Урок родного (ненецкого) языка 9 класс. "Сэвтя".

Тексты  для чтения, перевода,  морфологического и лексического анализа.

Сэвтя.

Ӈэсыхына Сэвтям׳ мал теневадо. Пыда няхар״ яӈганя пота хасава ӈацекы. Халу хадабада бригадахана ёрӈа.

Ёртя״ пон׳  Обь. Япада икана сэври халям׳ пюрӈаць. Ӈерё. Мале халэв״ ни״ тир״. Ёртя״ теда׳ харто׳ халэвси״ сэври пюрӈа״.

Сэври тандая׳ таб яха׳ варан׳ то. Нянов״ халя ӈоков ! Сэври поӈгахана тяларӈа.

Ёртя״  халудо׳  ӈэсын׳ ханабидо׳. Хусувэдо׳ харта еданда терха׳ пэрӈа. Ӈани яляха״на ёртя״ саць ӈокавна халу нэкалцеты״. Нядандо׳ вато халудо׳ ӈэсындерха״ мирдапсетыдо. Мирдатнадо׳ Сэвтя ӈэсеты. Сэвтя ӈэсы׳ помна халуда мирдапась сюрберӈа. Хибяри״ ӈацекым׳ сянзетыдо׳.  Мэта сеида,  ӈэта се״ са״нюй״, ӈудида танзерпэй״, сята морекада.

Халута есь Сэвте Вануйто бригадиркандо׳ мицетыда. Вануйто саць вэбтый хибяри. Сэвте няданда пина. Тюку яля Сэвте ӈокавна халу мирда״ӈа,  ӈока есям׳ ёртяха״ та. Нита сяйман׳, Сэвтя поӈган׳ ядабтэй״, хонарэй״,  ёльце пэдэй״.

(По  Л. Лапцую).

Ханзерова В.А., Ханзерова И.Л. Сборник диктантов и изложений для начальных классов ненецких школ: Нен.язык. Пособие для учителя. – Л.: Просвещение. Ленингр.отд – ние, 1989. – 160 с.