Урок: Сабақтың тақырыбы: "Зат есім" Сабақтың мақсаты: 1. Оқушыларға зат есім жайлы түсінік бере отырып, сұрақтар қоя білуге үйрету.

Сабақ:   қазақ тілі .                   Сыныбы: 2в.                               Күні 11.02.

Сабақтың  тақырыбы:  Зат есім

Сабақтың  мақсаты:

1.     Оқушыларға зат есім жайлы түсінік бере отырып, сұрақтар қоя білуге үйрету.

2.     Түрлі ойын  элементтерін пайдалана отырып оқушылардың  шығармашылық қабілеттерін дамыту.

3.     Сауатты, көркем жазуға, өзара  ынтымақтастыққа, шапшаң ойлай білуге баулу.

Сабақтың түрі:   сайыс сабақ

Әдіс-тәсілдері: түсіндіру, сұрақ-жауап,топпен жұмыс,ой  қозғау, топтастыру

Пәнаралық  байланыс:  Дүниетану, математика.

Көрнекі- құралдар: Интерактивті тақта

Сабақтың  барысы:  I. Ұйымдастыру кезеңі.

Психологиялық дайындық .

Жарқырап күн де ашылды,
Айналаға нұр шашылды.
Қайырлы күн! Біз көңілді баламыз,
Қайырлы күн!Сәлемдесіп аламыз.
Мақсатымыз- білім алу,
Міндетіміз- еңбектену
Еңбектену арқылы
“5 “- ке қолды жеткізу!

 - Балалар бүгінгі біздің сабағымыз ерекше болмақ. Сабағымызға қонақтар келіп отыр. Біз қонақтарға   не біліп, не ұққанымызды өзіміздің білімімізбен көрсетейік.Сондықтан біз 3 топқа бөлініп, жарысамыз. 1- топтың аты «Алғырлар», 2- топтың аты «Білгірлер». 3-топтың аты «Талапкерлер»

 Жарыс V айналымнан тұрады.
1. Зымыран сұрақтар
2.  Ойлы болсаң, озып көр.
3. Сөз ойла, тез ойла
4. . Кім жүйрік?

5. Тапқыр болсаң тауып көр
Осы айналымда берілген сұрақтарға дұрыс, тез жауап берген топ «Білім кілтін» жеңіп алып, жеңіске жетеді және біліміне сай жақсы бағаланады.
 1-топ Топтың аты «Алғырлар»
Қандай сынақ болса дағы беріспе,

«Әрқашан да үміткер бол жеңіске

2-топ «Білгірлер» тобы: 

 Келдік біздер жарысқа
Зат есімнің сырларын
Баяндаймыз сайыста

3-топ «Тапқырлар»  тобы:

Талаптың мініп тұлпарын

  Білімге ұмтыл ұрпағым
II Өткенді қайталау.
I айналым: Зымыран сұрақтар
Мақсаты: «Зымыран сұрақтар » айналымында 3 топқа сұрақтар беріледі, сендер сол сұраққа толық жауап бересіңдер.
1. . Мағыналары бір – біріне қарама - қарсы сөздер / антонимдер/

 2.Сөздің одан әрі бөлінбейтін мағыналы бір бөлігі не деп аталады?

3. Қосымшаның неше түрі бар?

4. Сөз таптарын ата

5.Зат есімнің сұрақтары?

6.  Етістіктің сұрақтары

8.Сын есімнің сұрақтары

9.Сан есімнің сұрақтары?

10.Жалғау дегеніміз не?

ІІІ. Жаңа сабақ

 ІІ айналым:  «Ойлы болсаң, озып көр »1-жаттығу
 Кім?Не? Сұрақтарына жауап беретін сөздерді табу .

 Қызығушылығын  ояту      

Сөздер	Кім?	Не?
Биік
Ұқыпты
Ұшқыш	+
Алмұрт		+
Күшті
Қызғалдақ		+
Әдемі
Әкелді
Қайшы		+
Келді
Суретші	+

-Балалар  осы  сөздерге  қандай  сұрақ  қоямыз?        Не? Кім?

-Осы  сөздердің  көпше  түріне  қандай  сұрақ  қоямыз? Нелер?Кімдер?

-Олай  болса, өткенді  еске  түсірейік. Кім? Не?  деген  сұрақтар   қандай   сөздерге  қатысты  қойылатын  еді?

-Ендеше  осы  ережеге  сүйене  отырып,  “Заттың  атын  білдіретін  сөздерді  зат  есім деп  айтамыз” деген  жаңа  ережемен  танысамыз. Сонымен  бүгінгі  өтетін  жаңа сабағымыздың  тақырыбы  “Зат  есім”.Сұрақтары: Кім? Кімдер? Не? Нелер?

Дәптермен жұмыс.  Көркем жазу сәті: Зз әрпі

 ІІІ айналым   «Сөз ойла, тез ойла»
Бұл сайыста  суреттегі бейнеленген заттардың атын жаз. Сөйлем құрастыр.  2-жаттығу

    ІV Сергіту сәті.

 ІV айналым: «Жүйрік болсаң, озып көр! »3-жаттығу
Бұл сайыста : Кім? Не? Сұрақтарына жауап беретін сөздерді бөліп жаз. Зейнеткер , кеме, дәрігер ,  биші , торғай, дала , оқушы,өзен.

V. Қорытындылау:

 V сайысымыз «Тапқыр болсаң, тауып көр » 5-жаттығу
Өлеңді мәнерлеп оқы. Зат есімді тауып сұрақ қой.

Шарты: Ұяшықтарды таңдап, шыққан сөздерге сұрақ қой. Құпия кестедегі сұрақтарға жауап бер.

1 Қыр

2 Гүл

3 Нәр

4 Бал.

5.Зат есім дегеніміз не?

6.Зат есімдерге қандай сұрақтар қойылады?

VІ  Үйге тапсырма:

Күнделікті енді ашайық
Үй тапсырмасын жазайық.
Бүгінгі  алған білімді,
Ұмытпай есте сақтайық.

4- жаттығу. Сөйлемдерді көшіріп жазып, зат есімнің астын сызу.

VІІ Бағалау:Жақсы, біз барлық тапсырмаларды орындай отырып, өз білімімізді көрсетіп, мәреге жеттік. Келесі сөзді әділ қазылар алқасына бере отырып, топтардың еңбектерін даралап,  жүлделі орынға қай топ сай екендігін қорытындылап айтсын.
Қазылар орнықтырар әділдікті
Кімдердің жауаптары кәміл шықты
Білім мен тапқырлықтың сайысында
Жеңіске жетер дейміз нағыз мықты.
Жеңген топқа «Білім кілтін» береміз.
Үш топ оқушыларына  домалақ фигуралар беріп, оқушылардың сабақтың қаншалықты ұнағанын немесе ұнамағанын білейік. Ал оқушылар осы берілген фигуралармен сурет салу арқылы өз көңілдеріңді білдіріңдер.
Балалар бүгін бізге келген қонақтарға  өз тілектерімізді білдірейік.

VІІІ «Жүректен жүрекке»
«Аспанымыз ашық болсын!»
«Жер бетінде бейбітшілік орнасын!»
«Денсаулықтарыңыз мықты болып,  өмірлеріңізге шаттық оралсын!»
«Еңбектеріңіз табысты болып, оның соңы жемісті болсын!»
«Келе жатқан 8 наурыз мейрамдарыңыз құтты болып, жайдарлы, мерекелі болсын!»

Тексерілді: