Негізгі білім
беретін № 221 Аққұм мектебі
Ата-ананы құрметтеу-әрбір адамның борышы
(тренинг,оқушыларымен)
Тәлімгер:Балымбетова Н.
2015-2016 оқу жылы.
Тақырыбы:Ата-ананы құрметтеу-әрбір адамның
борышы.
Мақсаты: Оқушылар бойына ата-анаға деген құрметін
арттыру, жылылықты ұялату. Ата-анасының адал да парасатты ұл мен қызы болуға
тәрбиелеу.
Ата - анасының берген жақсы тәрбиелерін нәтижелі етуге үйрету, қоғамға жат
қылықтардан сақтандыру.
Көрнекілігі: Мектеп залын әртүрлі шарлармен
безендіру,Ата-ана туралы қанатты сөздер.
Жүргізуші:Армысыздар ардақты ұстаздар,ардақты ата-аналар!
«Ата-ананы құрметтеу-әрбір адам борышы»атты тәрбие сағатымызға қош келдіңіздер.
Анаға арнап ақ тілектер
айтар күн,
Әкеге арнап,марапатты
бастар күн.
Бүгінгі күн мәңгі есте
сақтар күн,
Бүгінгі күн есінде мәңгі жастардың-дей келе бүгінгі тәрбие сағатымызды әсем
әуенмен ашайық.
Орындайтын «Анашым» Малтабар Айзат.
Жүргізуші: Әке –шешенің бала алдындағы борышын санасақ
сан жетпейді. Бұлардың біразына тоқталар болсақ: жастығын, денсаулығын,
күш-қуатын жұмсап, тоғыз ай жүрегінің астында ұстап, өмірге әкелген, емізген
және дені сау, тәрбиелі, әдепті етіп өсірген анаға мың тағзым.
О, Ата – анам!
Таянышым, тірегім!
Бар бақытты бір басыңа
тіледім.
Бізді жақсы болсын екен
деп қашанда,
Лүпілдейді
сенің қамқор жүрегің – дей келе ата – ана туралы дана сөздерді жеткізуші
ұрпақтарға берейік.
1- оқушы: Ұл-қыз, ата-анасын, үлкендерді қуанышқа бөлеп,
бақытқа кенелтем десе, алдымен адепті болулары керек. Өз жұмыстарын адал да
тыңғылықты атқарса, ата-ананың ұл-қызы болып өседі.
2-оқушы: Ата-ананы сыйлау-сәби шағында олар
өзіңді қалай бағып қақса,қартайғанда оларды да солай алақанға салып,аялап күту
керек.
3-оқушы:Ата-ананың көңілін еш ренжітуші болма, олардың
жүрегіне қайғы түсіруші болма.
4-оқушы:Ата-анасын ұмытқан бала опасыздың опасызы,рақымсыздың
рақымсызы. (Ғ.Мұстафин).
Жүргізуші:Түн ұйқысын төрт бөлген,түнде бесік
таянып,түнде шошып оянған ананың ақ мейірімін,ерекше бағаламасаңдар,ол-қорлық.
Ардақты ана,аяулы ана
қымбаттым,
Тәтті ұйқыңды
бөліп,талай түн қаттың.
Өміріме нәр береді ақ
сүтің,
Кең құшағың-аясындай
гүл бақтың.
Мен өзіңмен қайда
болсан біргемін,
Махаббатың жүрегімде
жүр менің.
Күн нұрындай жадырайды
бір күлгенің,
Қуанып көз алдыңда
жүргенің- дей келе келесі кезекті «Үкілі қыз» биіне береміз.
Орындайтын: «Қыздар-ай тобы.
Жүргізуші:Ата-ана
алдындағы әдептілік-баланың бармақтай кезінде бойына табиғи дарыған қасиет
болуы тиіс.Ата-ананы сыйлау-елді сыйлау.Ата- әжесін құрметтеу-өмірді құрметтеу.
Хормен:Қымбатты
ата-ана,ұстаздар!
Біздің борышымыз-сіздерді
құрметтеу.
Оқушылармен ой бөлісу сәті: «Ой бөліс,пікірлес»
ойыны.
1.Ата-ананың ақысы немен өлшенеді?
2. «Ата-анаңа не қылсаң
алдыңа сол келеді»дегенді қалай түсінесіз?
3.Ата-аналардың қарттар
үйіне қоныс аударуына не себеп болады?
Жүргізуші: Ана
сіздер, кең байтақ даласыздар,
Жаны
жайсаң жеңімпаз данасыздар.
Көлеңке
жоқ көңілінде,қылауы жоқ,
Үлбіреген
жауқазын баласыздар-дей келе әсем әнге кезек береміз.
Орындайтын:
«Ана туралы жыр» Мақаш Айсұлу.
Жүргізуші: «Отбасы-шағын
мемлекет» деген сөз бар.Ынтымағы келіскен,түтіні түзу ұшқан әрбір шаңырақ
мемлекеттің құт берекесі.Әйел-ана отбасы жылуын сақтаушы,ал әке отбасының
тірегі.
Біз
сіздерсіз тіршілік ете алмаймыз.
Дегенге
де сіздерсіз жете алмаймыз.
Айнала
ұшып сіздерді көбелек боп,
Өртеніп
қастарыңнан кете алмаймыз-
демекші,біз кешімізді аяқтай келе
барлықтарыңызды ортаға қол ұстасып,шеңбер жасап тұруға шақырамыз.Біз қазір «Бар
жақсылық-отбасыға» тренингін ойнаймыз.Барлығымыз бір-біріміздін отбасымызға
жақсы,игі тілектер тілейміз.
Мысалы:Әсем:сенің отбасыңа мен өмірдегі бар
жақсылықты тілеймін.
Асыл аналардың құрметіне әсем ән жолдаймыз.
Орындайтын: «Асыл жан» Дананұр.
Көріскенше күн арасы жақын болсын!Көңіл бөліп
тыңдағандарыңызға рахмет!Сау болыңыздар!
Оставьте свой комментарий
Авторизуйтесь, чтобы задавать вопросы.