған тілді – анам тілін.

Бесікте жатқанымда-ақ берген білім.

Шыр етіп жерге түскен минутімнен,

Құлағыма сіңірген таныс үнім.

Сол тілмен шешем мені әлдилеген,

Еркелеткен, «құлыным», «жаным» деген

Сол тілменен бірінші білгізілген:

«Ана» деген сүйгендік сөз әм менен.

Қылжықтап, алып қашып құрбы бөркін.

Сол тілменен ойнадым далада еркін.

Сол тілменен бірінші сыртқа шығып,

Өмірде ен далада ұққан көркім.

4-оқушы Дихан Әбілев «Туған тілім»

Кімнен тудым?

Нәсілім кім?

Ұлтым кім?

Әлде мен бір аспанның сұр бұлтымын?

Бұлт емеспін.

Мен қазақпын,

Халықпын,

Көне күннен келе жатқан тарихпын!

Туған тілім – бабам тілі – өз тілім.

Туған тілім – анам тілі – өз тілім.

Туған тілім – далам тілі – өз тілім.

Туған тілім – адам тілі – өз тілім.

Туған тілде сыры терең жаным бар,

Туған тілде мың-мың ыстық қаным бар.

Туған тілде әнім менен сәнім бар!

Туған тілім – жүрек үнім, наныңдар,

Нанбасаңдар,

Жүрегімді суырып-ақ алыңдар