Белсенді оқыту тәсілдері -коучинг сессиясы

Алматы облысы, Алакөл ауданы, Қант зауыты ОМ

Орындады:1-ші деңгей мұғалімі К.С. Тулегенова

Сабақтың тақырыбы: "Белсенді оқыту тәсілдері" коучинг – сессиясы.

Өткізу күні: 31.11.2018 ж.

Мақсаты: Мұғалімдер белсенді оқыту тәсілдері жайлы тәжірибе тәжірибе алмаса отырып, білімдерін толықтырады;

Күтілетін нәтижелері: Мұғалімдер белсенді оқытуды тәжірибеде қолдануға бағыт - бағдар алады

 Түйінді идеялар: Оқытудың белсенді әдістері- оқу материалын игеру үдерісінде оқушыларды белсенді ойлау және практикалық әрекетке итермелейтін әдістер. Белсенді оқыту мұғалімнің дайын білімдерді баяндауына, оларды есте сақтауы мен қайта жаңғыртуына емес, оқушылардың белсенді ойлау және практикалық әрекет үдерісінде өз бетінше білімдер мен біліктерді меңгеруіне бағытталған әдістер жүйесін пайдалануды білдіреді.

Ресурстар: таратпа қағаздар, фломастерлер, стикерлер,  А4 қағазы.

Қатысушылар: 25 мұғалімдер

Коучинг сессиясының өту барысы:

Сабақты өткізу кезеңдері	уақыт	Қатысушылардың іс-әрекеті
Сәлемдесу. Ынтымақтастық орта құру	2 мин	Қатысушылар шеңбер бойында тұрып, өз аттарына байланысты жақсы бір қасиетті айта отырып, көпшілікке тілек тілеу
Қатысушыларды топқа бөлу.	2 мин	«Санау» әдісі бойынша 4 топқа бөлу.
Сұраққа жауап алу нәтижесі бойынша коучинг –сессиясының тақырыбымен танысатыру. Коучинг –сессиясының мақсатымен, күтілетін нітижелерімен таныстыру.	2 мин	Коучинг –сессиясының тақырыбымен, мақсатымен, күтілетін нәтижелерімен танысады.
Кіріспе сұрақтар: -         Белсенді оқыту дегеніміз не? Сіздер қалай ойлайсыздар? -         Белсенді оқыту құрылымына нелер кіреді?	5 мин	Мұғалімдер қойылған сұрақтарға жауап бере отырып, өзара пікір алмасады.
Слайд  «Белсенді оқыту дегеніміз не?»	5  мин	Презентация көре отырып, мұғалімдер «Белсенді оқыту»- дегеніміз  еңбек пен танымның ең тиімді және өнімді әрекетін таңдау екендігін түсінеді; белсенді оқу құрылымы оқудың уәжінен, мақсаты мен шартынан және нәтижесiнен құрылатындығын біледі.
«Ойлан- топтас- бөліс» әдісі бойынша әр топ белсенді оқыту тәсілдерімен таныса отырып, өздеріне берілген бөлімдерді қорғайды.   1-ші топ «Нұсқау беру және айту», «Көрсету және моделдеу», 2-ші топ «Түсіндіру және сипаттау», «Сұрақ қою және талқылау», 3-ші топ «Зерделеу және зерттеу», «Бекіту және қолданысқа енгізу», 4-ші топ «Рефлекция және бағамдау», «Қорытынды шығару және есте сақтау»	10 мин	Әр топ өздеріне берген бөлімдер бойынша кластер қорғайды.  Бір-бірінің жұмысын «Екі жұлдыз, бір тілек» әдісін қолдана отырып, бағалайды.
Әр топқа тапсырма беру. «Ойлан- топтас- бөліс» әдісін қолдана отырып, сабақтың кезеңдеріне бір тапсырма, соған сәйкес бір белсенді оқыту әдісін таңдап алып, мақсатын, күтілетін нәтижесін көрсетеді	10 мин	1-ші топ сабақтың басына, 2-ші топ сабақтың ортасына, 3-ші топ сабақтың қорытынды бөлісіне, 4-ші топ сабақтың соңы, рефлекцияға тапсырмалар құрастырып, белсенді оқыту тәсілін көрсетіп, постерді қорғайды
«Белсенді оқыту мен оқудың кейбір тәсілдері» сурет бойынша тест	2 мин	Суретте бейнеленген әдістерді анықтайды
Белсенді оқыту стратегияларын қолдана отырып, қандай нәтижеге қол жеткізуге болады? сұрағына жауап алу	2 мин	Мұғалімдер өз пікірлерін айтып, қорытындылайды?
Рефлексия	3-5 мин	Кері байланыс. «Кемпірқосақ» әдісі бойынша кері байланыс береді.

Коучинг-сабақ жоспарына рефлексиялық есеп

         Қант зауыты орта мектебінде 31.11.18 ж күні  мектепте "Белсенді оқыту тәсілдері" тақырыбында коучинг –сессиясын өткіздім. Коучинг – сессиясына  мекетептің 25 мұғалім қатысты.

 Коучинг –сессиясына «Мұғалімдер белсенді оқыту тәсілдері жайлы тәжірибе тәжірибе алмаса отырып, білімдерін толықтырады»- деген мақсатты қойып, «Мұғалімдер белсенді оқытуды тәжірибеде қолдануға бағыт - бағдар алады»- деген күтілетін нәтижелерді анықтап алып, осы бағытта жұмыстар жүргіздім.

  Коучинг- сессиясын қатысушылар шеңбер бойында тұрып, өз аттарына байланысты жақсы бір қасиетті айта отырып, көпшілікке тілек тілеу арқылы ынтымақтастық орта құрдан бастадық. Мұғалымдер «Санау» әдісі бойынша 4 топқа бөлінді. Сабақтың тақырыбымен танысып, мақсатымен және күтілетін нәтижелерін қатысушылар өздері айқындады. «Пайымдау сұрақтары» әдісін қолдана отырып, бесенді оқыту, белсенді оқытудың құрылымы жайлы қатысушылардың өз пікірлерін айтып, ой бөлісті. «Ойлан- топтас- бөліс» әдісі бойынша әр топ белсенді оқыту тәсілдерімен таныса отырып, 1-ші топ «Нұсқау беру және айту», «Көрсету және моделдеу», 2-ші топ «Түсіндіру және сипаттау», «Сұрақ қою және талқылау», 3-ші топ «Зерделеу және зерттеу», «Бекіту және қолданысқа енгізу», 4-ші топ «Рефлекция және бағамдау», «Қорытынды шығару және есте сақтау» бөлімдері бойынша  кластер қорғады. Содан кейін әр топқа сабақтың кезеңдеріне байланысты бір тапсырма және саған сәйкес белсенді оқыту әдісін құрастыруды талап еттім. 1-ші топ сабақтың басына, 2-ші топ сабақтың ортасына, 3-ші топ сабақтың қорытынды бөлісіне, 4-ші топ сабақтың соңы, рефлекцияға тапсырмалар құрастырып, белсенді оқыту тәсілін көрсетіп, постерді қорғап, «Екі жұлдыз, бір тілек» әдісі бойынша бір –бірінің жұмысын бағалады. Осыдан кейін «Белсенді оқыту мен оқудың
кейбір тәсілдері» сурет бойынша тест алынды. Тест нәтижесі бойынша мұғалімдер белсенді оқыту әдістерін дұрыс анықтай білгендігі байқалды. Соңында  «Белсенді оқыту стратегияларын қолдана отырып, қандай нәтижеге қол жеткізуге болады?» сұрағына жауап ала отырып, қортындыладым.  «Кемпірқосақ» әдісі бойынша кері байланыс алдық. Кері байланыс беру барысында қатысушылар «Сабақты түрлендіріп өткізіп, оқушылардың өз бетімен меңгеріп, өз ойын еркін айтуына мүмкіндік беру керектігі; Өз бетімен жұмыс белгілі бір мақсатқа бағытталған, оқушы орындай алатындай етіп таңдалуы тиістігі; Оқушылардың пәнге қызығушылығын арттырып, білімдерін қолдана алуы үшін, белсенді оқыту стратегияларын тиімді қолдану керектігі» жайлы пікір алмасып, өз қоржындарын толықтырғандықтары жайлы айтты.  Коучинг –сессиясы барысында мұғалімдер бір-бірімен тәжірибе бөлісе отырып, белсенді оқытуды тәжірибеде қолдануға бағыт - бағдар алды.

          Бірінші деңгей мұғалімі         К.С. Тулегенова