(Урок 1, план урока по предмету Охрана труда)"Введение"

Бұйрыққа 35-қосымша

Нысаны

______________«Электротехника колледжі» КМҚК______________

(білім беру ұйымының атауы)

ПЕДАГОГТЫҢ САБАҚ ЖОСПАРЫ

Кіріспе

(сабақ тақырыбы)

Модуль/ пән бойынша: КМ01 Киім-кешектерді, құралдарды және жабдықтарды тексеру, жұмыс орнын жоспарлау

Пән: «Еңбек қорғау»

 (модульдің немесе пәннің атауы)

Дайындаған педагог: Каптагаева Жулдыз Дилмухаметовна

  "____"____________ 2020 ж.

1.     Жалпы мәліметтер

Курс / Топ	II  курс, ЭЭО-227к, ЭЭО-223к, ЭЭО-225к, ЭЭО-324к, ЭЭО-326к
Сабақ түрі	Теориялық

2. Мақсаттары, міндеттері:

2.1 Сабақтың мақсаты:	Еңбек қорғау пәнінің мақсатымен таныстыру.
2.2 Сабақтың міндеттері:
Білімділік:	Еңбек қорғау пәнінің мақсатымен және олардың адам өмірінде маңыздылығын білу.
Тәрбиелік:	Окушыларды тәртіпке баулу және жауапкершіліктерін арттыру.
Дамытушылық:	Cтуденттердің болашақ мамандықтарына, пәнге деген қызығушылыктарын арттыру.
Оқу сабағында білім алушылар меңгеретін кәсіби дағдылардың тізбесі	Еңбек қорғау пәні бойынша толық мағлұмат алады.

3. Сабақтың қамтылуы

3.1 Оқу-әдістемелік жабдықтау, Анықтамалық әдебиет	Ж. Аманжолов. Еңбек қорғау және техника қауіпсіздігі. 2008 ж.
3.2 Техникалық жабдықтау, материалдар	Компьютер, слайд, бейне ролик, интерактивті тақта

Сабақтың-жоспар қысқаша жазбасы
Сабақтың барысы	Уақыт (минут)	Жұмыстың түрлері	Оқу ресурстары мен материалдары
1.     Ұйымдстыру кезеңі	2 мин	Студенттермен салемдесу. Тізім бойынша оқушыларды тексеру.	Ж. Аманжолов. Еңбек қорғау және техника қауіпсіздігі. 2008 ж.
2.     Қызметтің жаңа білімі мен тәсілдерін қалыптастыру: Жоспар: 1.     Еңбек қорғау пәні бойынша жалпы түсінік. 2.     Еңбек қорғаудың бөлімдері.	65 мин	Дәптерлеріне дәрісті конспектілеу. Еңбек қорғау пәні бойынша түсінік беру, яғни әңгімелеу.
3.     Зерделенген материалды түсінуді алғаш тексеру 1.      Еңбек қорғау пәні немен айналысады? 2.     Еңбек қорғау пәнінің бөлімдерін атаңыз. 3.     Техникалық қауіпсіздік деген не?	8 мин	Жаңа өткен тақырып бойынша бекіту сұрақтарын қою.
4.     Қызмет білімі мен тәсілдерін бақылау және өзіндік бақылау	5 мин	Студенттерге жауап беру барысындағы жіберілген қателіктерін көрсетіп, жауап берген студентті бағалайды
5.     Қызметтің білімі мен тәсілдерін түсіну	5 мин	Қателіктермен жұмыс жасау
6.     Үй тапсырмасы туралы ақпараттандыру Дәрісті оқу.	2мин	Дәптерлеріндегі конспектіні оқу
7.     Сабақ қорытындыларына қорытынды жүргізу	3 мин	Студенттердің білімін бағалау

Кіріспе

Қоғамымыздың басты мақсаты-еңбекті адамның бірінші кезектегі өмірлік қажетіне айналдыру. Ал, тиімді еңбек ету үшін еңбекшілерге қажетті жағдай жасау, олардың денсаулығын сақтау, еңбек жағдайының қауіпсіздігін қамтамасыз ету, кәсіби сырқатты және өндірісте зақымдануды болдырмау қажет. Еңбек қорғау ғылымы осы мәселелермен, яғни еңбектің зиянсыз, қауіпсіз жағдайларын жасаудың проблемаларымен айналысады.

Халықаралық еңбек ұйымының дерегі бойынша дүние жүзінде жыл сайын орта есеппен 50 миллион немесе күніне 160 мың жазатайым оқиғалар болып тұрады.

Қысқасы, еңбекті қорғау дегеніміз-құқықтық, әлеуметтік-экономикалық, ұйымдастыру-техникалық, санитарлық-эпидемиологиялық, емдеу-профилактика, оңалту және өзге де іс-шаралар мен құралдарды қамтитын еңбек қызметі үдерісінде қызметкерлердің өмірі мен денсаулығының қауіпсіздігін қамтамасыз ету жүйесі болып табылады. Еңбек қорғау ғылымы өндірістегі жазатайым оқиғалардың, кәсіби сырқаттардың, жарылыстар мен өрттің себептерін анықтап, оны болдырмаудың қажетті шараларын жасайды.

Еңбекті қорғау еңбек қорғаудың заңдылықтарын, өндірістік санитарияны, қауіпсіздік техникасын, және өрт қауіпсіздігін қамтиды.

Еңбек қорғаудың заңдылықтарына Қазақстан Республикасының Заңдары мен мен басқа да мемлекеттік актілер, Министрлер кабинетінің, кәсіподақ ұйымы мен келісілген министрліктердің нұсқаулары мен ережелері , сондай-ақ ішкі тәртіп ережесінде көрсетілген еңбек қорғаудың нормалары жатады.

Өндірістік санитария дегеніміз- еңбекшіге зиянды өндірістік факторлардың әсерін болдырмайтын ұйымдастыру, гигиеналық және санитарлық-техникалық шаралар мен құралдардың жүйесі.

Қауіпсіздік техникасы дегеніміз- еңбекшіге қауіпті өндірістік факторлардың әсерін болдырмайтын ұйымдастыру және техникалық шаралар мен құралдардың жүйесі.

Өрт қауіпсіздігі дегеніміз- өрттің алдын алудың, өрт шығу себептерін жоюдың, өрттің жайылуына жол бермеудің, адамдарды, жануарларды және материалдық құндылықтарды жедел көшіруді ұйымдастырудың және өртті сөндіру шараларының жүйесі.

Еңбек қорғау ғылымы міндеттерінің күрделілігі одан еңбектің қауіпсіз және тиімді жағдайларын жасауға қатысы бар басқа да ғылымдардың жетістіктерін пайдалануды, ең алдымен, әлеуметтік –құқықтық ғылымның, сондай-ақ еңбекті ғылыми тұрғыда ұйымдастырудың, әсемдік пен эргономиканың жетістіктерін пайдалануды талап етеді. Мысалы, машиналарды, аппаратураларды, басқа да жабдықтарды қауіпсіз пайдаланудың тәсілдерін дайындау барысында еңбекті қорғау ғылымы техникалық ғылымдардың шешімдерін пайдаланса, санитарлық талаптарды дайындау барысында кейбір медициналық және биологиялық пәндердің зерттеу қорытындыларын пайдаланады.

Еңбекті қорғау мен еңбек жағдайын жақсартудың әлеуметтік-экономикалық маңызы зор.ол еңбекшілердің өмірін қорғаумен қатар, еңбек өнімділігін арттыруға, еңбекшілердің еңбекке қатысу мерзімін ұзартуға, мамандарды тұрақтандыруға ықпал етеді және түрлі жағдайларға байланысты жұмсалатын шығынды азайтады.

Қазір еліміз бойынша жыл ішінде пайдаланылмаған барлық жұмыс күнінің 60-80 % еңбекшілердің түрлі себептермен науқастануынан болады.Егер осы жұмысқа уақытша жарамсыздықтың жылдық орташа көрсеткіші бір күнге кемітілсе, онда еліміздің халық шаруашылығы қосымшы 18 млн. Жұмыс күнін сақтаған болар еді.