"Өмірдің мәні" тақырыбында сабақ құрылымы 7 сынып

                                        Өзiн-өзi тану сабағының жоспары

Мектеп: Жолымбет №2 орта мектебі ММ

Мерзiм: 30.04.2020     №5 сабақ

Тақырып: Өмірдің мәні

Құндылық: Ақиқат

Қасиеттер: Шыншылдық, адалдық, жауапкершілік

Мұғалiм:   Алпамыс Сусар                   Cынып_7___   Оқушылар саны_20____

Сабақ мақсаты: Оқушыларға өмірдің мәнін түсіндіре отырып, ақиқат құндылығының мағынасын ашу. Сабақтың міндеттері: 1.      1 Білімділік:  Оқушыларға тек шындықты айту арқылы шыншылдық туралы түсініктерін кеңейту; 2.      2 Дамытушылық: Оқушылардың бойында  адалдық қасиеттерін       дамыту; 3 Тәрбиелік: Оқушыларды жауапкершілікке тәрбиелеу.	Ресурстар: құралдар, мәліметтер, слайд, маркер, түрлі – түсті бояулар)
Сабақ барысы: Ұйымдастыру кезеңi. (1мин.)         Оқу құралдарын тексеру. 5 «Т»: Тыныштық сәті. №1. (Нұрға бөлену) (2мин) Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз, қолыңызды тізеге немесе үстел үстіне қоюға болады. Көздеріңізді жұмуларыңызды өтінемін.            Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.        Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен     әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ойлар келеді. Нұр бірте-бірте қарқындап шұғылана бастайды, сіздің денеңізден шығып, жан жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, танысқандарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.             Осы нұр бүкіл әлемге: барлық адамдарға, жан-жануарларға, өсімдіктерге, тірі жандарға таралсын. Ғаламның барлық түпкір-түпкіріне нұр бағыттаңыз.             Ойша айтыңыз: «Мен нұрлымын... Нұр менің ішімде... Мен Нұрмын».             Осындай Нұр. Махаббат, және Тыныштық күйінде отыра тұрыңыз...             Енді осы Нұрды жүрегіңізге орналыстырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзімізді ашуға болады. Рахмет!    Үй тапсырмасын тексеру. (5мин) Жаңылыс пен Ақиқаттың есігі (аңыз) Сұрақ: ·         Мәтінде адам неліктен Ақиқатты іздеді деп ойлайсың? ·         Мәтінде Жаңылыс неліктен «Оны өзім де іздеп жүр едім» деді? ·         Не себепті Ақиқат пен Жаңылыс кездесе алмайды? ·         Өзін ақиқатты қайдан іздейсің? «Ақиқат – адастырмайды» дегенге сенесің бе? Неліктен?	5 Т ережесін тақтаға іліп қою          Оқулықтың  23-24 бетінде
Дәйек сөз. (2мин) Ісіңізге, еңбегіңізге, оқуыңызға нағыз адамгершілікпен кіріссеңіз, сөз жоқ, жеңіске жетесіздер. Қаныш Сәтбаев Сұрақ : Дәйексөздің мағынасын қалай түсіндіңіздер?	Дәйексөзді ұлдар, қыздар жеке қайталау, хормен қайталау. Дәптерлеріне жазып алу Қаныш Сәтбаев туралы қысқаша мәлімет беру
Әңгімелеу. ( Мұғалімнің сыйы) (15мин) Бейнеролик: Адалдықтың өтемі Сұрақтар: 1. Кішкентай Абзал неліктен көркем мінезді бала болып өсті деп ойлайсыңдар? 2. Бала етікшінің қандай әрекеттерін байқады? Бұл дұрыс әрекет пе? 3. Неге барлық халық Абзалға ғана етік тіккізгісі келеді деп ойлайсыңдар? 4. Ұстазы шәкіртінен нені үйренді? 5. Ал сендер осы бейнероликтен не түйдіңдер?Абзал секілді адал іс жасаған кездерің болды ма? Қандай?	https://www.youtube.com /watch?v=f2J53JvJ2j8
Шығармашылық жұмыс.  (7мин) Топтық жұмыс. 1 топ. Шәкәрімнің «Өтірік ақиқаттан алыстатса, шындық ақиқатқа жақындатады. Ақылы мен ұжданы үйлесім тапқан адам өтірік айтпайды» деген ойын «көзқарас – себеп – мысал - қорытындылау» әдісімен талқылаңдар. 2 топ. «Мен кіммін?», «Менің өмірімнің мақсаты неде?» деген сұрақтарды қатыстыра отырып, шағын эссе жазыңдар. 3 топ. Оқулықта берілген үзіндіні оқып, ондағы өмірдің мәні суреттелген ойлар мен сәттерді тауып, дәптерге жазыңдар.	25 бет
Үй тапсырмасы.  (1мин) «Айтып несіне әуре боласың....» Аңыз-әңгімені оқып келу	Оқулықтың 25-26  бетінде
Топпен ән айту. (5мин) Өміріңе немқұрайлы қарама Сөзі: Серік Сейітман Әні: Сәкен Дәрібаев Тыңда, досым, мен айтайын от тілек, Дүниеден кетті бай да, өтті бек. Өміріңе немқұрайлы қарама Дәулетіңмен тұрсаң-дағы көк тіреп.  Әр күн сайын тек сен үшін атып таң, Зерлі шапан киінсең де жақұттан. Өміріңе немқұрайлы қарама Шақша басың айналса да бақыттан. Қайырмасы: Бақ құсыңды қонған кезде бағала, Қолда мәңгі тұрмайтын ол шағала. Кенелсең де, досым, қанша шаттыққа, Өміріңе немқұрайлы қарама. Тұсау салып, бастатқызбай көш дара, Етсе-дағы дұшпан күлкі, дос таба. Өміріңе немқұрайлы қарама, Тағдыр желі қарсы алдыңнан соқса да. Сын сағатта сақтау үшін өз басын Сатып кетіп сеніп жүрген жолдасың. Өмірңе немқұрайлы қарама Айдын көлге айналса да көз жасың. Қайырмасы:	https://youtu.be/IcyPHiEoYpI
Соңғы тыныштық сәті.(2мин) -         Бүгінгі сабақтан алған жақсы қасиеттерді бойларыңыздан өткізіп, жүректеріңізге сақтап алыңыздар. Көздеріңізді жайлап ашыңыздар. Сабақ аяқталды. Сау болыңыздар!	Баяу музыка ойнап тұрады