"Ақтөбе қаласы" танымдық сабақ жоспары

Мерзімі:                                                       Класы: 3 «б», «в», «г»

Сабақтың тақырыбы: Ақтөбе қаласы 
Сабақтың мақсаты. Білімділік:  «Ақтөбе қаласы» тақырыбы бойынша білімдері мен түсініктерін кеңейту.

2. Тәрбиелік: Оқушыларды туған жерін сүюге, сабақ барысында тәртіліптілікке, бір-бірін көмек қолын беруге даярлыққа және көркемділікті сезінуге тәрбиелеу.

3. Дамытушылық: Сөздік қорын дамыту. Оқушылардың саналы түрде байланыстырып сөйлеуге дағдыларын дамыту.

Сабақтың типі: аралас сабақ

Сабақтың әдіс-тәсілдері: тапсырмалармен жұмыс, мәнерлеп оқу, сұрақ-жауап, миға шабуыл, ой шақыру,  ВЕНН диаграмасы, рефлексия.

Сабақтың көрнекілігі: дидактикалық материалдар, суреттер

Сабақтың барысы: І. Ұйымдастыру кезеңі. 
1. Сәлемдесу. 

2. Түгендеу. 

3. Оқушылардың назарын сабаққа аудару. 
ІІ. Үй тапсырмасын тексеру. 6-тапсырма.  Сөздік тексеру.

ІІІ. Жаңа сабақ. Ой шақыру.

-         Оқушылар, сендер қай қалада тұрасыңдар?

-         Сендерге Ақтөбе несімен ұнайды?

-         Ақтөбенің қандай көркем жерлерін білесіңдер?

ІҮ. Жаңа сөздермен танысу.

Даңғыл – проспект, шіркеу – церковь, көрікті жерлер - достопримечательность

Қосымша ақпарат. Ақтөбе бекінісінде 19 ғасырда үлкен қала бой көтерді. Қаланы бекініс атымен атап кетті. Ақтөбе – Батыс Қазақстанның экономикалық орталығы. Қаланың басты көшелерінің бірі Әбілқайыр хан даңғылы. Бұл даңғыл жол вокзалдан бастау алып, қала шетіне дейін созылады. Әбілқайыр хан даңғылының бойында Қобыланды батыр атындағы орталық стадион орналасқан.

Мұражайлар, ескерткіштер т.с.с. қаланың бірқатар көрікті мекендері осы даңғылда бой көтерген. Үлкен «Нұрғасыр» облыстық мешіті мен Әулие Николь православ шіркеуі де Әбілқайыр хан даңғылында тұрғызылған. Ақтөбе қаласындағы Президент Нұрсұлтан Назарбаев атындағы орталық мәдениет және демалыс саябағының жалпы көлемі – 42 гектар. Саябақтың дәл ортасында үлкен субұрқақ орнатылған. Ал одан сәл әріректе орналасқан биіктігі 91 метр болатын тутұғырда еліміздің көк байрағы желбірейді.

Ақтөбе қаласының көше атаулары Ұлы Отан соғысымен байланысты. Мысалы, Әлия Молдағұлова атындағы көше, 312-атқыштар дивизиясы, т.с.с. Ұлы Отан соғысы кезінде бұл аймақта 101-атқыштар бригадасы мен 312-атқыштар дивизиясы жасақталған.

«Зымыран сұрақтар»

1.     Ақтөбе қай ғасырда бой көтерді?

2.     Қаланың басты көшелерінің бірі?

3.     Ақтөбеде қандай стадион бар?

4.     Ақтөбеде қандай мешіт бар?

5.     Ақтөбеде қандай шіркеу бар?

6.     Орталық саябақ кімнің атымен аталған?

7.     Саябақтың көлемі неше гектер?

8.     Саябақтың ортасында не орналасқан?

9.     Ұлы Отан соғысымен байланысты қандай көшелер бар?

10. Ақтөбе қаласындағы қандай ескерткіштерді білесіңдер?

«Аяқталмаған сөйлем» Біз Ақтөбе.... ..  Қалада көп қабатты үйлер, .................. және сауда орталықтары көп. Қаланың көшелері....  Біздің қаламыз........ Біз саябақта.......  Ақтөбе-біздің....

Сабақты бекіту. «Ақтөбе» сөзіне бес жолды өлең құрастыру.

бірінші жолда 1 зат есім,

екінші жолда 2 сын есім,

үшінші жолда 3 етістік,

төртінші жолда 4 сөзден тұратын сөйлем яғни ойды түйіндеу,

бесінші жолда тақырыпқа байланысты 1 синоним сөз жазылады.

Ақтөбе,

Ыстық, әдемі,

Көркиеді, жаңарады, асқақтайды,

Ақтөбе – құтты мекен

Туған жер.

ІІХ. Қорытынды. 
1. Сабақта не істедік?  2. Сабақта не үйрендік?  3. Сабақ ұнады ма? 
Бағалау. Оқушылардың берген жауаптарына қарай білімдерін бағалау. 

Үй тапсырмасы. Ақтөбе қаласы бойынша диалог құрау.

Краткое описание документа:

Сабақтың тақырыбы: Ақтөбе қаласы

Сабақтың мақсаты. Білімділік: «Ақтөбе қаласы» тақырыбы бойынша білімдері мен түсініктерін кеңейту.

2. Тәрбиелік: Оқушыларды туған жерін сүюге, сабақ барысында тәртіліптілікке, бір-бірін көмек қолын беруге даярлыққа және көркемділікті сезінуге тәрбиелеу.

3. Дамытушылық: Сөздік қорын дамыту. Оқушылардың саналы түрде байланыстырып сөйлеуге дағдыларын дамыту.