"ӘБУНАСЫР ӘЛ-ФАРАБИ НАҚЫЛ СӨЗДЕРІ НЕГІЗІНДЕГІ МҰҒАЛІМНІҢ РӨЛІ" коучинг жоспары

 ӘБУНАСЫР ӘЛ-ФАРАБИ НАҚЫЛ СӨЗДЕРІ НЕГІЗІНДЕГІ МҰҒАЛІМНІҢ РӨЛІ

Смагулова Гульжазира Гинятовна

Қазақ тілі мен әдебиеті мұғалімі, педагог-шебер

Рудный қаласы әкімдігінің «№19 орта мектебі» КММ

Жалпы  мақсаты	Нақыл сөздер негізінде оқушылардың білім, ғылымға деген қызығушылығын арттырудағы мұғалімнің рөлін анықтау
Күтілетін нәтиже	Мұғалімдер нақыл сөздермен таныса отырып, ынтымақтастық қарым-қатынаста мәселелерді анықтайды.
Түйінді ой	Ой өзгермей, адам өзгермейді.
Ресурс	Флипчарттар, маркерлер, стикерлер, тапсырмаларды орындауға арналған парақтар,  видеоролик

Коучинг кезеңдері	Коуч пен қатысушыларының іс-әрекеттері	Ресурс
Сәлемдесу	Коуч тақырып пен мақсатты айқындайды.	Интерактивті тақта, слайд
Топқа бөлу	5 түрлі сурет арқылы топқа бөлінеді: 1-топ – Білім, 2-топ – Ғылым, 3-топ – Даналық, 4-топ – Ақыл, 5-топ - Талап	Сурет қиындылары
Ширату	«Сіз сенесіз бе?» тәсілі: 1.     Сіз коучинг соңында педагогикалық қоржыныңызға бірдеңе алатыңызға сенесіз бе? 2.     Сіз коучингте шаршайсыз дегенге сенесіз бе? 3.     Сіз оқушыларды оқуға оқытуға болатынына сенесіз бе? - Тігінші өз өнімін бір сағаттан кейін көре алады. Мүсінші өз нәтижесін бірнеше сағаттан кейін көре алады.  Егінші өнімді бірнеше айдан кейін жинай алады. Ал мұғалімдер қауымына өз жетістігін көру үшін, бірнеше жылдар керек. Мұғалім қызметі көп ізденісті, шығармашылықты талап етеді. Бүгінгі коучингте нәтижелі жұмыс жасайтынымызға сенімдімін.	Коуч мұғалімдерге сұрақ белгісін беру арқылы жауап алады.
Тақырыпты ашу	-     Әріптестер, өздеріңіз білесіздер, 2020 жылы - Әбунасыр әл-Фарабидің 1150 жылдығы және Абай Құнанбайұлының 175 жылдығы. -     Екі ақынның бізге қалдырған мұраларынан ұқсастықтар бар екенін білесіздер. Сол себепті сіздерге нақыл сөздер беріледі. Сіздер нақыл сөздерді мағынасына қарай топтастырыңыздар. Әл-Фараби: 1.                Ғылыммен айналыссам деген адамның ақыл-ойы – айқын, ерік-жігері – зор, тілек-мақсаты – ақиқат пен адалдыққа қызмет етуге талап жолында болуы шарт. Жай ләззат іздеу, кәсіпқұмарлыққа ұқсас әрекет онда болмасқа керек. 2.                Шын білім – ақиқат, анық білім. 3.                Ғылым адам санасына болмысы бөлек, ерекше ұтырлы ұғымдарды орнықтыру арқылы ғана терең ұялайды. 4, Білім жолына түскен жан күнделікті күйбең, тіршілікті ойламауы қажет. Абай Құнанбаев: 5, Ғылым таппай мақтанба, Орын таппай баптанба. 6.   Ғылым - Алланың бір сипаты. 7. Артық ғылым кітапта, ерінбе оқып көруге. 8. Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрсемен оздым ғой демектің бәрі де – ақымақшылық. -         Ақындардың нақыл сөздерінен аңғарғандарыңыздай, бүгінгі коучингте оқушыларымыздың білім, ғылымды қалай меңгеруі керек немесе мұғалім қалай және не үшін оқыту керек деген сауалдар төңірегінде ой бөлісетін боламыз.	Интерактивті тақтада Әбунасыр әл-Фараби мен Абай Құнанбайұлының портреттері Нақыл сөздер жазылған қағаз қиындылары
Топтық жұмыс	Әбунасыр әл-Фараби: «Ұстаздық мінез-құлық нормасы мынадай болуға тиіс: ол тым қатал да болмауы керек, тым ырыққа да жығыла бермеуі керек. Өйткені, аса қаталдық – шәкіртті өзіне қарсы қояды, ал тым ырыққа көне беру – қадірін кетіреді, берген білімі мен ғылымына шәкірті селқос қарайтын болады. -         Сіздерге топта мына тақырыптар бойынша постер жасау беріледі: 1.     Оқушылардың білім-ғылымды игерудегі мұғалімнің рөлі (әл-Фараби нақыл сөзі негізінде) 2.     Мұғалім қалай және не үшін оқытуы керек? Мұғалімдер постерлерін қорғайды. «2 жұлдыз, 1 тілек» әдісі арқылы бірін-бірі бағалайды.	Флипчарттар, маркерлер, сурет қиындылары
Фильм көрсету	«Бәрі сенің қолыңда» бейнекөрсетілімі.	Интерактивті тақта https://youtu.be/LCMMwsNj17w
Топтық жұмыс	Қазіргі заман мұғалімінің келбеті. «Айналмалы бекет» әдісімен бес топ яғни бес бекетке сұрақ-тапсырмалар беріледі. 2 минут бөліне отырып, әр бекетке барып, тапсырманы орындап шығады. 1 бекет: Мұғалім имиджі дегенді қалай түсінесіздер? 2 бекет: Мұғалім жұмысындағы қиыншылық 3 бекет: Мұғалім бойында болатын қасиеттер 4 бекет: Мұғалім ісіндегі көрегенділік 5 бекет: Болашақтағы мұғалім	Флипчарттар, маркерлер.
Рефлексия	«Көңіл күй аралы» арқылы коучингтен алған әсерлерін анықтау.	Стикерлер

Краткое описание документа:

"ӘБУНАСЫР ӘЛ-ФАРАБИ НАҚЫЛ СӨЗДЕРІ НЕГІЗІНДЕГІ МҰҒАЛІМНІҢ РӨЛІ" коучинг-сессия жоспары Әбунасыр әл-Фарабидің 1150 жылдығына орай жарияланып отыр.Коучинг мақсаты: нақыл сөздер негізінде оқушылардың білім, ғылымға деген қызығушылығын арттырудағы мұғалімнің рөлін анықтау. Коучингте мұғалімдер оқушыны қалай және нені оқыту керек деген сауалдар төңірегінде ой бөліседі.