Внеклассное мероприятие "Бамб цецгин частр"

Бамб цецгин частр.  (нәр-наадн)

Дөӊцлмүд: күүкд цаасар бамб цецгәс кеҗ белднә. «Бамб цецгәс теегт» гид гик плакатмуд зурата, күүкдин зурсн зургуд. 

Багш: Тег, мини теегм,

             Тенкән уга эӊкр

             Асрад өсксн чамаһан

             Альд би мартхв.

             Хама холд йовв чигн

             Хавртнь теегән саннав.

Иигҗ Калян Санҗ бичҗ. Хаврин сәәхн хальмг теегиг бууляд, магтад келҗ. Хальмг тег седкл байрулна, энд ноһан көкрнә, сәәхн цецгәс урһна.

Күүндвр:

- Ямаран  сәәхн цецгәс теегт урһна? (хоӊх цецг, бамб цецг н.ч.)

- Цецгәс ямаран өӊгтә? (шар, улан, оошк, цаһан)

- Эн цецгәсиг яһҗ хархмб? (таслхмн биш)

- Кезәнә хальмг теегт  хаврин эклцәр бамб цецгәс дала болдмн, эн йовдл седкл байрлулдг билә.   Ода болхла ц цөөкн. Цуг әмтн энүг икәр таслад авад бәәҗ, теднә ормд кесгтән цецгә һархш. Бамб цецг хавртнь шинәс эклҗ урһна, болв цецгәрлхин төлә 5 – 8 җил кергтә. Тегәд эн цецгә «Улан дегтрт» орла. Мана теегт бәәдг оон бас эн дегтрт орҗ, эднә тонь баһрҗана. Эн аӊгиг бас хархмн.

Шүлг:

Бамб цецг теегтм урһна,

Бичкн оон теегтм өснә.

Би цугтаднь теднд дуртав.

Менд йовхлань байрта бәәнәв.

Сарул теегм, сәәхн үүрмүд,

Өлсл уга өстн,урһтн.

Мана Көглтд бамб цецг баһ гиҗ келҗ болхмн. Чолун хаалһар Көтчнр тал йовхларн тадн үзсн болхт. Эдн хаврин салькнд биилсн болҗ медгднә. Мана күүкд би белдҗ.

Бамб цецгәсин би – күүкдин һарт цаасар кесн бамб цецгәс.

Багш. Хальмг теегт олн зүсн бамб цецгәс урһна (шар, улан, цаһан, оошк).

Хаврин түрүн сарднь

Хаһлад һазрас һарна.

Нар тосч делнә.

Бамб цецг – күрӊ, улан,

Бамб цецгәм – шар дам,

Бамб цецгәм – торһн хар.

                              Коткан С-Һ.

Бамб цецгиг «теегин ке, теегин зе» гиҗ көгҗмч Т. Санджиева дуундан бичҗ.

«Хоӊх цецг»

Өрүһәр теегт одд буна

Бамб цецг бийән хүврәнә.

Давтлһн: а-а-а

Бамб цецг байсад урһна

Салькна дуунд саатулгдад унтна.

Давтлһн:

Теегин ке, теегин зе

Бамб цецг – байрин темдг.

Шүлг:

Хавр ирх болһнд

Харадан җивр дахҗ.

Бүләкн салькн ирх,

Бамб цецгүдлә альвлх,

Теегин серлт магтҗ

Тедн наадан эклх,

Эргмдән цуг дүрклҗ

Эӊкр теегм нәәрлх.

«Харада»  Үгнь Эрнҗәнә К. Айснь Манҗин Б.

(Дун)

Харада шовун, харада

Хаврин зәӊг зөөнә.

Халяд җирһәд ниснә,

Хаврин айсар биилнә. 2 дәкҗ

Нарн  һазр ээнә,

Ноһан нигтәр урһна,

Ноһана бетк болһнд

Намчта цецгүд шавшна. 2 дәкҗ

Хавр, сәәхн хавр,

Халун нарта хавр,

Хавр, шуугата хавр,

Харада авч ирнә. 2 дәкҗ

Шүлг

Эрәтә цегдгтә эрвәкә

Эрвлзәд намаг дуудна.

Цецгүд заагт бултна.

Цервәд деегәрм ниснә.

Сәәхн эрвәкә (күүкд  эрвәкән хувц өмсәд биилцхәнә)

Дун

Җивртән нарн эрәтә

Җивлсн шар эрвәкә

Намч җиврән делнә.

Нарнла эн наадна.

Сәәхн, сәәхн эрвәкә

Сәәхнәр бара татна

Цецгүд иньгән таньна

Цуһар мендләд гекнә.

Эрвлзәд нисдг эрвәкә

Чамур өөрдҗ йовна,

Ээм деер сууна

Чамар бара тачана.

Шүлг

Апрель сар каӊкнҗ

Аһар җирһләр дүүрв.

Шовуд теӊгрт җирһҗ

Шуугад багарн нисв.

Нарн, нарн, нарн

Намаг сәәнәр халул

Бамб цецг, урһ

Намчрулад теегим кеерүл!

«Көк теӊгрин тасрха» (дун)

Көк теӊгрин тасрха

Шилтә терзәр үзв

Өндр модн хамтхасан

Салькнд хайв.

Шаазһа шовун шоваһад

Модн деер суув.

Шин зәӊг хәәкрәд

Намаг дуудв.

Давтлһн.

Альдас чи ирвч,

Шаазһа шовун,

Ямаран зәӊг авч ирвч,

Шаазһа шовун,

Дөрвлҗн чолун герт

Чееҗм бүтәд бәәхлә

Сән зәӊг соӊсхла

Әвр байрлнав.

Хаврин цаһан үүлн

Өөмәд аашна.

Цаһан шовун әдл

Нисхәр бәәнә.

Генткн үүлн хәәләд

Теӊгртә ниилдвә,

Дәкәд үүлнә захас

Нарн һарв.

Давтлһн.

Альдас чи ирвч?

Нарн! Нарн!

Маднд герлән өгич,

Нарн! Нарн!

Чееҗм бүтәд бәәхлә

Нарна герл үзхлә

Әвр байрлнав.

Бембин Тимофей

Хальмг теегм

Өргәд нисхд – җивртә,

Дөрәд шунхд – әвртә,

Сергәд дуулхд – айста,

Эргәд биилхд – тааста.

Өргн, утдан суӊһсн

Өнр Хальмг теегм,

Эврә үрдән өсксн

Эӊкр, Хальмг теегм.

Элстин вальс

(күүкд дууна айст вальс биилнә)

Багшин үг

«Бамб цецгин частр» нәр-наадна төр күцгдв. Бамб цецкәһән харх кергтә, таслхмн биш.Т. Санджиева көгҗмч эврәннь дуундан «Тасрсн цецгә» гидг йир гейүртәһәр бичҗ.

«Тасрсн цецгә»

Тасрсн цецгә чамд келшго

Әмд бәәхәр һазрт һарлав.

Тасрсн цецгә чамд уульшго

Бичә, бичә намаг көндә.

Тасрсн цецгә дәкҗ цецгәлшго

Хаврин хурин ус уушго.

Тасрсн цецгә дәкҗ көндршго

Шар нарна герл үзшго.

Хавр ирснднь байрлад күүкд «Чичрдг» биилцхәнә.