Ас үй аспаптарын жасау. Қасық дайындау. 8 сынып

Атырау облысы Қызылқоға ауданы  Қоныстану селосы Жаңашаруа қазақ орта мектебінің бейнелеу өнері және сызу, технология пәндерінің мұғалімі Балмұханов Нұрболат Қобланович

8 сынып

Сабақтың  тақырыбы:   Ас  үй  аспаптарын  жасау.  Қасық  дайындау.

Сабақтың  мақсаты:  жас  ұрпақтардың  рухани  дүниесін  байыту  және  ұлттық  өнерімізді  пайдалана  білу.  Шеберлік  деңгейін  арттырып,  ынта  ықыласын  молайтуға,  әсемдік  пен  сұлулықты  көріп,  бағалай  білуге  үйрету. Ағаштан  қасық жонуды үйрету.                       

      Дамытушылық:  ұлттық  өнер  жайлы  білімдерін  жүйелеп,  шығармашылық  қиялын  арттыру.  Шеберлігінің  ұшталуы,  ойлаған  мақсатына  жету;                             

     Тәрбиелік:   оқушыларды жауапкершілікке  үйрету  және өз  бетінше  жұмысқа  ептілік  деңгейін  көтеруге  баулу.

     Көрнекіліктер: технологиялық карта, суреттер.

     Құрал – жабдықтар:  ағаш  бөліктер,    ара, пышақ  түрлері, қашаулар.                                                                                                                        

Сабақтың  әдісі:   Түсіндіру,  сарамандық  жұмыс.      

Сабақтың  барысы:                                                                                                 

             І. Ұйымдастыру  кезеңі:  Оқушыларды  түгендеп, олардың арнайы   киіміне  көңіл бөлу, сабаққа  қажетті  құрал – жабдықтарды,  жұмыс  орнын  дайындау.                                      

ІІ.  Үй  тапсырмасын тексеру: 

Өткен  тақырыпты  оқушылардың    меңгергенін  тексеру.

ІІІ. Жаңа  тақырыпты  меңгеру.

ІV. Сарамандық  жұмыс:   Қасық  дайындау.

1.Қасықтың үлгісін дайындаманың үстіне қойып, контур бойлап айналдыра сызып шығыңдар.

2.Шетінен 2 мм ішке шегініс жасап, шұқыршаның контурын сызып алыңдар.

3.Дайындаманы бұрандама қысқыштың көмегімен шебер үстеліне қысып, ені 20мм қашауды пайдаланып, ойық ойыңдар.

4.Енділігі  30 мм жартылай домалақ қашауды пайдаланып, ойықты сфера пішінге келтіріңдер. Мұнда қашауды басыңқырап, ал сабын өздеріңе тартып ұстаңдар.

5.Шөмішінің ішкі беті дайын болғаннан соң, дайындаманың кері бетінде және екінші бүйірінде оның сабын келтіру үшін сызып, белгілеп алыңдар.

6.Қасық сабының пішінін келтіру үшін, келесі бетінде арасы 20 мм көлденең сызықтарды жасап, оларды арамен аралап өтіңдер.

7.Араланған артық жаңқаларды ірі қашау және ағаш балғаның көмегімен шауып тастаңдар.

8.Осыдан соң дайындаманы контуры бойлап, 2мм әдіп қалдырып, аралап алыңдар.

9.Алынған дайындаманы жартылай домалақ қашаумен контур сызығын бойлап өңдеңдер. Өңдеу кезінде дайындаманың астына төсеме тақтай қойыңдар.

10.Осыдан соң қасықты төңкеріп қойып, төсеме тақтаймен бірге бұрандалы қысқышпен үстелге қысыңдар.

11.Жартылай домалақ қашаумен қасық шөмішінің артық бетін өңдеңдер. Сфера пішін беру үшін қашауды басыңқырап,  сабын өздеріңе тартып ұстаңдар.

12.Қасыққа қажетті пішін берілгеннен соң, жүзі 20 -25 мм тіксызықты қашаумен артық кедір – бұдырлықтарды жойыңдар.

13.Дайын болған қасықты зімпарамен немесе қайрақшамен барынша тегіс болғанша ажарлаңдар. Қасық дайын.

V. Сабақты қорытындылау:
- Жұмыстарды салыстырмалы түрде қарай отырып, дұрыс-бұрыстығын ескеріп айту, қосымша сұрақтар қою, оқушыларды бағалау.
- Шеберхана ішін жинастыру, құрал – жинақтарды салу, жұмыстарды мұғалімге өткізу, келесі сабаққа тапсырма алу.
ІV. Үйге тапсырма:
115 – бет. Қасық жасау.

Рефлексия

1.Сабақ өміріңе қажетті не берді?  2.Нені өзгертіп, не қосқың келді?  3.Бұл сабақта қандай білімді игердің?