Дарсны темасы: «Тил гесимлер» (беклешдирив дарс) 5 кл..
Дарсны мурады:
1. Морфология бёлюкню ахтарыв.
2. Тил гесимлени такрарлав.
3. Адабият дарс булан тыгъыс байлав.
4. Охувчуланы ана- тилге бакъгъан сюювюн артдырыв.
Аян алатлар: компьютер, проектор, тестлер, шиърулар ,теремок уьй, карточкалар.
Дарсны юрюлюшю.
Яшланы низамгъа тартыв.
Янгы дарсны англатыв.
«Тил гесимлер» (беклешдирив дарс).
Муаллимни гиришив сёзю.
-Яшлар, шу дарс насипли дарслардан бириси болсун!
-Юреклеригиз шатлыкъдан толсун,
-Къайгъы недир билмегиз.
-Бешлер тюгюл гёрмегиз!
Къумукъ тилни гьакъында белгили рус язывчулар
булай язгъан : Л.Н. Толстой
«Къумукъча охумагъа башладым. Къумукъ тил тюрк тиллени бириси, о тилде татарлар-къумукълар сёйлей».
Олай М.Ю. Лермонтов да къумукъ тилни уьйрене болгъан.
Бугюнгю дарсны. Мен шулай шиъру булан ачмагъа сюемен . (слайд гёрсетиле)
Дюньяланы ачагъан
Алтын ачгъыч – ана тил,
Адам болмагъа сюйсенг,
Башлап ана тилни бил!
-Гьали яшлар къумукъ тилге багъышлангъан айтывлар айтайыкъ
Яшлар айтывлар охуй.
Къумукъ тилни бёлюклерин ахтарыв.
Муаллим : Биз къумукъ тилни къайсы бёлюклерин билебиз?
Яшлар: Фонетика, графика, орфоэпия, орфография, морфология. Синтаксис, тил культурасы.
Муаллим: Шуланы арасындан айрыча морфология бёлюкде токътайыкъ.
Морфология бёлюк нени ахтара?
Яшлар: Морфология – тилни гьакъындагъы илмуну бёлюгю.
Бу бёлюкде тил гесимлер ахтарыла.
Муаллим: Тил гесимлер нече бёлюнге бёлюне?
Яшлар: 1. Оьзбашына къолланагъан тил гесимлер.
2.Кёмекчи тил гесимлер. (слайд гёрсетиле)
Муаллим: Оьзбашына къолланагъан тил гесимлер нени гёрсете?
Яшлар: Толу маъналы тил гесимлер предметни, белгини, гьаракатны гёрсете ва жумланы уьюрю бола.
Муаллим: Кёмекчи тил гесимлер нени англатмай?
Яшлар: Кёмекчи тил гесимлер лексика маъна англатмай ва жумланы уьюрю болмай.(слайд гёрсетиле)
Муаллим: Яхшы, яшлар, гьали арыгъаныбыз да таяр йимик бир оюн ойнайыкъ.
4)Оюн:«Бувунланы къыйышдырып, сёзлер этип айтывну охугъуз»
Муаллим: Гьали яшлар «тил гесимлени» гьакъында бир гиччирек ёмакъгъа тынглайыкъ.
5)«Морфология бёлюк тил гесимлени тарбиягъа тартгъан кюй»
- Бу иш яшлар , тезден берли болгъан иш.
Сёзлени ичинде бир тарбия болмагъан.
Олар сюйгенин этип тура болгъан.
Бир гезик булар тизилме къарагъан,
ойлай тизилген, булай тизилген, тек
пайда ёкъ. Сйзлер бары да жыйылып ойлаша:
«Бизге башчы болмаса пайда ёкъ!» – деп
- Гьали яшлар, тил гесимлени башчысын чакъырайыкъ.
Яшлар: Мор-фо-ло-гия!
Муаллим: Морфология бёлюк геле, ёмакъ башлана.
Яшлар: Яшланы ёмакъны гёрсетивю.
Муаллим: Шу кюйде морфология бёлюк сёзлени жыйып, атлар да тагъып, бёлюклеге де бёлюп, гьали де яшай, дагъы да яшап туражакъ.
Морфология - тил гесимлеге башчы бола.
Бий буса мунда – Тил , бийке буса – Языв.
Бийкени кёп бий уланлары бар, тез арасында тарбияны сюегени «Морфология» гьисапланы.
6)Оюн: Тапшурув
« Гьар гьарпгъа башланагъан сёз язып, тил гесимин гёрсетигиз».(слайд)
Муаллим: Гьали биз яшлар, тестлер булан иш гёрейик.
«Сорав-тестлер» (тил гесимлени беклешдирив). (слайд)
Гьали ана тилге багъышлангъан шиърулагъа тынглайыкъ
Яшлар: (шиърулар охуй)
Уьйге иш.
Биз бугюн тил гесимлени такрарладыкъ, уьйде гиччирек сочинение язып гелигиз: «Тил гесимлер булан къурдаш болайыкъ»
Яшланы къыйматлав.
Дарсны натижасы.
Бугюнгю дарсда ортакъчылыкъ этгенлеге разилигимни билдиремен ва Руслан Аджиевни «Къумукъ тюзюм» деген йырына тынглагъаныгъызны сюемен.
Оставьте свой комментарий
Авторизуйтесь, чтобы задавать вопросы.