«Қарнақ»
жалпы орта мектебі 8-«а» сынып оқушысы Адхам Шамметовтың жазған
шығармасы.
Желбіре, жеңіс жалауы!
Қастерлейді халқымыз қаһарманын,
Жүр есінде сан жарық, сапарларың.
Қайран ерлер, қаһарман ардагерлер,
Қалды-ау сиреп бұл күнде қатарларың ,-
деп жазған атамыз Махмұтбай Әміреұлы жазғандай
осы соғысқа қатысқан аталарымыздың саны күннен- күнге азайып бармақта.
2016 жылы Ұлы Отан соғысының аяқталғанына 71 жыл
толады. 1941 жылдың 22 маусымында фашистік Германияның Кеңес Одағына
опасыздықпен басып кіргеніне биылғы жылы 71 жыл толмақ. 1418 күн мен түнге
созылған сұрапыл соғыста біздің сан мыңдаған бауырларымыз Отан үшін отқа түсіп,
қаншама боздақтарымыз сұм соғыстың құрбаны болғаны – ащы шындық. Олардың басым
көпшілігі ерліктің ерен үлгісін көрсетіп, халқымыздың ерлік рухын асқақтатты.
Мысалы; Мәншүк Мәмбетова, Әлия Молдағұлова, Бауыржан Момышұлы, Талғат
Жақыпбекұлы Бигелдинов .
Ұлы Отан соғысы тарихының беттерін парақтаған адам жеңіс сағатын соқтыруға
Қазақстанның қосқан үлесі телегей - теңіз екенін байқар еді. Осы бір аяқ
астынан басталған әділетсіз арпалысқа Қазақстаннан 2 миллионға жуық түрлі ұлт
өкілдері әскер қатарына шақырылды. Майдан даласынан 394 мың қазақ боздақтары
қайтпай қалды. Бұл соғыс қайғы - қасірет әкелмеген бірде - бір отбасы
болмады... Бірінің әкесі, бірінің ағасы қаза тапты. Қаншама жас боздақтардың
қыршын жасы қиылды... Ішінде ақын да, әншісі де бар еді.
Қазақ деген-батыр халық. Ол еңкейгенде еңкейеді,
шалқайғанда шалқаяды. Шірене қалса, асқар-асқар тауларына сүйенеді, еңкей
қалса, азаматтығына, өзінің парасаттылығына сенеді. Сөйлесе Қазыбек данадай
шешендігі бар, Төле бидей көсемдігі бар, айтыса қалса, дауласа қалса
Бөгенбайдай ерлігі бар, Қабанбайдай ірілігі бар, қолынан қиыстырып жол табар
Абылайдай тірілігі бар ел. Қазір өз алдымызға мемлекет, тәуелсіз ел болсақ та,
ол кездегі Кеңес Одағы барлық халықтардың ортақ мемлекет болып
есептелгендіктен, батыстан жау шапқанда Отанымыздың абыройын,
бостандығы мен тәуелсіздігін қорғауда жаппай ерлік пен қайсарлықтың үлгісін
көрсетті. Даламыз қандай кең болса, пейілі де сондай кең, жер қойнауы қандай
бай болса, жүрегі де сондай бай халқымыз қан майданда елдік мінездері мен ерлік
қасиеттері сынға түсті. Осы жолда қанша ардагер әкелеріміз, аталарымыз бен
апаларымыз қанын төкті, жанын пида етті десеңші! Осылайша, біздің халқымыз соғыс барысында бүкіл әлем алдында бар ұлылығымен көрінді.Қарнақ
ауылынанда соғысқа барған ардагер аталарымыз көп.Солардан: Мирзаев
Бекташ,Айметов Шоммат,Мухиддинов Эргаш,Бабашов Абдураим,Низамов
Хайдар,Нуриддинов Одил,Зияев Эшахон,Султанов Аман тағы басқалар.Менің атам Ш.
Айметовта бұл соғыста ерлігін көрсетті. Ол 1942 жылы мамыр айында Қызыл Армия
сапына шақырылды. Ұлы Отан соғысы аяқталғанға дейін,
сұрапыл соғыста қатысып, ерлігін көрсетті. Соғыс өнерін жетік меңгерген, әскери
қимылдарға әзірліктің және оны жүргізудің теориясы мен практикасын, әскери
стратегияны, оперативтік өнер мен тактиканы ұтымды қолдана білген қолбасшы. Ол
- соғысқа
қатысқан қаһарман батыр..
Оның соғыста көрсеткен ерлігі үшін Кеңес Одағы тарапынан жоғары
бағаланып ,оны орден, медалдармен марапаттады. Солардан1942 жылы Сталинград қаласыны қорғауда қатысқаны
үшін «Сталинград қорғаны үшін» медалі,1943 жылы «Әскери қызметі үшін» медалі,
Қызыл Жұлдыз ордені ,1944 жылда жоғары қолбасшысы Кеңес Одағы маршалы тарапынан
Алғыс хат берілді. Соғыстан қайтып келген соң қазіргі Қашқари мектебінде
директор лауазымында жұмыс атқарды. Біздің қазіргі тұрақтаған көшеміздің аты
сол атамыздың атымен аталған. Оның істеген ерлігін біз ешқашан ұмытпаймыз .Атамызды
мақтан тұтамыз .
Майданға
кеткен талай мыңдаған жұмысшылар мен шаруалардың орнына шексіз қиын, ұйқысыз,
ас-сусыз еңбек вахтасында әйелдер мен балалар, мүгедектер мен зейнеткерлер
тұрды. Әр отбасының басшысы майданда болды. Сондықтан, сол кездегі адамдарға
тәулік бойы жұмыс істеуге тура келді.. «Бір минут ішінде сенсоғысқа
дейін бір сағатта істегеніңді істеуге тиістісің!» деген ұранды ұстанған адамдар
қатал тәртіп пен еріксіз жұмыс істетулерге қарамастан, асқан шыдамдылық
танытып, ешқандай қысым көрсетусіз-ақ ұйымшылдықтың асқақ үлгісін көрсетті.
Осындай сұрапыл жылдарда да
қонақжай, адал ниетті, ақкөңіл, меймандос халқымыз ізгілік сипатын, адами
қасиеттерін жоғалтып қоймады. Ресейден, Украинадан, Белоруссиядан, басқа да
республикалардан келген баспанасыз миллиондаған адамдар мен жетім-жесірлерді
халқымыз құшақ жая қарсы алып, шын жүректен бауырына басты. Босқындармен өз
баспанасын да, қолындағы соңғы тілім нанын да бөлісіп жеді. Әрине, мұның бәрі
де мақтан тұтарлық әрекеттер, Жеңіске жетуіміздің бірден-бір себепшісі.
Балам, сенің бұл халқың-батыр халық,
Батырлығын жауына татырды анық, -
деп ақындар жырына арқау болған халқымыздың батырлығы, ерлігі қан майданда
талай рет дәлелденді.
Бүгін Қазақстанның барлық қалалары мен
ауылдарында Даңқ монументтеріне, Ұлы Отан соғысында қаза тапқан жауынгерлердің
ескерткіштеріне гүл шоқтарын қою рәсімдері өтуде. Бұл соғысты ешкім де
ұмытпауы, ешнәрсе де ұмытылмауы керек.
Ешқашанда
жауынгер ерлігі мен жеңісті еңбегімен соққан еңбекшінің ерен ерліктері
ұмытылмайды. Сол сұрапыл соғыста
батырларымыздың сақтап қалған байтақ жеріміз бүгінгі күні дүние жүзі таныған,
әлем мойындаған мемлекет болып қалуы біз үшін үлкен мақтаныш, жетістік. Бүгінде
біздің азаматтық міндетіміз – болашақ ұрпақты Отанын сүюге, елінің,
жерінің адал патриоттары, достық пен бірлік туралы түсінік беру арқылы отансүйгіштікке
тәрбиелеу. Қазір Республикамыздың дүние жүзінің алдыңғы қатарындағы
мемлекеттердің бірі болып, ең бастысы, елімізде бейбітшілік пен ынтымақтың өріс
алып, халқымыздың тыныштықта бейбіт өмір сүріп келе жатуы - тұңғыш
президентіміз Нұрсұлтан Әбішұлы Назарбаевтың адал да
ұтымды тактикасының, үлкен парасат пен биік талғамының арқасында. Сондықтан
біз, ХХІ ғасыр жастары, осындай байтақ елде тұрып жатқанымызға бақыттымыз!
Оставьте свой комментарий
Авторизуйтесь, чтобы задавать вопросы.