Өзін-өзі тану пәнінен "Мамандық-жетістік мерейі" тақырыбындағы ашық сабақ

«Өзін-өзі тану» сабағының жоспары

Мектебі:_Северный  орта мектебі

Мерзiмі:____________Мұғалiм:_Идирова Н.Ж.

Сыныбы:_11_Оқушылар саны: 15 

Тақырыбы: Мамандық-жетістік мерейі.      

Құндылық:_дұрыс әрекет___Қасиеттер: мейірімділік, ынтазарлық, сабырлылық.

Мақсаты:мамандық туралы түсініктерін кеңейте отырып, дұрыс әрекет құндылығының мәнін ашу. Міндеттері: 1.Қай мамандық иесі болса да, әр адам мейірімділік қасиетімен ерекшеленетіндігі туралы оқушыларға түсінік беру; 2.Оқушылардың болашақ мамандығына деген ынтазарлығын арттыру; 3.Барлық кезде де сабырлы болуға тәрбиелеу;	Ресурстар: (құралдар, мәлiмет- тер)
Сабақ барысы: Ұйымдастыру кезеңi. Тыныштық сәтi. «Нұрға бөлену» Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқындап, шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен Нұр ішіндемін... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рақмет. 5 «Т» ережесі. Үй тапсырмасын тексеру. «Үмітімді үзгім келмейді» атты Н.Келімбетовтің шығармасын оқып келу.Сұрақтар: 1.Дәрігер неліктен өз ісіне селсоқ қарайды? 2.Шынайы дәрігер қандай? 3.Ақынның сұрағына дәрігер қалай жауап берді? 4.Өз ісін дұрыс атқару  үшін адамға не қажет? 5.Сенім күші дегенді қалай түсінесіз? 6.Өзіңіздің сүйікті ісіңізбен айналысу қаншалықты жақсы?	Ескерту
Дәйексөз. «Ең қиын мамандық – адам боп қалу»      Хосе Хулиан Марти ( хормен қайталату, мағынасын сұрау)
Мұғалім сыйы: «Әмиян» Халықаралық Reader's Digest («Ридерз Дайджест») журналы саябақтар мен жаяу жүргіншілер жолына, сауда орталықтарына, жақын көшелерге 12 әмиян тастап, тәжірибе жасады.Әр әмиянның ішінде жергілікті валютамен 50 АҚШ доллары шамасында ақша, зат иесінің суреттері, телефон нөмірі жазылған қағаз салынған. Журнал қызметкерлері әмиянды тауып алған адамдардың әрекетін алыстан бақылаған.  Адал адамдар көп мекендейтін қала – Хельсинки болып шықты. Финляндия астанасында «жерге түсіп қалған» 12 әмиянның 11-і «иесіне» қайтарылды.Португалия астанасы Лиссабонда 12 әмиянның біреуі ғана қайтарылған. Оның өзі қыдырып келген нидерландтық ерлі-зайыптылар болып шықты.Жалпы алғанда, көшеге тасталған әмияндардың жартысына жуығы – 47 пайызы қайтарылған. Ал 53 пайызын адамдар іліп алған күйі алып кеткен. Варшавадан 5 әмиян қайтқан. «Олжа» тауып алғандардың бірі - 28 жастағы биотехнолог Марлена Каминска. Ол зат «иесіне» бірнеше сағат хабарласпаған. Марленаның айтуынша, жұмыстағы әріптестерінің біразы «иесін іздеп әуре болма» деген кеңес беріпті, бірақ әйелдің ұяты жібермеген. Тәжірибе адамның адалдығына жасы мен жынысы, жұмысына әсер етпейтінін көрсетті.Міне, қызық!Адамдардың адалдығы елдегі экономика деңгейіне ықпал еткен. «Адал адамдар мекені» саналған Финляндия экономикасында аса күрделі проблемалар жоқ, мұндағы жұмыссыздық деңгейі-7-ақ пайыз. Ал біреудің затын иемденуге бейім Португалия экономикасын үш жылдан бері дағдарыс меңдеп тұр. Мұндағы жұмыссыздық көрсеткіші 17 пайыздан асады. Сұрақтар:  1.Қандай тәжірибе жасалды? 2.Нәтижесі қандай болды? 3.Адамдардың  адалдығы ел экономикасына неліктен әсер етеді? 4. «Ұяты жібермеу» деген сөзді қалай түсінесіз? 5.Осындай жағдайға тап болсаңыз, не істер едіңіз? 6.Қоғамда ізгілікті орнатуға өзіңіз қандай үлес қосар едіңіз?
Топтық жұмыс. Топтастыру мамандықтар бойынша жүзеге асады.Әр оқушы мамандық атаулары бар кеспе қағазын алады да, мамандық типтеріне қарай топтасады. Адам-адам: мұғалім, дәрігер, менеджер, шаштаразшы,журналист Адам-техника: оператор, инженер, машинист,механик,металлург Адам-табиғат: археолог, биолог, агроном, зоотехник, фермер Адам-шығармашылық бейне: әртіс, әнші, суретші,  мүсінші, дизайнер     1.«Мамандық пен адамдық» тақырыбына постер қорғау. 2. «Мамандық пен адамдық» тақырыбына эссе жазу. 3. «Мамандық пен адамдық» тақырыбына өлең шығару. (бос орындарға сөздерді қойып айту) Әрбір кәсіп иесін Көркем етер  .................. (кісілік) Болса егер  ..................... (бойында) ....................... (Адалдық)   пен  ................(кішілік) Қара басы қамы емес, Еңбек етсе   ........................(елі үшін) ............................. (Мұқтаждардың )  бәріне Соза білсе  ...................(қол ұшын.) Аманатын елінің Ақтар болса ................ (үмітін ) Міне нағыз  ..............(азамат) Міне осы  .....................(ғанибет !) 4. «Мамандық пен адамдық» тақырыбында сахналау.
Топпен ән айту: «Арман жолдар» Сөзі:А.Дүйсенбінікі     Әні:Ұ.Жолдасовтікі Жол – жетелейдi арман мен мұраттарға, Жол – жауап жоқ алады сұрақтарға. Сен адастырма, арманым, жол бастаған, Үйреттiң өмiр сырын алғаш маған.               2 рет               Сен – қиял құсым сапарға алып ұшқан,               Сен – арман ару, жаралған сағыныштан.               Сен – жас дәуренiм, жүзiндей ақ алмастың,               Мөп-мөлдiр кәусарыңа қана алмаспын.             2 рет Сен – арман-қиял, жетелеп жас күнiмдi. Сен – ұрлап алып кетпешi жастығымды. Сен – қол жетпейтiн тұратын сағымнансың, Жолдарда жүрiп өткен әнiм қалсын.                     2 рет
Үй тапсырмасы:  «Мамандығым – мақтанышым» тақырыбында эссе жазу.
Сабақтың қорытынды минуты: Енді көзімізді жұмып осы сабақта айтылған ойлар мен істерді ой елегінен өткізіп көрейікші. Барлық айтылған жақсы ойларды жүрегіміздің түкпіріне апарып орналастырайық.Енді көздеріңді аша қойыңдар. Сабақ аяқталды. Бүгінгі күндерің қуаныш әкелсін!