Қарапайым математикалық түсініктерді қалыптастыру сабағы "Не қайда орналасқан"

Ұйымдастырылған оқу- әрекетінің технологиялық картасы

МДС «Б»

Күні:

Тәрбиеші:

Білім беру саласы: Таным

Бөлімі: Қарапайым математикалық түсініктерді қалыптастыру

Тақырыбы: Не қайда орналасқан?

Мақсаты: балаларды кеңістікті бағдарлай білуге үйрету. Саусақ қимылдарын дамыту. Балалардың кеңістік туралы түсініктерін дамыту (солға, оңға, астында, үстінде, маңында және т.б. сөздерді пайдалануға үйрету. Оң, сол, алға, артқа т.б. жазық бетте бағдарлау дағдысын дамытуға ықпал жасау.

Сөйлеу тілдерінде ішінде, үстінде, астында, алдында, артында, қарсысында, жоғарыда, төменде т.б. қолдана білуге үйрету.

Қостілді құрам: фигура- пішін, дүкен-магазин, дәріхана-аптека.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық кезеңі	Балалар шаттық шеңберіне тұрады. -Оң қолымызды көтереміз. - Солға бұрыламыз. -Қаламды оң қолға ұстаймыз. -Сол қолымызды көтереміз. -Кітапты сол қолға ұстаймыз. -Оңға бұрыламыз. Балалар енді сабаққа кірісеміз.		Тапсырмаларды орындайды.
Ұйымдастыру, іздену кезеңі. Дидактикалық ойын. Дәптермен жұмыс.	Заттың орналасы туралы туралы мәлімет беремін.  Мектеп маңында жақын орналасқан нәрселерді бағдарлау дағдыларын дамыту үшін арнайы жаттығулар жүргізіледі «Дүкенге қалай баруға болады?», «Поштаға баратын жол», «Дәріханаға баратын жол». Олар балалардың бағдарлау қабілеттерін арттырып, «жолды» таба білуге үйретеді. Балалар, мәселен, пошта қайда орналасқанын, қай көшемен және қай бағытпен оған баруға болатынын , қай жерде бұрылу керектігін айтылады. Балаларды көзге тез түсетін заттар арқылы бағдарлауға үйрету, арадағы кеңістік қатынасын орнату, бір заттың немесе кімнің қайда тұрғанын,  бір заттан екінші затқа қарай қозғалыс бағытын үйрету жалғасады. Балаларға заттың екінші затқа қатысты орналасуын («Матрешканың оң жағында пирамида тұр, сол жағында қонжық отыр, артында ойыншық тұр»), сондай-ақ өзін қоршаған ортада өзінің орналасуын анықтау дағдысы үйретіледі  («Мен үстелдің артында, екі терезенің ортасында, Назгүлдің артында тұрмын). Балалар қарсысында тұрған адамның оң қолы қайсы, сол қолы қайсы екенін ажыратып үйренеді. «Сөйлемді толықтыр» деген сөздік ойынын ойнау. Тәрбиеші Санжар доп лақтырды... (жоғары); Әсем цилиндр қойды...  (оң жаққа); Маржан текше қойды... (сол жаққа) т.б. сөздерді айтып бір балаға орамал лақтырады, орамал кімге барып түссе, сол жауап береді.  №1 тапсырмада суретте берілген заттардың орналасқан жерін, оның қасиетін сипаттайды.  №2 тапсырмада бағдаршаны бояп, қозғалыс бағытын айтады. №3, №4 тапсырмаларды орындайды. Сұрақ-жауап әдісі арқылы кеңістік  туралы алған  білімдері пысықталады.	Дүкен суреті, Сандар, заттар, текшелер. Ойыншықтар. Әліппе дәптер	Балалардың жауаптары тыңдалады. Тәрбиешіні мұқият тыңдайды. Сұрақтарға жауап береді. Тапсырмаларды орындайды. Ойын ойнайды Тапсырмаларды орындайды.
Рефлексивті түзету	Балалар сендерге сабақ ұнадыма? Ауызша сөз есептер беру. Балаларды мадақтау.		Өз ойларын айтады.

Күтілетін нәтиже:

Жүйелейді: заттың қайда орналасқанын  көру арқылы айтуды меңгерді.

Қолданады: заттарды санағанда сандарды дұрыс қолданды

 Түсінеді:заттың түсі, шамасы туралы түсінеді